San Silvestre Ribadeo 2021

     A falta da publicación de resultados da San Silvestre deste ano 2021 (XXXI edición) na páxina correspondente, deixo dous vídeos, un ó paso dos 450 m (cruce Avda. Asturias, por onde trascorreu a carreira, coa r. San Francisco) e outro ó paso dos 4 km (r. Calvo Sotelo). O ambiente da carreira, que tivo 368 participantes na súa versión de maiores (nados no 2009 e anos anteriores) e 518 en total, e rulou polo mesmo recorrido doutros anos, parece que non se resentiu gande cousa pola Covid (que levou a que o pasado ano non se celebrara).

    Os vídeos abranquen todos os participantes entre o cabeza de carreira e o coche escoba.

 

As novas do Concello no 2021

    Entendo que a mensaxe do alcalde polo fin de ano é a última nova deste ano 2021, como o foi nos anteriores, polo que xa se pode sacara a estatística do ano completo no que a emisión de novas do concello de Ribadeo se refire.

    Este ano batiuse a marca anterior, sobrepasando por primeira vez a media de unha nova por día, pois quedou en 1,055 novas por día (é dicir, unha nova 'de máis' cada 20 días), cun total de 385 para os 365 días. As gráficas:

    A primeira, como foi evolucionando o número de novas emitidas polo concello en relaicón coa liña que daría 1 nova/día. Vese que a frecuencia baixou cando as restricións do coronavirus da primavera.

    A segunda a comparación da evolución das novas des te ano (liña verde craro máis grosa que as outras) en relación a anos anteriores:

    E por último, a evolución do número de novas ano tras ano dende que se 'normalizou' no ano 2009 (2007 e 2008 foron 'de proba'), onde se ve que de media, cada ano emítense 9 novas máis que o anterior, e que en só tres anos dos doce considerados vbaixou o número en relación ó ano anterior:

 

Coronavirus en Ribadeo, venres 20211231: camiño de máximos

    Segue a subir o nḿero de casos de xeito rápido, presaxiando que se poda batir a marca acadada en vagas anteriores. Hoxe o SERGAS informa de 83 casos, incidencia de 830 por cada 100 000 habitante a 14 días.

    Anteriores.

Coronavirus en Vilalba, venres 20211231: acadada a marca anterior

    Segundo o SERGAS, Vilalba acadou este fin de ano o mesmo número de contaxiados que no máximo da vaga de comezos de ano. E ten pinta de seguir a subir. O día un non publicarei, non quero dar a mala noticia de comezo de ano. Hoxe na páxina do SERGAS (con datos de onte ás 18:00, actualizados esta mañá) pode verse que a 14 días hai 192 contaxiados, incidencia de 1364 por cada 100 000 habitantes.

    Anteriores.

Sobre demografía e movementos de poboación

    De xeito periódico aparecen novas sobre demografía en Galicia. O normal é que sexan notas pesimistas en relación a datos reais do desenvolvemento poboacional actual e proxección cara ó futuro dos galegos, mais esta mesma semana apareceron novas sobre o movemento poboacional relacionado coa pandemia, en base a que o INE publicou o censo de xaneiro de 2021. A idea baixo os titulares era que a COVID impulsou un movemento de poboación fóra das cidades.

    A nivel xeral, Galicia acadou un pico poboacional nos anos 80, e logo outro (máis baixo) no 2010. Este último, netamente por entrada de xente de fóra, inmigrantes (e emigrantes retornados). Pero dende esta última data, os rexistros indican que leva perdido 100 000 habitantes, camiño dun 4 % da poboación, unha cantidade considerable. E, só no 2020, máis de 6000 veciños.

    Nese contexto, o dicir que o conxunto das sete cidades galegas perdeu uns 5000 habitantes coido que, sen deixar de ser relevante de por si, pasa a ser algo relativo. E máis aínda cando esas persoas desprazáronse, na práctica, a zonas limítrofes ás cidades, a zonas que poderiamos chamar suburbanas máis ca rurais. E é que as rurais 'auténticas' máis ben seguen a perder peso demográfico dentro de Galicia. Algo que se pode ver comparando números dalgúns lugares, como a provincia de Lugo ou a Mariña (o conxunto das tres definidas 'comarcas' que forman parte dela).

    No caso da provincia, Lugo perdeu dende o 2010 ó 2021, 27 000 habitantes, cousa dun 7% da poboación, e, no 2020, máis de 2000, é dicir, un terzo da perda total de Galicia dese ano, tendo menos dun sexto da poboación.

    Dentro da provincia, se quitamos o entorno da capital, a zona relativamente máis poboada é a da Mariña, aínda que sen ningún núcleo urbano que pase dos 10 000 habitantes (a excepción de que consideremos Viveiro e Covas como un núcleo único). A Mariña perdeu dende o 2010 case 6000 habitantes, máis do 7 %, e no 2020, máis de 300, case un 0,5 %. É dicir, no conxunto da década pasada, perdeu habitantes na práctica na mesma porcentaxe que o resto da provincia (e ben maior que Galicia), e no último ano, que marcaría a diferencia da COVID, a dobre ritmo que Galicia aínda que dito ritmo sexa menor que o da provincia.

    Baixando aínda de nivel, dentro da Mariña, os catro concellos que concentran a maioría da poboación (de oeste a leste, Viveiro, Burela, Foz e Ribadeo), case os dous terzos dela cos datos de 2021 na man, levan subindo porcentaxe de habitantes dentro da comarca (ano 1981, 42 %, 2010, 61 %, 2021, 63 %), aínda que dende 2010 perderan en conxunto case 1000 habitantes, e no 2020, 250, unha porcentaxe neste último caso semellante ó total da Mariña.

 

    Resumindo, os movementos de poboación pola COVID existen, pero en relación á evolución xeral da poboación en Galicia só son unha superposición á tendencia observada con anterioridade. Superposición que aínda está por ver se é ou non pasaxeira fronte a unha tendencia que pode agravarse con problemas como os que ten a Mariña con industrias como Vestas ou Alcoa.

