Nota de prensa de Ribadeo en Común

Desde Ribadeo en Común queremos agradecer a súa confianza ás 271 persoas que nos deron o seu apoio nas pasadas eleccións; tamén a todos os que se achegaron aos colexios electorais a depositar o seu voto; lamentablemente por só 15 votos non puidemos obter a nosa primeira representante no Concello.

Nestes meses pasados, veciños e medios locais téñennos preguntado que fariamos se non acadabamos representación: sempre respondemos que seguiriamos a traballar para mellorar Ribadeo, e agora chega o momento de cumprir coa palabra dada: seguiremos a traballar, como até agora de xeito aberto, para poñer en marcha e apoiar cantas iniciativas xurdan a prol dunha economía sustentable e diversificada, para defender uns servizos públicos de calidade e promover o coñecemento e a conservación do noso patrimonio natural e histórico. Seguiremos, así mesmo, a pedir máis transparencia e participación veciñal en Ribadeo, en coherencia cos acordos asinados polas forzas que conforman a corporación, e como ferramenta esencial na prevención da corrupción.

En todo caso, os resultados da pasada fin de semana non deixan lugar a dúbidas: as xentes de Ribadeo seguen a respaldar no equipo de goberno actual, e deron un apoio maioritario á lista do BNG - Asembleas Abertas. Por iso, a plataforma veciñal Ribadeo en Común desexa sorte e bo criterio ao goberno entrante, na esperanza que a chamada á participación e a transparencia que reflicte o seu lema de campaña comece a se reflectir en algo máis efectivo. Se é o caso, terá en Ribadeo en Común un colaborador xeneroso e leal no deseño e posta en marcha de propostas de futuro para o noso concello.

Letras galegas: Concerto da banda municipal de Ribadeo (20150530)

Cheo no cine teatro, para variar. Lectura de Farruco Graña e bis e himno galego, incluídos, aínda que non aparezan no díptico-programa. No audio non aparecen as tres primeiras pezas. Mágoa, estábame gustando...
E o ambiente? Bo!.

O himno, mellor lelo noutro lugar.

'Un faro de todos y para todos'

    Recollo hoxe de La Comarca, por unha petición xeral que se fixo ó grupo 'Por nuestro faro', un artigo que sae hoxe mesmo. A próxima fin de semana haberá unha xuntanza... e a ver que sae.
    Só lembrar que premendo sobre a imaxe, pode ampliarse...  e que o texto tamén está despois no mesmo corpo da entrada, feito usando o ocr https://www.onlineocr.net.

 

Anteriores:
Faro, números, posibilidades... hotel?
Post resaca electoral
Dous modelos
Pensamentos lixeiros para agosto: un faro, un hotel

 

Texto:

    RIBADEO, sábado, 30 de mayo de 2015 LA COMARCA DEL E0
    Un faro de todos y para todos
    Por Grupo Por nuestro faro
    Desde la plataforma «Por nuestro faro» querernos exponer nuestro punto de vista para evitar tergiversaciones o interpretaciones rápidas de las que ya hemos sido víctimas por parte de personas físicas, grupos o entidades. 

    En primer lugar, queremos aclarar que no estamos en contra de personas individuales ni contra la iniciativa privada, sino contra la explotación privada de un edificio público, lo cual es responsabilidad de las administraciones competentes, que han tornado la decisión de permitirlo de manera rápida y discreta. Aunque todo se haya inscrito dentro de la legalidad, no nos parece correcto que la mayoría de los ribadenses haya tenido noticia por la prensa hace apenas unas semanas de que el faro de Ribadeo iba a ser explotado y reconvertido en hotel de lujo a través de una concesión. Esta concesión ha sido otorgada incluso antes de que el gobierno español levantase la prohibición de usos hoteleros que permitiría llevar a cabo el proyecto, y la escasa información de la que disponemos hoy sobre dicho proyecto es difundida de forma muy concisa a través de los medios de comunicación.
    Al margen de la falta de transparencia del proceso, de nuestras dudas sobre el impacto que podría tener sobre la isla Pancha y su entorno, y muchos otros aspectos sobre los que desconocemos los detalles, pensamos que el faro forma parte del patrimonio de Ribadeo, y que, corno tal, su utilización debe hacerse desde lo público. No pensamos que el faro ni el acceso a la Isla Pancha deban permanecer cerrados, pero toda explotación o uso que se haga debe respetar el lugar y el carácter del edificio. Su utilización debe de favorecer la democratización de su acceso y los ribadenses deben poder disfrutar de él. Creemos que otras opciones son posibles, y que pueden permitir a su vez proteger el edificio del paso del tiempo, esas opciones merecen ser estudiadas antes de liquidar el problema dejando el faro en manos privadas para transformado en minihotel de lujo, al que sólo tendrían acceso unos pocos privilegiados. 

