![](https://blogger.googleusercontent.com/img/b/R29vZ2xl/AVvXsEizhIhLmlODUDlDDicH2Ht8JRuhgFLy2MGMNTltZlcsdhl5DsryHKipyygEUZsNTq25UpRBt1nwfpAuYqD_yx1fAHLcBSuHaV14HfepNQNb_IXcj0-CEA019vtMWgtnosQLxeIVBQ/s320/Ria+de+Ribadeo+mareas+agosto+22.png)
Sabendo que hoxe (sábado 22 de agosto de 2009) era unha das mareas máis vivas do ano, fun aproveitar para coñecer un pouco mellor a ría.
Segundo se pode ver na toma de pantalla do wxtide, un programa de predicción de mareas, en realidade a baixa desta mañá de sábado (0,24m) era un pouco menos viva que a da noite pasada (0,14m), ó revés das altas, na que a maior era ista tarde. O malo foi que a vella cámara quedou sen pilas cando pode dicirse que estaba comezando a labor, o que fixo que me quedara sen moitas tomas que quería facer.
![](https://blogger.googleusercontent.com/img/b/R29vZ2xl/AVvXsEhC-7D4H-0ERxBTTy3Mq-YyXU85PocUuU81n5E3_1yerkilboROyqAaHawfvqku9k-aBBZ1ioqgfrRetBAW0-Rh3uo9w33xtErJPYLrl37K7GbT7xrL6RFmF2ulkwiGlgJ8KXS19w/s320/bloques+fondo.jpg)
As fotos están ordeadas segundo están tomadas: dende o centro camiño dos bloques polo Parador. A primeira é unha toma do sixpac con números para comentar ó non poder obter tódalas fotos que quixera, números que seguen noutra de abondo máis adiante (en ambos casos, é convinte ampliar a imaxe para poder velos).
O 1, marca un profundo oco por baixo das escaleiras dos bloques, oco que continúa cara ó 5 e máis aló, e manifesta como se está a afundir toda isa zona, escapando a area por baixo das escaleiras (entre outras zonas) como ocorre en 2, o que da lugar a un tumultuosos rego que corre por 3 ata atoparse en 4 con outro con maior fluxo aínda e que vai serpenteando polo muro de rochas ata a praia de bloques, sen apartarse moito en ningún lugar, pois o mesmo que se ve saír auga polos escalóns finais das escaleiras, é de supoñer que saia noutros lugares das rochas.
![](https://blogger.googleusercontent.com/img/b/R29vZ2xl/AVvXsEiI3V6t-o6F3Qau_zStLFCc3KUK3Y_t6WAS6idOcbGLNXSJSg3y6MPKCBdhkltOfuTVffC4X-PQ0Qsyil0QcE5l4IGSuvavqlx8k7woq3i4xlcBWWom4cR296G_Gaon29pJW8_sZg/s320/marea+13.jpg)
O 7, é a zona de beira onde se pasa de non ter case inclinación a unha inclinación da area debida ós desprendementos que van parar á canle dragada á beira do peirao. Ista zona case segue unha curva con centro o pico sur de Mirasol.
![](https://blogger.googleusercontent.com/img/b/R29vZ2xl/AVvXsEgjLmabSvpl6OUqMrE4ekNZNym3eXsPoHJ-lEqWD_yzUeEFbcdPLrtTolBNRZSy2BOUyRPJeukWSVfT4fIKAww7bmRePgBy2yXAzp0GdZIdoi3UCvCFZpoY2AEJXaBAnzivg5aOZg/s320/marea+01.jpg)
![](https://blogger.googleusercontent.com/img/b/R29vZ2xl/AVvXsEgNEzao5w56inpeqKjjXTvzpA24j6N-0rGeerIX9ZJbLffi21pa3vkw3XWos14PHvH6U8K2evsrIZePWYE8WFNfCLVug8uTK-i3iT1sKthWvkgDpNL5uWM6cyus0Zi6jjPuWtL2IA/s320/marea+02.jpg)
A terceira amosa a area na enseada la Lieira e a parte sur do tesón das Figueiras, zona onde se pode ver os cultivos mariños e a unión en marea baixa entre o tesón e a area da Lieira.
![](https://blogger.googleusercontent.com/img/b/R29vZ2xl/AVvXsEhBKXVti3d94F4oXrHOUAmUjMnAgJRUliExbSutLYkT6sFmyr80t7Srnaw6SQhPoNdxTaq0YKWfUzeWPOXYI4RAEqYjDDaT8UfMOBgA0hamiK_wAv_G7oGYp_M-myPgF9LxoTo0Zw/s320/marea+03.jpg)
Na seguinte, a cuarta, vese o límite entre as dúas fotos anteriores.
![](https://blogger.googleusercontent.com/img/b/R29vZ2xl/AVvXsEgqEb36vAagHIZRBRR1FL7fE9H0A_X0Iv9xaA7j8cxRXRqcsRVgQCUuPYxM63nro5U-6zDwQbEjVfZ5kHCfvIv9cFCS2jeCdf33jqs0rhoQrAz8fIEX5QKb-w3jg3Lmrss464l98w/s320/marea+04.jpg)
A quinta enfoca a zona da Lieira, vendo a zona norte do tesón de castropol e a alineación de cultivos.