Coronavirus en Vilalba, xoves 20211230

    166 casos. Necesítase comentario? Incidencia a 14 días de 1179 por cda 100 000 habitantes.

Anteriores.

Coronavirus en Ribadeo, xoves 20211230

    73 casos. Non se necestia aclaración... Incidencia a 14 días, 730 por cada 100 000 habitantes.

Anteriores.

Coronavirus en Vilalba, mércores 20211229

    E segue... 145 casos, incidencia de 1030 por cada 100 000 habitantes a 14 días.

Anteriores.

Coronavirus en Ribadeo, mércores 20211229

    59 casos. Aínda que aminora a velocidade, segue a subir. Incidencia de 590 por cada 100 000 habitantes a 14 días.

 Anteriores.

Coronavirus en Ribadeo, martes 20211228

    De novo, suba. 56 casos, incidencia de 560 por cada 100 000 habitantes.

    Anteriores.

Coronavirus en Vilalba, martes 20211228

    131 casos, incidencia de 930 por cada 100 000 habitantes ós 14 días. Segue a medrar.

    Nota: Algúns días, o concello saca unha nota de casos de coronavirus. Illada e sen referencia de cando foron actuaizados os datos que recolle, por suposto que é unha indicaicón que pode mesmo ser máis exacta ou actualizada que os datos do SERGAS, mais non é 'homologble' cunha serie como esta.

    Anteriores.

Coronavirus en Ribadeo, luns 20211227

    O último dato que aparece na web do SERGAS repite o dato do día anterior: 50 casos, incidencia de 500 por cada 100 000 habitantesd a 14 días. 

    Deixo dúas gráficas, unha, dende que comecei a poñer datos o ano pasado, e outra, a correspondente a esta vaga:

    Anteriores.

Coronavirus en Vilalba, luns 20211227

    Segue subindo de xeito desbacado. Con data de actualización de onte ás seis da tarde, esta mañá o SERGAS subiu o último dato: 124 contaxiados nos últimos 14 días. Incidencia, 881 por cada 100 000 habitantes a 14 días.

    Deixo dúas gráficas. A primeira, de todo o ano. A segunda, só desta vaga:

    Anteriores.

É o meu deber e responsabilidade...

 

    Cando vexas isto, xa terá pasado un ano máis un discurso pautado de xeito anual polas datas do Nadal... Cando o escribo, xa non queda rastro do discurso anterior, separado catro estacións.

    É o meu deber e responsabilidade, éncheme de orgullo e satisfacción...  Cousa así comezaban algúns discursos, cargados de solemnidade, que se pretende, máis que das proclamadas deber e responsabilidade, orgullo ou satisfacción. Escribo isto antes do discurso de Nadal, pautado, programado, máis ca tradicional e sentido. Cheo de palabras que enchen a boca e pretenden cativar para levar ó rego moito máis do que amosar condutas exemplares.

    Indicar o 24 de decembro (ou o 5 de xuño, que a data pódese variar só con dar outra pauta, e as xustificacións para facelo xa se atoparán) as directrices para un pobo pode ser fastidiado. Non tanto para quen as da, claro, como para quen as recibe e sabe que son impostas para si, pero non teñen por que selo para todos. Que son tomadas por unha obriga -o dalas- por quen as dá, en función de quen as recibe. Pero non impostas pola xente receptora, senón impostas á xente na palabra, que non hai lei que as impoña. Claro que tamén hai que pensar que son ditas para 'a xente', non para ti, que es persoa descoñecida para quen fala e en aparencia, seguirás séndoo por non ter grandes ganas -nin posibilidades- de coñecemento pola súa parte (pola túa é diferente, iso de coñecer a un famoso ten glamour!)

    O ano pasado, un discurso levaba ó final a frase 'No será difícil que el año 2021 mejore a este 2020'. Tómese a resposta como se queira. E, a continuación neste ano nun novo discurso podería ser tamén 'No será difícil que el año 2022 mejore a este 2021': non creo que haxa moita xente e menos medios que lembren a frase do ano pasado, e ninguén lle vai quitar a verdade a un futurible de sentimento, nun discurso deseñado ademais para non ter que dicir nada.

    De calquera xeito, é unha sorte para calquera persoa decente non ter asignada a cháchara de Nadal; o de dar un discurso 'dese' determinado perfil debe causar fastío. Se o cres, porque xa terás a experiencia de que ano tras ano, o de 'agua de borrajas' é aplicable unha vez máis -por certo, o de auga de borrajas é unha infusión que fai suar, pero nada máis, sen outro efecto-. E, pola contra, se non o cres, porque por moi pouca moralidade que teñas, sempre quedará un rastro que che diga que iso non cadra coa moral, aínda que poda facelo coa 'moral ó uso'. Claro que, co mesmo xeito que eu, cando un día de cans me retrucan ó 'bo día', respondo 'é un desexo', tamén no transcurso da lectura quen le o discurso pode pensar 'é un desexo'...

Coronavirus en Vilalba, domingo 20211226: explosión

    Explosión. En cinco días máis que quintuplicouse o número de casos. O último informe do SERGAS da 101 casos para Vilalba, incidencia de 717 casos por cada 100 000 habitantes a 14 días.

    Anteriores.

Coronavirus en Ribadeo, domingo 20211226

    E, de pronto, o estourido... en menos dunha semana pasouse en Ribadeo de 12 casos a 50. Incidencia a 14 días, 500 por cada 100 000 habitantes.

    Anteriores.

EFEMÉRIDES RIBADENSES. José María Rodríguez Díaz (2007)

    Recolle José María varios temas para tratalos a modo de introdución ó novo curso político. Algúns deles xa teñen sido tratados en entradas anteriores de José María.