    El caramelo con que se pretende dulcificar a la opinión pública ribadense es el acceso al faro y a la Isla Pancha: una cafetería bajo tierra sería el reclamo para contentarse de no poder entrar en el faro y de que sólo los turistas de élite disfruten de su interior, de sus vistas y de contemplar el paisaje desde la torre donde se encuentra la linterna. Lo que nadie dijo tampoco es que para entrar en la Isla Pancha y en el faro no es necesario instalar un hotel, y esta idea se ha vendido como la única posibilidad existente para poner un pie en la Isla Pancha. 

    Y, para terminar, -aunque quizás podríamos haber empezado por aquí- : el faro no es una construcción como otra cualquiera, tanto por su ubicación fuera del casco urbano -en un suelo clasificado como rústico y de interés paisajístico-, como por su carácter, su historia y simbología. 

    Creemos que otros edificios vacíos, abandonados, con encanto en el centro de Ribadeo y con capacidad suficiente, serían mucho más adecuados para albergar un hotel. Creemos también que un aspecto que no debe olvidarse es el significado especial de la Isla Pancha para los ribadenses que, a pesar de la tendencia actual a transformar faros en hoteles, no consiguen imaginarse un hotel enfundándose los muros de nuestro faro. Para muchos, es una estampa emblemática y representativa de Ribadeo, un vestigio del pasado, un monumento a los hombres y al mar, y también es el lugar que muchos han elegido para que sus cenizas descansen allí. Un lugar especial, con alma, no vendible, y público.

Pasou unha semana

Pasou unha semana (días laborables) dende as eleccións. Coido lembrar que todos os grupos políticos de Ribadeo levaban dun ou outro xeito unha mellora na limpeza. Pero tardan en poñerse mans á obra...

 En toda a semana levo visto os mesmos carteis, cada vez máis roídos e algúns medio arrincados. Só o que agora se pode chamar 'pequeno grupo' de ReC cumpriu a mesma noite electoral cos poucos carteis que puxo.
E así, o corazón que incluía un cartel na noite de comezo electoral quedaba así:

É de supoñer que se irán sacando ó longo desta semana...

Faro, números, posibilidades... hotel?

Por partes. Hai canto tempo que non ves 'en vivo e en directo' a illa Pancha? É importante para ter conciencia que está aí, que é real, algo máis ca unha abstracción que manexar nas redes sociais como un xogo de rol.
Punto seguinte: Embaixo, unha toma do SIGPAC, un servizo oficial de cartografía española na rede. A toma é en marea baixa e vense perfectamente os algo máis de 170 m² [Nota posterior 1: medidos de xeito aproximado polo sigpac, unha consulta posterior apuntan a unha superficie tapada polo  aleiro de 160 m² , de planta interior ós muros uns 120 m² , dos que habería que descontar os muros interiores da torre para ter conta do espazo libre,m e ó que habería que sumar un almacén subterráneo de 27 m²] do edificio principal da illa, o que se quere converter en hotel, e máis ó noroeste o faro actual, e fóra da illa, ó suroeste, o templete construído pola escola de emprego. A ponte que pecha o acceso á illa tamén é perfectamente visible, aínda que o seu peche pola parte do continente intúese máis ca verse.

Non está florido, a época da foto non corresponde coa época das flores na illa invadida pola unlla de gato.
A seguinte toma, tamén do SIGPAC, da algo máis de información: A illa está protexida por formar parte da Rede Natura 2000, en zona LIC (LIC río Eo, e próximo o LIC As Catedrais) e tamén en ZEPA (Zona ZEPA Ribadeo).

