![](https://blogger.googleusercontent.com/img/b/R29vZ2xl/AVvXsEjVdSCbxNKnU37ZE4Z2nNFQahkEyG0QH_CiA17sKTExMRMsih_vaEMezFTs7zVxqjLLtMvGibQpuTxsjw4JyOmT4Bnip32xtux29c9irJXElrWrbcyouDJJj5WZ8c7f3ogCCVHd/s400/risco+de+vento+costeiro+5_3_09.png)
Recibín xa hai días o convite que faigo extensivo a continuación:
![](https://blogger.googleusercontent.com/img/b/R29vZ2xl/AVvXsEhDbpoqgeu5k5yaOTxwB5dcNORtnm3daIdWMjkDIOUUWM8hmsB_hV79tSboFx_ZuGKP25H5B0NnpIHXflpLjdvrNH3RsUwrAcrlIng5xG0ByRDK81JD4Za9kKo1ZsYvv6krYsEy/s400/convite.jpg)
E fáigome eco dun atragantamento, non deste convite, senón de exceso de obra construída. A contagotas, pero segue escoitándose o que se podería chamar 'defensa dos construtores' fronte ó castigo polos seus excesos pasados. Coido que eles non o ven así exactamente, como unha defensa, senón como un dereito, pois noutro caso non plantexarían accións xudiciais contra o concello. Claro que tamén pode ser unha estratexia para ver se se libran: cando se plantexan accións xudiciais, aínda que aparentemente non debera ser así, sempre hai a posibilidade dun fallo favorable, ou, ó menos, a dilación das cargas coas que se quere castigar así como a espera de cambios políticos que faciliten que ditas cargas non cheguen a fin. Algo diso está xa a pasar polo que parece, pois algún edificio afectado polo exceso de construcción, no novo plan urbanístico en trámite sería legal.
E cada vez se vai complicando tamén máis o tema do mercado semanal. aviso de perda de dereitos por parte do concello a quen es non pagan dende hai tempo, de xeito que en quince días perderían os seus dereitos, e a quenes pagaron, de que se non usan deses dereitos, tamén os perderán (aínda que sexa en maís tempo). Xusto no medio do prazo, a manifestación dos feirantes, con alternativa de paro de tráfico ou vía peonil segundo que consigan o permiso gubernativo ou non. En realidade, nada novo respecto de semanas anteriores. Pero non deixa de chamarme a atención, pola súa aplicación a outras moitas posibilidades o razonamento en canto á perda de dereitos por falta de uso. Algo que está visible en moitos tipos de contratos, e, ó tempo, invisible pero aplicado inexorablemente no contrato do cidadán coa sociedade a traverso da estrutura política que conforma (... e nunca mellor dito o de 'conforma')
Ningún comentario:
Publicar un comentario