Miércoles, 29 de agosto de 2007

EFEMÉRIDES RIBADENSES

• Publicado por jmrd_ribadeo a las 12:41

Fugit irreparabile tempus, cantaba el poeta Virgilio. Pasaron fugaces las vacaciones. Es hora de retornar a la actividad habitual. Por eso, también nosotros retomamos hoy estos interrumpidos comentarios que, como es costumbre, van a tratar de temas locales y comarcales.

Parece obligado referirse hoy a algunos eventos y efemérides que estuvieron presentes entre nosotros en este período vacacional. Un tiempo en el que en nuestra comarca se impusieron los acontecimientos festivos sobre los sucesos políticos.

En días pasados de agosto fue noticia la presencia inusual de un burro apostado pacíficamente en una céntrica calle de Ribadeo. Una sugerente imagen que fue admiración de los transeúntes y del público de las terrazas y que nos recordaba tiempos pasados cuando la gente acudía a la villa montada en sus cabalgaduras. Pero no duró mucho la magia de esta escena porque la policía municipal se encargó, ignoro en base a qué norma u ordenanza, de desplazar al animal hacia el parque municipal en donde el pollino se dedicó a pacer, tranquilamente, ante la admiración de la gente. Fue entonces cuando se soliviantaron los ánimos de un asalariado municipal, celoso del césped que se comía el pollino, que protestaba por la pasividad de la policía ante la presencia del burro en el parque. Me apenó el trato despectivo que se le dio a este noble y pacífico asno. Un animal bíblico que portó sobre sus lomos a José y a Maria hacia Belén y a Jesús hasta Jerusalén en su entrada triunfal. Un animal que no dudó en ponerse a hablar para protestar por el castigo que le inflingía el vidente Balán cuando fue llamado por el rey de Moab para profetizar, según nos cuenta la Biblia. Un animal a quien Juan Ramón Jiménez tan diestramente cantó en su 'Platero y yo' y al que hoy fue despreciado en Ribadeo, sin tener en cuenta los muchos servicios que lleva prestados a la humanidad.

Y volvieron a ser noticia este verano, otra vez, las famosas incomodidades de acceso a nuestra primera divisa turística, símbolo de A mariña: la playa de As Catedrais. La falta de previsión de las autoridades, responsables del acceso y aparcamientos de esa ingente masa de coches que se acercan allí diariamente, ocasionó desagradables atascos y colas interminables. Ante este hecho que se repite todos los años, surge una pregunta: ¿Qué sentido tiene proclamar ante Fitur y otros medios, las excelencias de este fenómeno de la naturaleza para atraer a los turistas, sin tener antes solucionadas las necesarias infraestructuras para acogerlos? Optaron ahora por establecer, como solución a este problema, la dirección única en el vial de acceso a esta playa. Pero la dificultad, lejos de mejorar, empeora y suscita las protestas del vecino mandatario de Barreiros. Parece que se impone, como solución, pensar en un nuevo vial, como propone el portavoz de UPRI, Francisco Rivas. Y si venimos a los eventos de la vida política, estos no han sido ajenos a la inactividad vacacional. Después de asignarse su sueldo, el alcalde se ha tomado unas breves vacaciones, no exentas de incidentes, para retomar ahora con renovadas fuerzas la complicada gestión del concejo. Y sus primeras manifestaciones no dejaron de sorprender a la gente. Se quejó de la mala situación económica en la que encontró la economía del concejo, que calificó de 'muy preocupante'. El desconcierto de la gente surgió porque fue con su apoyo al gobierno del PSOE, del que el formaba parte, como se llegó a esta situación. Porque, una de dos: si no lo sabía, estamos ante un caso de grave incompetencia. Y si lo sabía, se trataría de una grave irresponsabilidad por haber apoyado esa gestión. En todo caso, no puede ahora quejarse ni alegar ignorancia. Y lo que el pueblo quiere ahora saber, en concreto, es a cuánto asciende la deuda del concejo de Ribadeo. Quiere saber a dónde han ido a parar los impuestos que paga y cómo es administrado su voto. No basta con exponer las cuentas al público. El pueblo no entiende los entresijos de las argucias contables. Sólo quiere saber cuánto dinero tenemos o cuánto debemos y a quién y porqué. Eso es lo que el pueblo entiende por transparencia en la gestión.

Es, también, noticia estos días la escapada que el alcalde de Ribadeo hizo a Andorra en los festivos de la Virgen de agosto para practicar el ciclismo. Y miren Vds. si no tenemos montañas en nuestra Galicia, y aún en nuestro concejo, que nada tienen que envidiar a las de Andorra, para practicar este deporte, haciendo patria al mismo tiempo!-

José Mª Rodríguez

Outros Artigos de José María.

Cos mellores desexos

 Por unha vida mellor

Coronavirus en Ribadeo, xoves 20211223

    E segue a aumentar: 23 casos, incidencia de 230 por cada 100 000 habitantes a 14 días.

Nota: Noiteboa e Nadal non actualizarei datos.

Anteriores.

Coronavirus en Vilalba, 20211223

    Importante e brusco aumento. 35 casos reportados polo SERGAS en 14 días, cargados esta mañá e referidos a onte ás 18 horas. Incidencia de 249 por cada 100 000 habitantes a 14 días.

Nota: Noiteboa e Nadal non poñerei datos.

Anteriores.

Rematou o anuncio nas catro rúas

    Por fin onte foron retirados os catro triángulos murais que anunciaban a construtora en cada unha das catro rúas do centro ribadense. Agora o nome das rúas e o escudo do concello loce libre. Xa o viches?

Coronavirus en Vilalba, mércores 20211222

    19 casos, polo de agora segue baixando lento pero firme. Incidencia de 135 por cada 100 000 habitantes a 14 días.

    Anteriores.

Coronavirus en Ribadeo, mércores 20211222

    20 casos. Forte suba. A incidencia de 200 por cada 100 000 habitantes a 14 días non indica nada bó.

