Recuncho da lectura: A trenza
A trenza. Laetitia Colombani. Rinoceronte. Col. nova. ISBN 9788415388584. Vigo 2021
Lida co clube de lectura do IES de Ribadeo Dionisio Gamallo, collida da súa biblioteca. Tres novelas independentes máis ca entrelazadas. Tres novelas sinxelas, mais atraíntes. Non esperes unha escrita sublime, mais directa. Non unha novela a rememorar, pero tampouco a esquecer sen máis, sen nin un sorriso nin unha pena. Non un texto que te leve no ar, senón un que te leve de xeito agradable...
Laetitia Colombani presenta suavemente a dureza dalgunhas vidas. Non é que a considere unha grande escritora, mais escritora. E así, merculleime algo máis que outras veces nos detalles do libro, da súa realización. Por exemplo, a mod de mostra, lin un exemplar da quinta fornada, de 100 exemplares, despois de tres de tan só 50 exemplares cada unha; a primeira foi de 300. Total, 550 dende maio a novembro de 2022. Pero o D.L. é de 2021, de Vigo, cando a editora é de Cangas do Morrazo...
Ningún comentario:
Publicar un comentario