Outra cousa: Como polo momento o concello cala sobre o informe realizado, pídolle que se faga público, e con el, a postura do concello sobre o tema. O concello, que somos todos, inclúe o goberno, si, pero tamén a oposición. Por algún detalle, parece que ao menos parte da oposición estaría en contra do hotel no faro, pero 'a cousa non está clara', polo que tamén a oposición debera facer pública a súa postura. Vese a Ribadeo en Común participando nalgún dos lugares de apoio á protesta na rede; é de supoñer que tamén teremos novas súas. A AVV O Tesón aínda non emitiu ningún comunicado, pero a súa posición podo dicir que é contraria tamén.
A cuestión dos apoios pasa por unha constatación numérica. Esta mañá, na rede, o grupo (cerrado) 'Por nuestro faro' ten 339 membros. A comunidade 'Illa Pancha non se toca. O noso faro non é un resort', 2716. A petición de sinaturas en Avaaz vai por 895. E hai unha petición xenérica contra a conversión dos faros en hoteis, así como houbo xa algunha manifestación noutros lugares contra o uso hostaleiro dos faros (ver El Mundo/Baleares do 28 de febreiro deste ano, "Convocan una movilización contra la privatización de los faros baleares"). É certo que a implicación de darlle a un 'gústame' na rede, ou a pertenencia a un grupo en Facebook non leva consigo moito, pero pensando no que leva consigo un voto como os que puidemos emitir aínda non hai unha semana, coido que poden compararse. O partido que obtivo a maioría absoluta dos postos no concello recaudou 2887, cifra semellante ó apoio manifestado ata agora polo grupo que se enfronta á conversión do faro en hotel. Polo momento, algo máis que calquera das cifras expostas antes, pero xa con seguridade, menos que as persoas implicadas en algunha das manifestacións anteriores. E aínda que máis lento, a cifra segue a medrar.
Quizais, á vista do anterior, a convocatoria dunha manifestación polas rúas de Ribadeo está próxima, máis aínda despois de ter diversos medios para difundir a información, tanto xornalísticos (por exemplo, a nivel galego, praza.gal con "Illa Pancha: Outro espazo público reconvertido para o lucro privado") como televisivos (ver en lasexta.com "La privatización de los faros, un fracaso del gobierno?", aínda que, como unha das persoas que sae, co dito por min cortado e fóra de contexto, podo dicir que a presentación é tendenciosa).
Posibilidades? Moitas. Só unha pasa por convertirse en hotel. E coido que non a mellor, implicando que algo público sirva a intereses privados e non ó público. É algo pequeno fronte a outras cesións do público que están a facer moitas camarillas políticas. Algo máis e que nos toca algo máis preto.
Glosando algo que dixen para a televisión e non foi publicado, paréceme mal que deixe de ser público,paréceme mal o método seguido, sen comunicación clara nin transparente, e paréceme mal a falta de participación do pobo nas decisións que nos atinxen. Neste sentido, un caso máis.
#‎IllaPanchaNonSeToca‬ ‪#‎ONosoFaroNonÉUnResort‬
[Nota posterior 2: Aínda que non é o tema a discusión sobre o impacto, senón sobre a cesión dun ben público máis -vi á miña cabeza por exemplo o caso da cafetería na praia das catedrais-, nunha primeira conversa co promotor, queda axustado segundo as súas verbas, que o faro non vai cambiar a súa estrutura interna, e que, de calquera xeito, unha oposición debera ter nado hai cousa dun ano, coa publicación da solicitude no BOE -http://www.boe.es/boe/dias/2014/05/30/pdfs/BOE-B-2014-19304.pdf-, e non agora.]
__
Anteriores:
http://ribadeando.blogspot.com.es/2015/05/post-resaca-electoral-voltando.html
http://ribadeando.blogspot.com/2014/08/pensamentos-lixeiros-de-veran-un-faro.html

Xa votaches. Agora témoste vixiado

É curioso. A información asimétrica. Tenta procurar algo de información das administracións en España e verás os muros cos que te atopas. Dende cousas tan nimias en aparencia como o coñecer que vai haber pleno e que se vai tratar ata a información sobre o hotel da illa Pancha ata outras de abondo máis peso que xa nin te proporás coñecer. En relación ós dous exemplos, para o primeiro, anos despois de pedir neste blog que se faga público en internet -aquí, a última vez que o lembrei-, terás que ir ó taboleiro de anuncios do concello e mergullarte entre papeis diversos de xeito periódico, pero non cada moito tempo. Para o segundo, ir ó concello, ver o documento -nas mesmas condicións que antes, sen saber ademais en principio que ten que haber algo semellante alí- e logo largarte a mirar a información a Ferrol.
Iso, da información que tentamos obter nós.
De nós, non é que tenten obter información, senón que a obteñen -e se é o caso, a exixen de xeito repetido-. De xeito xenérico, a min, como a outra moita xente, téñenme vixiado literalmente dende que saio da casa, unha empresa privada, da que pode recabar información a administración. As fotos embaixo non son de agora, senón de algo que leva ocorrendo xa hai tempo, a conta da protección da antiga Caixa Galicia. Algo que leva a vixiancia privada 24/24 dun espazo público:

Vixiancia en Abanca-Ribadeo

Vixiancia en Abanca-Ribadeo

E o anterior é só un detalle. Calquera que pase por aí ou tome un viño enfronte tamén estará no oollo da cámara, outros poderán ter esa información que nin a mesma persoa que é recollida poderá ter; moitas veces, nin saberá que está sendo recollida. Ademais, se se me ocorre conectar o meu teléfono intelixente co xeoposicionamento, poderei saber a miña posición, pero, quen dubida que se poda conectar e extraer datos de xeito remoto sobre a miña posición?
Hai algún tempo, xusto antes da campaña electoral, saíu a nova de que 'veciños e policías' pedían máis cámaras para rematar co vandalismo. Coido que xa hai demasiadas, e que quen se propoña facer mal terá xeito abondo de saltarse as limitacións, mentres a consecuencia dese maior número de cámaras, a xeralidade de persoas teremos máis sobre nós o gran irmán.
A cousa viña no xornal o 5 de maio a conto do estado do ascensor da Atalaia. Dende aquela recollín varias entradas en diversas web sobre o tema. Un tema que parece que non comprendemos o alcance que ten para as nosas vidas no futuro. Algo que parece nimio pero que está relacionado coa perda de liberdade individual e o control sobre tanto da administración como de (e a traverso de) determinadas empresas.
Xa votaches? Pois vaite, que te temos vixiado/controlado...
Un par de lugares por se te queres informar:
Reflectindo sobre a cibervixiancia.
A campaña de Amnistía Internacional contra a vixiancia masiva.