    Anteriores.

Coronavirus en Ribadeo, martes 20211221

    O número de afectados segue estable. 13, cunha incidencia de 130 por cada 100 000 habitantes a 14 días.

    Anteriores.

Coronavirus en Vilalba, martes 20211221

    20 afectados, incidencia de 142 por cada 100 000 habitantes a 14 días. Segue a baixar.

    Anteriores.

Orzamento 2022: furgando na memoria

    No pasado pleno, o xoves 16, coido que o último deste 2021, aprobouse o orzamento do concello e Ribadeo para 2022. É de congratularse o ter un orzamento xa antes de que comece o ano, como debe ser pero como tantas veces non é.

     A raíz do que nos chega, diríase que son uns orzamentos de perfil baixo, sen grandes alegrías, pero que tentan facer a súa función. Segundo o goberno municipal, a característica sería non a pretensión de ser novidosos, senón so manter inversión sen incremento de taxas e impostos. Dá a impresión de que non pretenden agochar nada, só destacar o que consideran conveniente. Pola outra banda, segundo o PP, que votou en contra, adoecen de faltas varias en inversión e mantemento, en particular en relación a proxectos apadriñados polo seu grupo. De ambos campos podemos ter noticias frescas a partir das súas notas de prensa aparecidas xa nos medios. Do outro grupo presente no pleno, o socialista, polo momento non vin novas relacionadas.

    Para ir máis aló das posturas partidarias e recabar información, necesítase ir algo máis aló. Quen informa ó pobo? Digo, porque coido que a información que se dá dende o goberno ou dende a oposición é insuficiente para formarse unha idea clara da realidade e un criterio propio. E un pobo desinformado é un pobo cego, pobo que se pretenderá que non sexa tal (cego, non pobo) cando interese e despois de fomentar a cegueira ó non potenciar a transparencia e a participación. Poñamos que se quere coñecer un pouco máis dos orzamentos. Para desentrañar o seu interior, se nos conformamos con anos atrás, na web https://presupuestos.gobierto.es/ (dun grupo nado para impulsar a gobernanza aberta, Gobierto) podemos atopar un resume que ven abondo a conto, de máis doado manexo que a páxina oficial de seguimento dos orzamentos dependente do goberno. Se pretendemos mirar os orzamentos recén votados (é dicir, xa aprobados, non antes da súa votación), ou as contas aprobadas de anos anteriores haberá que pasar pedir o acceso ó documento e velo de xeito supervisado no propio concello. Pero iso podería cambiar, hai os medios técnicos para facelo, non si? De feito, na web de Gobierto hai unha páxina para pedirlle ó concello correspondente máis información e transparencia, https://presupuestos.gobierto.es/users/new?place_id=27051

    Se nos quedamos coa información da web de presupostos de gobierto, e lle engadimos algún dato máis recompilado ó longo do tempo, sen tanto detalle poderemos obter algunha cousa interesante e curiosa. Aí van unhas poucas.

    O gasto por habitante en 2021 presupostado nos orzamentos de Ribadeo foi un 16 % superior á media provincial, e aínda máis por riba da media galega. En troques, quedou un 10 % por baixo da media estatal. Situación diferente de 2020, pois cun orzamento 8 % inferior, Ribadeo estaba na media galega e ben por baixo da media provincial, e por suposto, estatal. A dicir que nesta variable, o gasto por habitante, só estivo na media estatal no 2015, e só un pouco por baixo no 2016, en toda a serie presentada na web do goberno, entre 2010 e 2021.

    No apartado de ingresos, no 2020 o que máis descendeu foron as taxas pola prestación de servizos ou as de uso privativo do dominio público local (a lembrar a situación covid), e do que máis medrou, os traspasos do estado e da comunidade autónoma (a lembrar a mesma situación).

    No 2021 a débeda está previsto que absorba o 0,95 % do orzamento.

    E revisando entradas Ribadeando, podemos ver que o orzamento para 2021 anunciábase co título 'O capítulo para inversións supera o millón e medio de euros', apuntando tamén a que non se subían impostos. Iso, cun orzamento só 23000 € menos que o rematado de aprobar, e, ó que se se lle axusta a inflación, queda cunha cantidade superior ó aprobado este ano. Como a inflación anual dun ano que aínda non rematou non pode darse, podemos contentarnos coa relación de orzamentos anteriores, con e sen inflación, dende 2005. Aquí quedan as gráficas:

As dúas notas de prensa do concello estes días sobre os orzamentos (a notar que non apareceu na sede electrónica a convocatoria do pleno, facendo a primeira das notas de anuncio dous días antes. Asemade, adáptanse os números ó formato da convención que rixe en España):

A SESIÓN DARÁ COMEZO ÁS 20:00 HORAS

Orzamentos 2022

14/12/2021

Os orzamentos para 2022 do Concello de Ribadeo rozarán os 10 millóns de euros, sen que se incrementen os impostos e as taxas de competencia municipal. O equipo de goberno levaraos ao vindeiro pleno extraordinario, que foi convocado para este xoves, 16 de decembro. As contas nacen cunha previsión inicial de inversión de máis de 1 200 000 euros, segundo deu a coñecer nesta xornada o concelleiro de Economía, Pablo Vizoso.

O edil ribadense contou que "onte celebrouse unha comisión informativa cos representantes de tódolos grupos municipais, aos que informamos de que pretendemos levar ao próximo pleno, o do xoves desta semana, os orzamentos para o exercicio 2022 para a súa aprobación. Son uns orzamentos que ascenden a 9 872 370 euros, é dicir que rozan xa os 10 millóns de euros e sen que se incrementen os impostos e as taxas que son competencia do Concello".

