Luns 10 e martes 11 de agosto tivo lugar un cursiño de reloxios de Sol. 4 horas e media entre a Casa da ría e o reloxio do Cargadoiro, por Javier Bao Cebeiro (ligado ó observatorio Ramón María Aller da USC). Nel se espuxeron diversos conceptos e se ensinou a manexar o programa shadows (para windows, parcialmente pode executarse con wine en linux; antes recoméndase pasar pola páxina http://www.galeon.com/casanchi/ast/sol1.htm) para facer o 'debuxo' (ver abaixo o escaneado do reloxio horizontal para Ribadeo, e aquí unha explicación da construcción dun modelo diferente).
Tamén se falaron doutras cousas de astronomía, e foi unha mágoa que non se extendera para a observación das Perseidas (que ó final, onte non se puideron ver).
Asemade, quedou 'visto para sentenza' o reloxio de Sol do cargadoiro, que ademáis necesitaría un novo amaño despois de que fora reposta a punta do estilete (a barra máis fina do marcador) e volta a torcer por calquera sabe quen.
![](https://blogger.googleusercontent.com/img/b/R29vZ2xl/AVvXsEjKBWLVZUmTwyYDYNEXc6RovzcN3oNL4KGWhV56zvjdVZE35YqXVtezlxXy-6AkcA7LAWNpqPuDRf2UzCENNBUMXMpdUBy0A0GvclOyL6_nIy8jr7eIZgODU6J5rdZWS6PEyW_u/s320/reloxios.jpg)
![](https://blogger.googleusercontent.com/img/b/R29vZ2xl/AVvXsEhARjbMDv9NkrlSM5VlST5jljHNtc9wCG6Yuej4kDuQpnImR-JDvTWvThC_WvZSFfs3u7MjoutqbcTuwwLV_IFWZSS0poNRHRR3TXoNxm8zvCpc9ODbm5Hva9PyOBTzgHYTHCfJ/s320/reloxio+de+Sol.jpeg)
Ningún comentario:
Publicar un comentario