Lembranza para a historia

Por orde alfabética:

Post resaca electoral. Voltando á normalidade

O luns, despois dunha resaca, é un día diferente. Neses casos, a semana comeza a normalizarse o martes.
Algo así pasa coas eleccións. Despois dunha fartura, luns pasa rápido e aínda sobrevoando os resultados. É máis tarde, a partir do martes, cando se baixa á terra e se vai un pouco máis pausado.
No caso de Ribadeo, o martes comezou guerreiro. Agora mesmo hai 20 horas -boa parte, noite- que se creou unha comunidade en facebook: "Illa Pancha non se toca. O noso Faro non é un resort." 20 horas, 1357 'gústame'. Xa sei que os 'gústame' en Facebook son relativos, que non custan nada, pero 1357 en 20 horas en algo relacionado con Ribadeo, 10 000 habitantes, é cousa de 1 cada minuto e algo nada desprezable para a conversión do faro en hotel. Xusto despois dunha eleccións que deron a maioría absoluta longa a un partido que estando no goberno municipal, tivo algo que ver co tema, alomenos a traverso dun preceptivo informe do concello que, segundo a axencia de novas EFE, foi emitido. E, a falta de resposta pública por parte do concello fronte á concesión da Illa Pancha, a suposición (o que nos queda fronte á desinformación) é que non foi desfavorable. [máis sobre o tema da conversión do faro en hotel, con ligazóns]

Foto do perfil da comunidade en Facebook: a Illa Pancha non é accesible ó público

Información que polo contrario, si sorprende o que se prodiga noutros casos. Como cando hoxe aparece nos xornais, e tamén na web do concello, unha nota institucional (do concello) de agradecemento polas eleccións. Agradecemento que vai asinado polo BNG como maioritario e beneficiado desas eleccións. A primeira cita do alcalde na nota comeza: "quero expresar a miña satisfacción e a do meu grupo de goberno, dos homes e mulleres do BNG que nos presentamos a estas eleccións". A nota tamén foi emitida onte, pero os resultados, como no caso anterior, vense hoxe. A identificación entre partido e goberno a nivel institucional sei que é unha práctica común nestes lares. Que se contaxiara o BNG en Ribadeo, pode ser común, pero non é bo. E aquí, si que houbo comunicación e non desinformación. Polo demais, esperemos que a maioría absoluta sexa para ben... de todo Ribadeo.
--
Nota: os datos deste artigo deron lugar á publicación no xornal El Progreso-A Mariña, ó día seguinte, dunha nova sobre o tema do farohotel.

Resultados Ribadeo. Eleccións locais 2015 (IV Rematando cos datos)

Para rematar coa base de datos (pode que siga empregando algún dato derivado máis, pero de xeito esporádico), deixo dúas gráficas comparativas 2011-2015 por mesas, vila e campo e total:

Coido que o anterior é abondo ilustrativo: O BNG aumentou as porcentaxes de votos tanto na vila como no campo, de xeito semellante, mantendo a avantaxe as porcentaxes do campo. O PP, en cambio, que controlaba máis a Vila, perdendo porcentaxes en ambos lugares, ten xa máis votos relativamente no campo. O PSOE diminúe en votos de xeito proporcional en ambas, e ReC e sobre todo, ReC, son fenómenos urbanos.
A seguinte táboa desgrana os mesmos datos por mesas electorais. Saeu un pouco máis complicada a súa interpretación, pero vese claramente onde están os principais viveiros de votos dos partidos. O BNG chega a preto do 70% en Covelas no 2015, aumentando un pouco o dato anterior, e aproxímase tamén en Vilaframil, onde sube máis. O PP, segundo partido en votos, é máis regular no 2015, minimizando á baixa as diferencias de 2011.

--
Resultados eleccións municipais
Lista de concelleiros
Histórico
Rematando cos datos

Resultados Ribadeo. Eleccións locais 2015 (III Histórico)

No que vai de século:

Onde se pode observar ó tempo unha subida de votos constante do BNG, ó tempo que, a excepción das primeiras elección do século, baixa o número de votos emitidos a partidos, isto é, a participación.

E no que vai de democracia, presentado en gráfica e en táboa, primeiro por número de concelleiros, logo por número de votos:

 Obsérvase as pulsións entre os tres partidos tradicionais dende as segundas eleccións en democracia.

Creo que os seguintes dous gráficos son abondo explícitos por si mesmos, coa maioría absoluta actual do BNG non só en cadeiras, senón en votos a grupos.

Coido que pode ser máis gráfico presentar os resultados en termos relativos:

 .. continuará.