Pablo Vizoso dixo que "estes orzamentos caracterízanse por manter o nivel elevado de actuacións e servizos en diferentes áreas que ven realizando xa habitualmente o Concello de Ribadeo, recóllese tamén o incremento salarial do 2 por cento establecido polo Estado para o persoal público. Increméntase o capítulo de servizos e de financiamento de actividades nas áreas sociais, culturais ou deportivas para dar resposta á previsión de maior actividade trala agardada volta á normalidade. Mantéñense as axudas para o tecido asociativo, coma nos exercicios anteriores, destinadas a asociacións deportivas, culturais, asistenciais,…".

O concelleiro de Economía subliñou que "os orzamentos nacen cunha previsión inicial de inversión de máis de 1 200 000 euros, financiado na gran maioría con fondos propios municipais e noutra parte pola Deputación de Lugo. Consígnanse partidas para actuacións moi importantes para Ribadeo como as dos barrios da Faxarda, A Pega ou Río Amalló, a rúa Rodríguez Murias en Rinlo ou diversas inversións tamén noutras rúas. Contémplanse recursos para a adquisición de terreos para o plan de camiños de titularidade municipal, saneamentos, reposición de tramos da rede de abastecemento de auga, melloras e reparación en instalacións deportivas e en locais sociais de diferentes parroquias, na praza de abastos e para melloras de eficiencia enerxética en alumeados públicos ou tamén o espazo polivalente para actividades formativas e de emprendemento.  A estas inversións hai que sumar as que recentemente foron ou están a piques de licitarse e que serán executadas ou iniciadas nos primeiros meses do 2022; refírome á senda ciclable dende a área dos Bloques ata as inmediacións da Illa Pancha ou o espazo multideporte de Pintor Fierros. Esta aposta polo investimento promovida dende o Concello de Ribadeo é unha boa proba do proceso de reactivación económica en diferentes áreas á que poderán optar as empresas interesadas. No ámbito social mantéñense os fondos para familias con necesidades, para atender o servizo de axuda no fogar e a axuda específica para a xestión do Hospital Asilo, entre moitas outras". 

Vizoso Galdo engadiu: “e conséguese financiar todas estas partidas, actividades e servizos  mantendo a débeda do Concello nun niveis r"almente baixos, reflexo dunha xestión eficiente e de equilibrio orzamentario. Soamente como dato: as estimacións que manexamos son que ao remate do exercicio actual a débeda do Concello se sitúe en torno ao 12 por cento, unha porcentaxe ou unha ratio que nada ten que ver coa débeda que se viña arrastrando noutras etapas. Por suposto todas estas partidas veranse incrementadas ao longo do vindeiro exercicio coas achegas do plan único provincial da Deputación de Lugo e coas que poidan prever tanto a Xunta como o Goberno do Estado, cando sexan firmes e confirmadas, asinando os convenios ou acordos que procedan co Concello de Ribadeo".

CON INVERSIÓNS CERTAS, PRECISAS E COMPROMETIDAS

Aprobados os orzamentos para 2022

17/12/2021

No pleno extraordinario celebrado onte no Concello de Ribadeo foron aprobados os orzamentos de 2022 que ascenden a case 10 millóns de euros. O concelleiro de Economía, Pablo Vizoso, subliñou que contemplan un elevado nivel de actividades e inversións sen subir impostos nin taxas e sen incrementar a débeda.

O edil ribadense dixo que "na tarde de onte celebrouse o pleno extraordinario no Concello de Ribadeo no que se aprobaron os orzamentos para o vindeiro ano 2022. Trátase duns orzamentos que ascenden a case 10 000 000 de euros para manter e mellorar o elevado nivel de actividades e de inversións no noso concello: dende reposición de rúas e camiños, saneamentos, investimentos en instalacións deportivas e en locais sociais, melloras enerxéticas, adquisición de terreos, apoio a asociacións de carácter cultural, deportivo ou asistencial, medidas e actividades de apoio ao comercio local e actuacións de protección social, que benefician a todo o pobo de Ribadeo. Tamén inclúen, por suposto, a subida salarial do persoal público e unha aposta moi forte pola inversión, xa que tendo en conta  o proxectado para o ano 2022 para obras ou equipamentos e máis o que se está licitando nestas semanas para iniciar a súa execución dende primeiros do vindeiro ano, como é a senda ciclable ou as pistas multideporte, suman xa máis de 2 000 000 de euros nesta partida". 

Pablo Vizoso sinalou que "outra característica dos orzamentos é que se consegue chegar a estas magnitudes sen subir os impostos nin as taxas e sen incrementar o nivel de débeda do Concello, que nada ten que ver coa existente hai algúns anos e que condicionaban o seu día a día".

O concelleiro de Economía contou que "por parte da oposición, concretamente o voceiro do PP, cualificou estes orzamentos de continuistas; e teño que dicirlle que é certo que o son, porque con moito orgullo continuamos incrementando a inversión, as actividades e continuamos apoiando ao tecido asociativo e comercial e atendendo e preocupándonos do ámbito social e asistencial. Do mesmo xeito foi necesario lembrarlle que, sobre a inversión no hospital asilo, o Concello mantén reservados exclusivamente para este fin os fondos da herdanza do doutor Moreda así como outros posibles recursos para atender esta importante reforma e adaptación do edificio e que é precisamente nos orzamentos da Xunta onde non figura nin un só euro para esta actuación a pesares de que se trata dunha competencia exclusivamente autonómica".

Vizoso Galdo engadiu que "de forma semellante, sobre o anuncio dun centro de saúde para Ribadeo respondémoslle que os orzamentos recollen necesaria e obrigatoriamente inversións certas, precisas e comprometidas e non simplemente ideas. E que xa hai máis dun mes que lle trasladamos á Consellería de Sanidade da Xunta de Galicia a disposición plena do Concello de Ribadeo para traballar conxuntamente neste obxectivo e que seguimos á espera da súa reposta para poder analizar e determinar a mellor maneira de aportar os recursos do Concello aínda que, por desgraza, outra vez máis onde non se ven fondos consignados é nos orzamentos da Xunta, que precisamente é a que ten a obriga da prestación sanitaria. Mentres tanto, en representación do pobo de Ribadeo, esiximos que se dote ao actual centro de saúde dos profesionais sanitarios e dos medios técnicos que todas e todos nos merecemos e aos que temos dereito".

