1 de xaneiro. Por convención entre nós, comeza un novo período anual. Xa están os datos estatísticos do ano pasado a disposición (non todos aínda, claro), entre eles, o número de notas de prensa que o concello de Ribadeo emitiu ó longo do ano. É dicir, o número de veces que o concello, motu propio, deu saber de si á cidadanía. Polo tanto, xa se pode compara co de anos anteriores.
O resultado anual, 7 notas emitidas cada seis días, fines de semana e festivos incluídos. Un total de 425 notas, 40 máis ca o ano anterior, que xa supuxo unha nova marca.
As notas non inclúen entrevistas realizadas a iniciativa dos medios, pero si anuncios de todo tipo, incluídas decisións de realizar obras, a adxudicación das mesmas, o seu inicio ou a súa finalización.
O seguir o blog de notas do concello, dun concello como Ribadeo, é moito máis doado que o facer o seguemento do da deputación ou un dos da Xunto ou ministerial. O volume de información varía de magnitude, mais a liña que seguen uns e outros apártase ben pouco dun camiño común: o aumento continuado de datos posto a disposición da xente, controlado por quen os colga na rede seguindo os seus propios intereses máis ca os da cidadanía.
Imos ás gráficas. A primeira, o número de notas de prensa publicadas a altura de calquera día do ano (liña vermella), comparado co número do día (recta azul). Nóse como, a partir do impulso claro de xuño, seguiu aumentando por riba do paso dos días, ao contrario do que sucedera antes de xuño, tempo no que máis ou menos se mantivo ó ritmo de unha nota diaria:
Ningún comentario:
Publicar un comentario