Anterior:
Resultados eleccións municipais
Lista de concelleiros
Histórico
Rematando cos datos
Eleccións municipais 2015

Resultados Ribadeo. Eleccións locais 2015 (II Lista de concelleiros)

Despois dos datos dos resultados das eleccións municipais en Ribadeo 2015, a lista de concelleiros:

1.BNG-Fernando Suárez Barcia

2.BNG-Mari Luz Álvarez Lastra

3.PP-Jesús López Penabad

4.BNG-Vicente Castro Reigosa

5.BNG-Ana María Martínez Fernández

6.PP-María Rosina Tosar López

7.BNG-Xosé Farruco Graña

8.PSOE-Roberto Ramos Piñeiro

9.BNG-Sonia Meilán Vizoso

10.BNG-David Ribas Peña

11.C's- Marta María Saiz García

12.PP-José Juan Estévez Fernández

13.BNG-Paz Ermida Igrexas

14.BNG-Jorge Díaz Freije

15.PP-José María Suárez García

16.BNG-Vanesa Yanes Rivas

17.PSOE-David Fernández Feijoo

Outros: Resultados eleccións municipais
Lista de concelleiros
Histórico
Rematando cos datos

Eleccións municipais 2015

Resultados Ribadeo. Eleccións locais 2015

Primeiro, o titular:
O BNG ten maioría absoluta e aínda lle sobra un concelleiro.
Despois, os datos:

Así, pódese ver que o posto costou 285 votos ó PSOE, 289 ó BNG, 300 ó PP e 407 a Ciudadanos.
Tamén se pode ver que ReC quedou a 15 votos de obter escano, que lle restaría ó PSOE, unha vez sobrepasado o límite do 5% de votantes, establecido en 276.
Deixando a parte o caso de ReC, que sería por votos quen obtería o escano nº 18 de ter chegado ó límite de 276 votos, o escano 18 sería acadado polo BNG, e, de ter 16 postos o concello, quen perdería un posto sería o PSOE.
Por outra banda, o PP baixa a un resultado que se libra de ser o peor en escanos da súa historia por ter aumentado o número de cadeiras a 17. E o PSOE, aínda que xa non é o grupo menos votado, segue perdendo votantes.
Pódense comparar estes resultados cos de 2011 en Ribadeando. E irase aumentando os comentarios aquí. Mentres...

O reparto de decisións dos votantes está claro: BNG+PP, 50%; abstención, 1/3.
O reparte de cadeiras, tamén:

Desmenuzando un pouco os resultados, por parroquias (depurados, hai unha mínima diferencia):

De calquera xeito, está claro que mentres o PP mantén a súa porcentaxe fóra da vila, e o BNG incrementa porcentaxes nas mesas rurais, o PSOE e C's perden porcentaxe de xeito ostensible, e ReC convírtese en testimonial no rural.
Haberá tempo de máis interpretacións, pero, que houbera pasado se Ribadeo se mantivera con 13 cadeiras en troques de 17? Pois o seguinte:

É dicir, unha maioría aínda máis abrumadora do BNG no pazo de Ibáñez.
-
Outros:
Resultados eleccións municipais
Lista de concelleiros
Histórico
Rematando cos datos
Eleccións municipais 2015

Transcurso electoral

Nubes, algo de Sol, vento, moita xente na rúa, xente de fóra, actividade nos colexios electorais da vila, marcan o día.  Non parece haber incidentes graves.

http://locales2015.mir.es/web/locales2015

Non comprendo algunhas normas sobre propaganda nos colexios electorais, pero non é momento de facer unha análise. Si me chama a atención a cantidade de xente que ven con sobre da casa, unha porcentaxe que diría está entre 1/3 e a metade. Iso indica algo sobre o nivel de decisión na democracia en España. Diría asemade polo movemento que en Ribadeo haberá abonda participación, máis que as pasadas eleccións.
Número de electores: 8 198. A maioría absoluta está en 4 100, aínda que sabemos que chegarán abondos menos para lograr a maioría absoluta de votos (sobre os 3 000 votos), e menos aínda para lograr a maioría de postos no consistorio (depende da correlación de forzas; hai catro anos o BNG logrouna con 2 696).
Outro número a considerar: superar o 5% de 8 198, 410 votos, que será o prezo máximo dun posto no consistorio, ó que ó mellor se ten que enfrontar algunha forza política. A partir de aí, rebaixas de custe. É seguro que a algún partido cada cadeira lle costará menos de 300 votos.
Segue o vento. Agora non hai Sol. Nunhas horas, veremos.

Chegou o día da reflexión. Dous modelos de desenvolvemento, dous modelos de actuación

Coas diversas actividades desenvoltas onte por Ribadeo en Común no Cine Teatro de Ribadeo, onte deu fin a campaña electoral na nosa vila. Hoxe tocaría reflectir por mandato, como se os demais 1460 días do período cuatrienal tiveramos que deixar a reflexión para outros. Coido que é un modelo, este de 15 días de propaganda-1 día de reflexión-1 día de actuación-moitos, moitos días de anulación que a máis de non ser nin lóxico nin xusto, anula á persoa, a nós, na nosa dimensión social. Formar sociedade é participar na sociedade.
Ben, despois das xornadas de propaganda (intensa a nivel estatal, máis diluída a nivel local), asumamos o rol de reflexión na práctica (o que se nos pide é algo máis de reflexión teórica, pois a expresión sería tan só a deposición dun voto nunha urna). E, para reflectir na práctica, podemos tomar dous casos de desenvolvemento local que se superpuxeron ás propagandas electorais, sinxelamente para comparar, avaliar e mirar cara ó futuro.

Países destino dos barcos dos asteleiros Gondán

Cada caso ten as súas luces e sombras, e non me vou estender sobre eles máis aló dunha presentación inicial. Tanto por que xa teño unha idea formada e con seguridade non sería imparcial, como porque na rede hai abonda información.
Os dous casos son a cesión da casa do faro da Illa Pancha para hotel e a entrega dun novo barco de Gondán, un veleiro de instrución para a Real Mariña Británica, o TS Royalist, de 6,75 millóns de euros de custe.
No primeiro caso, a primeira nova que puxen no blog sobre o hotel na illa Pancha data de agosto do ano pasado. O faro e o edificio estivo en uso entre 1860 e 1983. Na última tempada saiu algunha cousa máis nos medios e nas redes, en particular cando se fixo patente que a concesión estaba vista para sentencia. Trátase dun hotel aproveitando o edificio do antigo faro, con dúas habitacións e unha cafetería. Apunto que na actualidade a illa segue sen poder visitarse por estar cerrada (teño estado no alto do faro en grupo, en visita escolar), e isto faría posible que quen poidera pagalo (a noite falouse de 150 € por cámara) aproveitara unha illa bonita. O proxecto ten suscitado unha campaña de sinaturas en contra en internet, que comezou coa meta de 200 e xa hai tempo que as sobrepasou (hai outro máis en marcha, pero menos seguido). Mentres, sendo algo público, debera ter sido presentado no concello para alegacións, mesmo polo propio concello. 'Non se sabía' se fora así, e/ou se o concello alegara, pero parece que onte mesmo foi concedido o permiso no Consello de Ministros, e a nota d eprensa incluía "perteneciente al dominio público portuario afecto al servicio de señalización marítima y adscrito a la Autoridad Portuaria de Ferrol-San Cibrao, cuenta con un informe previo de Puertos del Estado, así como de la Xunta de Galicia, el Ayuntamiento de Ribadeo y la Dirección General de Sostenibilidad de la Costa y del Mar." Adiante pois. Desenvolvemento para a zona? A que custe?

Un apunte para lembranza: edificio de planta cadrada (128 m2) cunha torre no seu centro. O novo faro ten unha torre illada con lanterna de alcance de 21 millas náuticas (39 km).

O outro caso, a empresa xa leva longo tempo funcionando, e os asteleiros Gondán (aquí, un resume sobre Gondán en ribadeando) son xa dende hai tempo internacionais e expandíronse mercando instalacións fora da ría. A súa liña de barcos é impresionante. Industria manufactureira, as grúas impactan dende lonxe, ó tempo que a recollida dos barcos trae a Ribadeo a xente de todo o mundo, e fai a Ribadeo máis internacional durante todo o ano, ó tempo que o leva a aproximarse a tecnoloxía punta. Outro modelo, unha empresa exitosa. A pregunta é a mesma: Desenvolvemento para a zona? A que custe?

E fin. Si? E por que non en comezando?

Hoxe, venres, á noite, rematan 15 días de campaña electoral, que comezaron a noite do xoves 7 de maio.
Aínda seguen a traer os xornais os rifirrafes dos políticos en diversos lugares, ó tempo que seguen achegando ideas e programas que parecen moitas veces máis sacados da chistera dun mago que de observar as necesidade da xente, e a maioría delas, provocadoras dun sorriso posterior a un pensamento que pode ir dende o 'de que van?' ata o 'outra mentira preelectoral'.
O único antídoto coñecido contra tal estupidez non se vende en farmacias, e parece escaso por estas terras despois dunha ditadura e un cada vez máis férreo control da vontade polo mercado, controlado á súa vez por intereses financieiros.
Collendo unha cita dunha revista sobre municipalismo editada por El Diario, "Quenes son os idiotas? Segundo Pericles, os que non participan no goberno da súa vila e permiten que lles rouben."

Anaco de portada da revista citada. Nela, os grupos de xente van cada un para o seu lado, dun xeito ordenado, pero non dirixido.

E participar non significa votar, ao menos, non só votar... E non fai falta revisar moito a historia para saber que Pericles sabía de que falaba.
Por certo que o título principal da revista é 'que cidade queremos', que me lembra aquel 'o Ribadeo que queremos', do que se poden producir versións sucesivas, como xa ten saído no blog e seguirán a saír. Lembro neste senso que se presenta ás municipais en Ribadeo unha agrupación que fai bandeira dun programa aberto no tempo, en contacto coa cidadanía, algo diametralmente oposto á falta de programa que significa un folleto inchado con todo tipo de promesas propostas.
Despois do cuarto quilo de propaganda electoral que recibimos na casa, collo ó azar algún apartado dalgún dos partidos:
"Construiremos un campo de fútbol de herba artificial (...)
Actividades de lecer para mozos
Crearemos pistas de atletismo e campo a través
Potenciaremos e apoiaremos a:
-Escolas deportivas
-Equipos deportivos de Ribadeo
Crearemos foros deportivos."
Si? alqueń pode traducir en 'realidades o que di ese anaco de programa? Que promete, en concreto, este partido neste apartado?
Podería seguir con outros apartados do mesmo programa, ou dos outros. Uns explican con máis acerto, outros teñen medidas máis concretas, outros, máis factibles... pero, o desenvolvemento electoral actual fai que como moito, a cousa remate coa célebre sentencia do rei Sol: 'todo para o pobo, pero sen o o pobo'.