Coronavirus n Vilalba, luns 20211220

    A boa dirección. O que debera ser. Os últimos datos van achegándose a iso: o que debera ser. 22 casos, incidencia de 156 a 14 días por cada 100 00 habitantes. O Nadal está aí.

    Anteriores.

Coronavirus en Ribadeo, luns 20211220

    Pouco a pouco, a situación volve a baixar o número de casos, 12 cos datos do SERGAS de onte á tarde, subidos esta mañá. Encamiñamos as festas cun certo alento, de incidencia de 120 casos por cada 100 000 habitantes a 14 días.

    Anteriores.

Coronavirus en Vilalba, venres 20211217

    Seguen as boas novas a contagotas. 36 casos, 256 de incidencia a 14 días por cada 100 000 habitantes.

Coronavirus en Ribadeo, venres 20211217

    15 casos, incidencia de 150 por cada 100 000 habitantes ós 14 días. É dicir, pouco a pouco volve aumentar...

 

Anunciando nas catro rúas

    Hai xa trempo que veño matinando para un artigo sobre a ocupación das rúas en Ribadeo. Non por grupos de xente organizada que actúe de ocupa, senón por diversas razóns e actividades. Mais coido que é cousa de referirse a unha en concreto pola súa visibilidade. Refírome á ocupación do cruce das catro rúas. Hai dúas semanas que está rematado, ao menos de xeito aparente, como se pode ver no vídeo que deixei daquela, na entrada 'As catro rúas no seu cruce', do día catro de decembro. Dende aquela continúan inmóbiles os valados postos ós que non se lle sve outra misión que entorpecer o paso da xente por ese cruce e o anuncio da empresa que alí os deixou.

    Din os carteis da obra que ten unha duración autorizada de dous meses. Aínda non se cumpriron. Mais o 28 de outubro, na nota do concello que daba difusión ó comezo das obras un par de días antes e que copio ó final, a concelleira agardaba que estiveran concluídas a finais de novembro. Non o estiveron, pero o desexo atrasouse só a uns poucos días despois. Mais dende entón o terreo segue ocupado con catro valados ata hoxe.

    Deixo un par de fotos para ver como loce:

    E a nota do concello dano a nova do comezo das obras:

FANSE AGORA PARA TENTAR MOLESTAR O MENOS POSIBLE

Obras nas "Catro Calles"

28/10/2021

Comezan os traballos de mellora e de acondicionamento no cruce das "Catro Calles". O investimento ascende a 23.000 euros. A concelleira de Obras, Mónica Freire, agarda que estean rematados a finais de novembro.

A edil ribadense explicou que "nestes días imos comezar as obras de mellora e de acondicionamento do cruce das Catro Calles, un espazo do cal somos conscientes de que se atopa en mal estado de conservación e que resulta incluso perigoso para os viandantes. Deste xeito decidimos xa hai uns meses elaborar un proxecto para intervir neste punto e reconstruír e reparar esta zona con baldosa de granito gris e cuns grosores que non alteren a cota da rúa. Así melloraremos a seguridade ao tempo que tamén o faremos coa estética desta parte tan central do conxunto histórico da vila".

Mónica Freire subliñou que "o investimento supón un orzamento de máis de 23.000 euros e financiarase por parte do Concello de Ribadeo con fondos propios e tamén coa achega do Ministerio de Transportes, Mobilidade e Axenda Urbana, a través do convenio asinado da Área de Rehabilitación Integral de Ribadeo".

A concelleira de Obras dixo que "decidimos executar estas obras agora, despois do verán e antes do Nadal, para tentar molestar o menos posible tanto aos comercios como aos viandantes en xeral. Tamén estivemos a coordinar estas obras para facelas a continuación doutras, de mellora enerxética, que está realizando agora mesmo unha compañía eléctrica. Como sempre que se levan a cabo obras, a realización das mesmas supón, de xeito inevitable, unha serie de incomodidades e molestias temporais, que estamos seguros que a veciñanza saberá comprender e desculpar".

E engadiu: "pretendemos que estas obras duren o menos posible e que estean rematadas a finais de novembro".

A estación do tren mineiro, marca nas novas do concello

Algunhas novas visibles esta mañá na primeira páxina da web do concello.

    Por primeira vez o concello sobrepasa co número de novas o número de días do ano. Este ano, 365 días, o 13 de decembro o concello subiu á web a nova 'Estación do tren mineiro', que facía o número 365. Ese mesmo día, subiu 'Actividades para a mocidade', que, co número 366 deste ano, facía que por primeira vez o concello superara 1 nova diaria no conxunto dun ano. E seguiu, como amosan 'Orzamentos 2022' ou 'Pasamento de Víctor Moro'.

Víctor Moro

    Fillo predilecto de Ribadeo, finou. Coñecino, e trateino máis en relación cunha charla que deu, promovida pola AVV O Tesón. No pouco que o tratei, xa no tramo final da súa vida, cambiei a percepción previa de 'prócer' a 'humano con tesón', e puiden aprezar asemade de xeito positivo o seu trato. Non se trata dun panexírico, que xente haberá que alabe a súa traxectoria, senón só de transmitir o que percibín no seu momento. Descanse en paz.

    Deixo a ligazón a tódolas entradas do blog que o mencionan, e o artigo da Galipedia adicado á súa persoa (que iniciei eu),tal como está agora mesmo, a máis da nota de prensa do concello ó final..

--

Víctor Moro Rodríguez, nado o 25 de abril de 1926 en Ribadeo e finado o 15 de decembro de 2021 en Baíña (Baiona)^[1], foi un empresario e político galego centrista.