![](https://blogger.googleusercontent.com/img/b/R29vZ2xl/AVvXsEg5Sovw_VjnK9VwyiwHSZRvcYJG-E7nl0jqwNpHFKlqQ_k5p0eu8To9iiuW-wUROAteIYfH8s5hW69QYwfzxQt5jLDIniF7HF87Ei51vgtY9c2hHLBrcGA_uHkkKCqQBiHfQm7izw/s320/marea+05.jpg)
A sexta amosa Castropol dende o Paruqe do mineral, achegando a imaxe e confrontando a escasa amplitude da pasaxe entre tesón e peirao.
![](https://blogger.googleusercontent.com/img/b/R29vZ2xl/AVvXsEjviGQkPYRf0N_BUhUncyaMwpZnHJEhXNOOrUmgygzQg7BJTlI_lXcXUzRcdF7w7PEtM21YycAcOy6tFF93PTpAKjCkqlXsjBVgp6cZ-m3vf4xs8ffO0PCIcwYYIPf_q6JLk8dHew/s320/marea+06.jpg)
A sétima enfoca o fondo a ría nunha posición semellante á última, que será comentada logo.
![](https://blogger.googleusercontent.com/img/b/R29vZ2xl/AVvXsEhErp_GqD93CkdidR1hy9AS0EK7RTOfvP8G4PrTbZzb8n2Cujq8tgnlaA_CIGhqu0QHmEuHTJ9kU6EMmFaKW1zzcUWhnFIaxMTZNh7F1_fZmsyA82ZdJCAUGMRcp79GATBQh81hxw/s320/marea+07.jpg)
A número oito achega a escea co detalle da 'península' que ten o tesón na zona suroeste, fronte á Vilavella. Asemade pode verse o entronque da canle oeste da ría coa canle principal, así como dirtinguir o manexo de recolectores no tesón.
![](https://blogger.googleusercontent.com/img/b/R29vZ2xl/AVvXsEjb2rlbr16tttRsxzq_USuio9xacYIIJd60W6f8H96w0U_94ERjDrR5FLAoYagpE_LFAG-VI2S1FGrfod2r2FJdYU3iWuNtJ-JqZumufWvEJIP76ZCiMmiryFfOOce1rrhRQxxmfQ/s320/marea+08.jpg)
Nove: a unión entre os tesóns da Vilavella e de Mirasol, en dúas fotos (unha delas con numeración), onde se pode ver a anchura da canle principal nese punto, e a lingua de area que une ambos bancos (nº 8), que cando xa comezara a subir a marea aínda pasaba dos setenta e cinco metros, e que permite o paso entre ambas zonas a pé nas horas de mareas baixas normais.
![](https://blogger.googleusercontent.com/img/b/R29vZ2xl/AVvXsEi3OOk94D7BwsjjbtRWKfF54H8idrON2Ud9AmDcg56PUfOH67MuK938E9FwQdUEHxEEZj3XqGv0i03ZNZC46HSVBkl_fTF3wQixpz2YJ6yqJKJrf0HiyPJ5iL8mb7Wd6WisltGeqA/s320/marea+09.jpg)
O nº 10 indica unha zona do tesón de Mirasol que está comezando a ser colonizada por vexeración, que forma pequenos montículos.
![](https://blogger.googleusercontent.com/img/b/R29vZ2xl/AVvXsEiephFQa3yYRK-HBTEns7VJ6_6fvMlkk1HtFDK1y-mrg10Rd7Zq8nhTboIvE5T-Q0XHLjzt2bnI4p5mIMlaEzFu8DGMzeb2LgxJUcqmGPZYA7Fs6PDLg_YplykplGzI8unwoEm4Aw/s320/marea+09+mark.jpg)
![](https://blogger.googleusercontent.com/img/b/R29vZ2xl/AVvXsEgKKzoPIp3xf-1KLyhN3gcGsSDPowekej1idzVVwdMEiNU2bD5gQgJvzVq4stugA3WQi15Z-ZnRGxrxIvD90shYt_6HePPUOppvMxEWSN3hYkvBgXlfWnzThdzhc2mj23aQKJEG-A/s320/marea+10.jpg)
Nestes tesóns a zona de baixada pronunciada está ó oeste, notándose especialmente na zona do pto. nº 11, a máis achegada ó peirao e a que máis sofre de derrumbes nos dragados.
Na foto dez obsérvase máis en detalle a zona de unión dos tesóns.
![](https://blogger.googleusercontent.com/img/b/R29vZ2xl/AVvXsEh6TjGnFsc4oV02nyXOPW_tZmnRUgGYgtT9Cj8cC7lqpv2Ub3uuC6JwQ1B9zpQ1MvCdKiTMSDLGQrARP52ENirDH0x_mLjs4QNiFI47i9nh8jIxlolQau75TlpF8HGZdPO_0r9i8w/s320/marea+12.jpg)
Na seguinte e última, a décimosegunda, vése unha toma entre os bloques e o fondo da ría, tomada dende o parque do mineral. Apŕeciase que o tesón da Vilavella cambia de estrutura a medida que se mete más cara ó sur, pasando a estar con vexetación. Asemade, vése a liña que forma a costa con esta marea, aliñada co espolón da praia artificial, e formando un entrante que chega a conectar polo fondo por unha estreita canle co brazo principal de ría que vai cara á Veiga.
![](https://blogger.googleusercontent.com/img/b/R29vZ2xl/AVvXsEjoQrvKR7gmv_kASUNYUUNlzsCbpmCv7WPRXgNFvzq2KNa9BPOZOCwce7gNxSFVPALJWzBsMMQwKkBNicUSCnkzZWnqrtQdXQNohXAMtmAo3FFpjWBDfJw7D17EwM49UUAR_l5ruA/s320/marea+11.jpg)
E, o próximo ano? Verase...
Ningún comentario:
Publicar un comentario