Para cambiar, participar. Por certo, o mesmo partido do apartado comentado non ten nada sobre impulsar a participación cidadá. E o único partido dos que teño propaganda do programa electoral que menciona a participación cidadá, adícalle o título dun apartado, que non o contido e afirma de xeito implícito que xa a hai (cando leva negando a súa estrutura xa moitos anos).
Xa vai abondo escrito, non me vou meter por hoxe no 'actúa localmente, pensa globalmente', que aínda hai pouco teño escrito sobre o absurdo do lixo electoral.
--
Anteriores sobre as eleccións do 24 de maio.

Difundindo (en) galego. Cousas que quedan de Ribadeo

O IES de Ribadeo Dionisio Gamallo, no entorno do días das letras galegas 2015, ten feito varias cousas sobre o pasado que compre difundir para o futuro...

Revista con L de Local: Libros de autores da zona que están dispoñibles na nosa biblioteca (a do IES):
Descargable aquí ou lexible e descargable aquí.
Exposición (parte). Cartas entre Filgueira Valverde e Dionisio Gamallo:
19371210
19430331
19460410_1_
19460410_2_
19500622_1
19500622_2
19581125
19890325_1
19890325_2
Publicado na morte de Suárez Couto con autoría de Filgueira:
19811025
Que vos praza!

O que pesa a campaña electoral

Pretender pesar unha campaña electoral parece algo estraño. Se consideramos o medio ambiente, non o é.
O que é, é difícil que calquera veciño se aproxime ás cifras reais. Parecería, pero de calquera xeito, poden facerse algunhas aproximacións. Non pretendo pesar os grandes carteis plásticos que penden das farolas, ou os pendóns da rotonda do instituto, nin tampouco os múltiples carteis murais pegados cada un coa súa cola. Non, só chamar a atención sobre todo iso a partires dunha soa parte: a propaganda que nos chega ás casas, polo correo ou a traverso de persoas que a reparten. Aínda así, abonda para facerse unha idea, polo baixo, do que estamos a falar.
Sei que aínda non rematou a campaña, co que pode haber aumentos nas cifras que dou (de feito xa vin propaganda que aínda non me chegou; procurarei manter as cifras ó día se vai chegando), ou variacións de propaganda dunha casa a outra por diversos temas. Así, ós sobres que veñen individualizados, con nome e apelidos, sobrepóñense os buzoneos indiscriminados de folletos ou 'impresos postais sen enderezo', co que as contas xerais, aínda cinguíndose á propaganda que chega ás casas, só son aproximadas.

Por partes, tomemos primeiro a masa en gramos de cada partida de propaganda electoral:
Sobre con voto (de calquera partido):
5,2
Sobre grande BNG:
10,0
Programa BNG:
23,1
Parladoiro BNG (foi botado antes de comezo da campaña, pero é claramente con intención de campaña):
29,7
Programa Ciudadanos:
12,3
Folleto sinxelo Ciudadanos:
4,8
Sobre propaganda individualizado PP:
14,8
Boletín formativo PP:
16,7
Folleto propaganda PP:
18,5
Sobre propaganda individualizado PSOE:
15,0
Co que temos os totais, por orden alfabético de siglas:
BNG:
29,7 + 23,1 + 3*5,2 =                  68,4 g
C's:
4*5,2 + 2*12,3 + 4,8 =                45,0 g
PP:
3*14,8 + 16,7 + 2·5,2 + 18,5 =   90,0 g  
PSOE:
3*15,0 =                                       45,0 g
ReC:
                                              0,0 g
Total: 248,4 g

Botando contas a nivel Ribadeo, a razón de preto de 250 g por casa ou 80 g por persoa, segundo como se fagan as contas, saen en calquera caso máis de 3 000 kg de material distribuído polas vivendas de Ribadeo.
Repito que habería que sumarlle a cartelería exterior pegada ou colgada, abondo menor en cantidades, pero abondo maior en peso individual, e sobre a que se me ocorre que podería tamén mirar se o fin de semana seguinte ás eleccións está retirada ou non, como primeiro índice da actuación posterior ás eleccións de cada grupo, mantendo Ribadeo máis limpo. Lembro aínda un cartel electoral que se mantivo longo tempo á entrada de Ribadeo, xa descolorido e que tivo que causar roxez de cara no candidato correspondente que non fora retirado polo seu grupo. Espero polo menos que, despois dese cartel que cito e avisos coma este, a propaganda se retirará de xeito conveniente, sen ter que intervir o servizo de limpeza do concello.

Se queren algo, que se presenten ás eleccións, por José Mª Rodríguez Díaz

Algo semellante, a conto doutro tema, escoitei eu hai poucos días, por parte de alguén do outro extremo do espectro político...