Índice

• 1 Traxectoria
  • 1.1 Economista
  • 1.2 Político
• 2 Premios e distincións
• 3 Notas
• 4 Véxase tamén
  • 4.1 Outros artigos
  • 4.2 Outros artigos
  • 4.3 Ligazóns externas

Traxectoria

Economista

Marchou de Ribadeo a Ferrol, logo de aprobar unhas oposicións ao Banco Pastor^[2]. Fai o servizo militar destinado no Ministerio da Mariña, en Madrid, onde aproveita para estudar Economía. Logo de licenciarse empezou a súa carreira política vencellado ao Banco de España, onde entrou como técnico en 1948. Ascendeu a interventor aos dous anos (1950), na delegación de Murcia, e despois dunha década aló aproba unha segunda oposición, para interventor de sucursais, que aproba co número 1 en toda España (1960-62)^[2]. Marchou á empresa privada para ser director financeiro e administrativo^[2] de Pescanova en 1962, cargo que mantivo ata 1975.

Logo do paso pola política, regresou ao Banco de España como director da sede de Vigo (1980)^[3], Cataluña (con sede en Barcelona, desde 1982) e posteriormente, desde 1992, subdirector xeral nas oficinas centrais de Madrid.

Tamén formou parte do consello de administración da construtora San José (1995-1999) e Unión Fenosa (1997-2002). Nas últimas décadas de vida foi presidente da consultora Solventis^[3], da que son socios os seus dous fillos, Alberto Moro e Pablo Moro, e da distribuidora Vima Foods, da que era accionista o seu outro fillo, Víctor Moro Suárez, dedicada á distribución de alimentación en Cuba, e en 2021 con sede en Panamá. Tamén foi conselleiro da empresa de plásticos Poligal (1996-2021^{[Cómpre referencia]}). Ademais foi vicepresidente de Inesga, unha sociedade de consultoría e investimento participada pola Xunta de Galicia (2002-13)^[3].

Político

A súa carreira como político comezou ao remate do franquismo, cando foi nomeado director xeral de Pesca Marítima dentro do Ministerio de Comercio que dirixía Leopoldo Calvo-Sotelo. Membro da Xunta Democrática,^[4] nas eleccións xerais de 1977, as primeiras tras o retorno da democracia, saíu elixido como deputado pola provincia de Pontevedra nas filas da UCD. Ocupou o escano durante dous anos, ata o remate de 1978, e nese tempo defendeu no Congreso a adopación dun estatuto de autonomía para Galicia^[5]. Durante ese tempo desempeñou o cargo de subsecretario xeral de Pesca e da Mariña Mercante no Ministerio de Transportes e Comunicacións, baixo a dirección, primeiro de José Lladó e logo de Salvador Sánchez-Terán. Atribúeselle a reforma legal que permitiu a creación de empresas pesqueiras mixtas (hispanomarroquís) e o primeiro acordo pesqueiro con Marrocos^[5].

En 1979 encabezou a candidatura da UCD ao concello de Vigo e vence nas eleccións municipais. Porén, o pacto das esquerdas levou a Manoel Soto á alcaldía e senta a Moro como líder da oposición municipal. Deixou a política activa uns meses despois, en 1980, por uns anos, e regresa como membro de Coalición Galega e durante uns meses o líder da formación, posto do que dimitiu en 1984.

Premios e distincións

• Orde do Mérito Constitucional
• Cruz do Mérito Naval
• Creu de Sant Jordi
• Fillo predilecto de Ribadeo (recibido o 2 de setembro de 2012)
• Medalla de ouro e brillantes de CaixaGalicia (2008)^[5]
• Gran Placa ao Mérito Cooperativo do Mar, outorgada pola Unión Nacional de Cooperativas do Mar de España^[3].

Notas

1. 
   

5. Vázquez Sola, Manuel (2008-01-13). "El político que nunca mandó". El País (en castelán). ISSN 1134-6582. Consultado o 2021-12-15.

Véxase tamén

Outros artigos

• Lista de deputados galegos no Congreso desde a Transición

Outros artigos

• Banco de España

Ligazóns externas

• Galegos, da TVG.
• Páxina de Galegos info sobre Víctor Moro Rodríguez
• Ficha no Congreso dos Deputados

Pérez, Julio (2021-12-15). "Muere el economista y político Víctor Moro a los 95 años". Faro de Vigo (en castelán). Consultado o 2021-12-15.

"Víctor Moro". www.crtvg.es. 03/05/2014. Consultado o 2021-12-15.

"Víctor Moro Rodríguez". www.solventis.es. Consultado o 2021-12-15.

"La nominación de Rosón..." El País, 9/3/1978 (en castelán). 

--

Víctor Moro e Fernando Suárez na escalinata do concello.

FOI NOMEADO FILLO PREDILECTO DE RIBADEO EN 2012

Pasamento de Víctor Moro

15/12/2021

As bandeiras do Concello ondean a media asta como mostra do pesar do pobo de Ribadeo polo pasamento de Víctor Moro. O economista e ex director do Banco de España en Cataluña faleceu hoxe aos 95 anos de idade.

O alcalde, Fernando Suárez, dixo que "lamentamos a súa perda. Víctor Moro, ribadense de nacemento, sempre estivo moi vinculado á nosa vila a onde acudía con certa frecuencia". 

