![](https://blogger.googleusercontent.com/img/b/R29vZ2xl/AVvXsEiv1bpKQ3GiAb2CR_dUkftS8EhcpNd9pjph7ScYCtwQkPmeBFnu0HAkrX2t4Z8iO7a786JCPf8yivR65ZNQxA9wmXj9CNzDe85mz1q3qL7jvu-x6ZDrPgmE2AJ9WEEEALKvA72Ryg/s400/Turismo8.jpg)
![](https://blogger.googleusercontent.com/img/b/R29vZ2xl/AVvXsEhMhk0SBlgHbCU6aTVuluqgNJUULNs7JQetEpzK0-jPDQxfCwGdtbRlVgWwnRcwiDuF34NehrzXfeqkYgcIaUfQV29VMdEB53zKWaDmnerR3te4H4L4lB-82aG0xgDVVOc7bOew2g/s400/Turismo1.jpg)
![](https://blogger.googleusercontent.com/img/b/R29vZ2xl/AVvXsEhkXS4MR9AtYwTDEQ0uecQI2zhujs51RUsIvgkBSO3nal-NEPT7RzZffExt9Ovd2-GXMbZq4chKrrWCRrkivBjf1E50aVNYiFNGWhFle6CZq_KC7juGhFFztANMI0u8TBJw5OR_uA/s400/Turismo3.jpg)
Non sei de onde saiu a cousa, pero a Oficina de Turismo está reordeada. Máis vistosa, aínda que en canto ó aproveitamento práctico do espazo ...
A primeira imaxe, tomada do sigpac, a situación da oficina, co norte arriba, aparece ó norte o parque, ó leste o templete e a vella oficina de turismo, ó sur o convento e o auditorio, ambos cortados, e no centro, o edificio de turismo.
Na segunda imaxe, os cocos, dentro da oficina, na esquina segundo se entra, á dereita (é dicir, no punto máis ó norte), acompañados cos cabezudos (noutro lugar da oficina están as vellas cabezas de Coco e Coca)
A terceira imaxe presenta o fondo esquerda do interior do edificio (cara á esquina máis ó oeste na imaxe do sigpac), lugar a onde se trasladou o cadro do Viejo Pancho polo que preguntou hai tempo o Tesón. Na mesa, libros do bookcrossing que complementan o baúl ó seu pé, quizáis un pouco alonxados de quen os poida usar ó ter un espazo de mostrador entre o público e a mesa, que en cambio, favorece a visión do cadro. Tamén na mesa, unha curiosa e detallada reproducción da Torre dos Moreno, que debido á súa escala queda lixeiramente arrinconada polo resto da mostra.
As últimas catro, sobre o barco reproducido que leva xa tempo na oficina de Turismo despois de estar no piso superior da biblioteca, a fragata 'Santa Eulalia', como reza nun dos carteis en metacrilato das últimas fotos. Entendo que a fragata é a reproducción da que se pode ver no porto de Barcelona (aquí, en detalle lateral), se ben non din atopado datos abondo que o respaldaran.
Parece un contraste a foto do barco no centro da estancia en relación á toma rasante en cuberta, que da a idea dun auténtico baixel en posición de navegar. Os letreiros en metacrilato dan indicacións útis para comprender mellor o barco.
Así pois, quen entre na oficina de turismo ribadense, visitante do pobo, terá un pequeno museo e unha primeira impresión favorable. O seu uso como centro de exposicións, en cambio, coido que está dificultado.
![](https://blogger.googleusercontent.com/img/b/R29vZ2xl/AVvXsEjufVoFBZZoArybQ1P2oW3QjxlGeMuTRjfzwqlWXNT9Kfi4k7SlQHNbEVOmfSY-4rgPj0gH77e9qaROgQcCYIomdEuODA2TDZxSkbUTXCTsTIS1ja9DN5NVWf94AniK2mH0j-rKeg/s400/Turismo4.jpg)
![](https://blogger.googleusercontent.com/img/b/R29vZ2xl/AVvXsEi014zJ-pACgUrVzR_Z0lKlrJw71KEWFl5IlJLIWyoNuGMBnLnkuRzu1T-_rImBkQIiac0TqH5-TaWOlHvU9AMpWxBSeHhZzpc7pMU0M-lPT5N1p3TpQOeDxYXMTYfRCVCa4M-Wlg/s400/Turismo2.jpg)
![](https://blogger.googleusercontent.com/img/b/R29vZ2xl/AVvXsEhY_34GO3kwFeQDHqWVZrxpVLb6hNe24aeogLSqDhmYFNWnj2lYrOtAlBTbdcUeVl4Q1VJYeM6uPXxNjlxJrQ13f5NqCe_v3L1CXNsAF03ptuW54HmCj8ad1H6341CsnrzPINb5jg/s400/Turismo7.jpg)
![](https://blogger.googleusercontent.com/img/b/R29vZ2xl/AVvXsEiNHQsc4sx2Lab2OGMMbpflwL5WrIgaLOzFndIAH1PrwM53Fayrgg241muiPs87U0CBDzqDWkBfXt9oTDPVmjUy-i65-HVsmKNyYyFkncKoBT2TnxDlSESXIk5Sw23ev0bQs6MpHg/s400/Turismo6.jpg)
![](https://blogger.googleusercontent.com/img/b/R29vZ2xl/AVvXsEi3FMOGLKTUHywIUDvsrucqWGEp_gTJFEG9NbHxE-_ZkpRVzeVS0o1nsWLuNWd8wkNZcQheF1eszxxrkxlK1TZqwUVhBaHwzBIR0t-8gsn1I5XkXwae5eKrgwE-nlv_E6TMnhIHwA/s400/Turismo5.jpg)
Ningún comentario:
Publicar un comentario