“SI QUIEREN ALGO, QUE SE PRESENTEN A LAS ELECCIONES”

Memorable e de triste recordo o desta frase, dirixida por un sobresaínte membro da nosa clase política, neste caso do PP, a un numeroso colectivo de veciños co gallo dunha manifestación en demanda dunha residencia de anciáns para a súa vila, Ribadeo. Unha expresión que nos da a xusta medida do que entenden por democracia os políticos do noso país. O seu autor, un alto cargo político do PP, naquel intre Xefe Territorial da Xunta de Galicia, e de cuxo nome non quero acordarme. Traducida á nosa lingua galega, a lectura desta frase ven a ser esta: Pedímosvos o voto, e en canto nos elixides mendámosvos a tomar polo cu. Esta é a burbulla na que os así chamados representantes do pobo viven pechados cunha ideoloxía na que só existe o partido.
E nós, ¡inxenuos!, que críamos que cando iamos a votar ás urnas estabamos elixindo ós nosos representantes, a aqueles que nos tiñan que escoltar e atender cando lles presentáramos as nosas carencias para darnos as solucións axeitadas. Eso era o que  eles nos pregoaban. E saen agora dicindo que “se queremos algo que nos presentemos ás eleccións”. ¿Pra que fomos, entón, a votalos, nos preguntamos?
A ideología que se agacha detrás desta frase encarna unha actitude que subverte un dos principais piares nos que se debe  basear a democracia. Unha expresión que manifesta e resume a ideoloxía antidemocrática que subxace no subconsciente dos nosos políticos: que eles non se senten representantes nosos, senón do seu partido. Eso é o que con esta frase dixo o citado político.
E foi a través desta frase que os veciños desta pequena vila decatáronse de que para este e outros moitos políticos a chamada representatividade política dos cidadáns non existe. O triste é que o autor desta frase, e moitos outros coma el, foron os que nos tiveron gobernando ó longo de anos, e aínda nos seguen a gobernar moitos deles, non como representantes nosos, senón suplantando a nosa persoa e tomando, din que no noso nome, acordos e decisións que só interesan ó seu partido. So miran pros cidadáns cando se achegan as eleccións.
E este é, de feito, o comportamento do PP de Ribadeo. Sae agora coa nova nos seus mitins de que eles sempre estiveron a favor da residencia de Ribadeo, e dicir, a favor do pobo de Ribadeo. Unha vez mais están a enganar a xente desta vila. Pois, apoiando a postura do seu partido no goberno, sempre se situaron en contra desta demanda dos veciños, agás algúns concelleiros do PP, encabezados por Manuel Valín, que sempre apoiaron as xustas demandas do pobo fronte a postura negativa do seu partido. Postura que a este concelleiro lle trouxo moitos problemas co seu partido. Mais agora, chegadas de novo as eleccións, o PP local cambia de pel, como o camaleón, dicíndolles ós cidadáns que sempre estiveron o seu lado en demanda da residencia. O fin, París ben vale unha misa. ¡Vaia cara!
Pode que este breve comentario deixe en nós unha sensación negativa de impotencia fronte ó exercicio da política. Porque, fronte ó poder trasladado pola Constitución desde os cidadáns ós partidos, os cidadáns atopámonos sen esperanza, illados, marxinados, desarmados e sen posibilidade de poder recuperar o poder para exercelo e tomar decisións a través da nosa presencia directa nos órganos de decisión. Mais ou menos, como estaba no século XVIII o pobo francés. Pro, “tantas veces vai o cántaro a fonte que ó final rompe”, como di o refrán. Rompeuse na revolución francesa tomando o pobo o poder, e parece que pode romper, tamén, en España tres séculos despois. Aínda que en España non hai revolución sanguenta, hai movementos esperanzadores que invitan ó pobo a espertar do seu sono e a loitar pola recuperación do poder que lle foi roubado por unha mala Constitución, feita para a protección dos partidos fronte ós indefensos cidadáns e ideada para saquear España e desvalixar sistematicamente ós seus cidadáns, mediante o control do Poder Xudicial e aforamentos e amnistías. Estamos nun ano de eleccións. ¡Hai esperanza!
(primeiro publicado en http://cargadoiro.blogcindario.com/2015/05/00423-si-quieren-algo-que-se-presenten-a-las-elecciones.html)

 Obras de José Mª Rodríguez

Xardíns colgantes, edición 2015 (I)

No día das letras galegas, natureza viva, rebosante sobre as nosas cabezas, como tódolos anos, lembrando que estamos na primavera. Só unha mostra:
No aparcadoiro:

nunha 'maceta' sobre columna do valado, co pé dos carteis electorais

no muro derribadeo da antiga casa indiana

ó pé dunha casa indiana en S. Roque

nas Catro Rúas

Nas fincas de S. Roque

Na r/Deputación pode verse o conxunto máis nutrido na actualidade

E quedan máis para outra ocasión...(e quedará sen mediar aínda, da cantidade que hai!)