Víctor Moro fora nomeado Fillo Predilecto de Ribadeo o 2 de setembro de  2012. O rexedor destacou no discurso pronunciado esa xornada que "mención especial debe ter o seu compromiso con este Concello que o quere laudar e coa súa Ría, a Ría de Ribadeo que, sendo de todos e todas, divide administrativa e teoricamente unha realidade que as xentes de ambas as beiras se encargan de borrar no decorrer do día a día, compartindo relacións comerciais, lingua, cultura e tradicións. Neste caso, o Sr. Víctor Moro Rodríguez foi e é un activo defensor da legalidade, recoñecemento e difusión do topónimo histórico, legal e vixente Ría de Ribadeo". E engadía: "así pois, logo de toda unha vida, queda patente a súa implicación e relación de amor profundo a esta terra que o viu nacer, que o fai merecente do nomeamento como Fillo Predilecto de Ribadeo. Este recoñecemento viráselle engadir a outros tan excelsos como a Orde do Mérito Constitucional, a Cruz do Mérito Naval, ou a Creu de Sant Jordi, entre outros, méritos todos estes que non podemos desmerecer aínda que ningún deles seguramente teña o significado emotivo e agarimoso como o que lle recoñecemos nós como “profeta na súa terra”, e é por isto que a Corporación Municipal que me honra presidir, outorgou o pasado xoves, por unanimidade, o título de Fillo Predilecto de Ribadeo a D. Víctor Moro Rodríguez".

En sinal de loito polo pasamento de Víctor Moro as bandeiras do Concello de Ribadeo ondean a media asta.

Coronavirus en Vilalba, xoves 20211216

    Mellorando. 37 casos, os mesmos que na entrada do día 4 de decembro. A incidencia volve por baixo dos 300 por cada 100 000 habitantes a 14 días.

    Anteriores.

Coronavirus en Ribadeo, 20211216

    Un máis ca onte... 14 casos, 140 de incidencia por cada 100 000 habitantes ós 14 días.

    Anteriores.

Herencias políticas. José María Rodríguez Díaz (2007)

    O tempo pasou e a principal diana deste artigo, o ascensor, segue en pé, despois dunha traxectoria sinuosa como mexadoiro ou como diana de tiro, pero subindo e baixando algunha xente...

Jueves, 16 de agosto de 2007

HERENCIAS políticas

• Publicado por jmrd_ribadeo a las 10:09

Del gobierno bipartito que dirigió los destinos de Ribadeo en el pasado mandato nos han quedado varias herencias, entre las que cabe destacar, por la importancia negativa que tienen, las siguientes: La deuda municipal, el macro edificio de detrás del Teatro y el ascensor de la Atalaya. De ellas, las dos primeras habrán de ser asumidas, sin duda, por el gobierno actual, por tratarse de hechos consumados.

En cuanto a la tercera, la del programado ascensor de la Atalaya, es un tema sobre cuya viabilidad y oportunidad el actual regidor, dada su trascendencia, debiera reflexionar con calma, contrastando las opiniones, tanto de los miembros de la oposición, como del pueblo y de técnicos independientes.

Porque, ¿de qué se trata? ¿Es este proyecto, fruto de las brillantes ideas del anterior regidor, la panacea que va a solucionar los problemas de un concejo tan endeudado? Estamos ante un servicio no necesario, carente de prioridad en un sensato programa de inversiones, del que van a disfrutar muy pocas personas, pero que va a representar una enorme carga económica para el futuro de nuestro concejo, a la que tendremos que hacer frente entre todos y cuya verdadera utilidad está aún sin demostrar.

¿Se ha estudiado el impacto, tanto positivo como negativo, que este proyecto va a tener en el desarrollo de la villa de Ribadeo? ¿Cuáles van a ser las consecuencias económicas que va a implicar para los contribuyentes de nuestro concejo? ¿A cuánto van a ascender los gastos derivados del personal necesario para su funcionamiento diario, el costo de la energía que va a consumir y los gastos de su conservación? ¿Podrá el concejo de Ribadeo, actualmente tan endeudado, hacer frente a estos gastos?

De este programa se desconoce casi todo. Parece ser que su objetivo es comunicar el Paseo Marítimo con la explanada de la Atalaya para que la gente pueda acceder desde los puertos al casco viejo de la villa, sin tener que utilizar los medios convencionales, y poder así llegar a la Torre de los Moreno para contemplar cómo se cae a pedazos este famoso emblema de Ribadeo.

Si este proyecto se llevara, finalmente, adelante yo le sugeriría al actual regidor la dedicación de una calle a quien tuvo tan brillante idea para que quede constancia de su autoría ad perpetuam rei memoriam.

Este problema no es de menor envergadura para tomarlo a la ligera. ¿Será el impacto visual de este proyecto casi nulo, como proclaman los técnicos que lo elaboran? ¿Puede uno fiarse de los criterios de Costas a la vista de sus muy dudosas actuaciones en nuestro litoral? Caben dos soluciones: cerrar los ojos y seguir adelante con el mencionado proyecto, ignorando las consecuencias futuras para la economía de un concejo tan endeudado o pararse a analizar, antes de que sea demasiado tarde, su viabilidad a la luz de las posibilidades reales del Ribadeo actual para no tener luego que arrepentirse cuando ya no tenga remedio. El actual regidor no debería caer en el error de la tan proclamada infalibilidad de que en ocasiones se creen dotados ciertos alcaldes. Porque, a veces, hay cosas que, aún regaladas, no resultan viables para la economía de un concejo como Ribadeo. Véase, sino, el famoso ascensor instalado en San Pedro, en A Coruña, averiado a los dos días de su inauguración, que ni sube ni baja. ¿Por qué será?

Sobre la viabilidad de este proyecto viene muy al caso aquí aquel pensamiento de Sancho cuando abandonó el gobierno de la Ínsula Barataria: 'Nadie tienda más la pierna de cuanto fuere larga la sábana'. Una frase que nos debía hacer meditar.-

José Mª Rodríguez

Outros Artigos de José María.

Comentarios

• Fecha: Jueves, 16 de agosto de 2007

• Hora: 18:51

Autor: a333

Entre las herencias políticas del anterior bipartito (del cual el nuevo gobierno formaba parte) está también el tema de la subida de sueldos al personal (a muy pocos y escogidos) El peatonalizar que ha dejado sin aparcamientos un Ribadeo que ya no tenía.