20170909

De gasolina, Estados Unidos, prensa e reflexión

Lembro hoxe unha nova de hai uns días en 'El Economista'. Titular e comezo da nova preséntanse así: "Llenar el depósito de gasolina en Estados Unidos se encarece un 30% en cuatro días. La devastación que está provocando Harvey (...)"
Este verán, entre dous puntos situados en dous estados contiguos dos EEUU, a diferenza de prezo era de 2,4 $/galón a 3,4 $/galón (1 galón = 3,8 L), é dicir entre uns 0,56 €/L e 0,76 €/L. Ou sexa, un 36 % de diferencia, e un prezo que ven sendo a metade que en España. Abondo máis que o suposto encarecemento de gasolina provocado polo Harvey.
Por outra banda, titular e rest da nova non se referían máis que ó Harvey e ós seus efectos en canto a custes en cartos. Se ben é certo que outras novas enfocaron os custes humanos, enfocar o aumento do número e perigosidade de furacáns como unha consecuencia do cambio climático non esa de moda, confundindo así causas últimas con circunstancias, e enmascarando efectos previos con efectos reais do momento.
Viuseme isto á cabeza non tanto por o tratamento informativo dos sucesos de Cataluña (atentado e lei do referendum) como por cousas máis achegadas a Ribadeo, como o tratamento recibido polas novas sobre a illa Pancha. Hai dúas semanas que o Defensor do Pueblo volveu a lembrarnos cousas evidentes como a mala xestión na concesión do faro de illa Pancha. Nos xornais, de xeito dificilmente explicable, a nova tardou en saír, fíxoo despois de ser requeridos para explicar que pasaba, e cando saiu, foi máis ben en termos de 'din ós de Por Nuestro Faro...', quizáis porque xa se aproximaban as festas e importaba máis facer fincapé en que volven as festas a Ribadeo (por se alguén non se decatara de que son anuais).
Nada, unha pequena reflexión.

Ningún comentario: