Celebración do día de Rosalía en Ribadeo 2025

    Este sábado 22 de febreiro a A.C. Francisco Lanza celebrou o día de Rosalía. Cun pouco de antelación para non coincidir coa manifestación en Santiago en defensa da lingua, arredor dun xantar en base ó caldo de gloria (inspirado no seu poema 'Miña casiña, meu lar') no material, e á confraternidade no que poderiamos chamar espiritual, desenvolvéronse unha serie de actividades, entre as que estiveron lectura de poesías polos máis pequenos, a estrea dunha peza musical de Eli García Bouso, acompañado por Toño Martínez, ou a interpretación de Farruco Graña acompañado dos anteriores, antes do xantar. E, despois, un pequeno recital libre, de poemas de Rosalía.

    Adxunta queda algunha foto, tres vídeos (ó non quedar gravado completo a peza de estrea, adxunto tamén a peza completa interpretada por Eli e a súa filla Mariña, nun vídeo que me pasou o autor), o cartón da celebración e o mantel, tamén ambos deseñados para a ocasión, este último co ramiño de heliotropo, a flor preferída de Rosalía, que nos atopamos ó chegar á mesa. [Unha nota: como complemento, achégase ó final unha foto de Pancho Campos da manifestación do día 23 pola lingua, en Santiago, xa na praza do Obradoiro].

    A tarxeta da comida:

    O mantel:
 

    Os vídeos:

    O día seguinte, en Santiago, 60 000 persoas...

“Entre a memoria e o esquecemento”, por Farruco Graña

“Entre a memoria e o esquecemento”, por Farruco Graña

13 Xaneiro, 2025

Este sábado 11 de xaneiro puidemos asistir á presentación do libro “Entre a memoria e o esquecemento. Unha visión do pasado español dende o exilio republicano en México”, de Guiomar Acevedo López (Edicións Laiovento). Da man da autora, e tamén de Carlos Méixome, investigador entre outros moitos eidos, de todo o relacionado coa memoria histórica; e tamén da man do ribadense Mario López Rico, que traduciu este ensaio ao galego, puidemos gozar dun excelente repaso sobre os acontecementos e vivencias vividos ao longo da segunda metade do século XX por aquelas persoas que tiveron que se exiliar, e tamén por aquelas que aquí ficaron exiliadas interiormente.

A historia componse dun feixe de cativos acontecementos que a enchen de contido. Con letras capitais, os libros de Historia reviven o pasado alumando o horizonte do futuro. Pero a luz pódese descompoñer en partículas miúdas que, grao a grao, van facendo morea, van gañando consistencia e convértense nun menhir referente para xeracións futuras. Esa foi a mensaxe que comezou lanzando Mario López Rico evocando o pensamento de Walter Benjamin.

O sábado 11 fixemos un pequeno exercicio de anámnese colectiva: evocamos as vivencias dos galeguistas que se exiliaron tras o golpe de estado contra o réxime republicano legalmente constituído; das xentes defensoras dos nosos sinais de identidade e da liberdade, que viron como o fascismo prolongaba unha guerra (cruel de por si) co fin de exterminar toda voz disidente e facer un país á súa medida. Mais no exilio tamén se seguiu a facer país e a loitar polas liberdades. Ben o destacou Carlos Méixome analizando a presenza do galeguismo no exilio en América.

Fixemos un exercicio de tránsito interxeracional comprobando como as primeiras xeracións agocharon por mor do medo as crueis vivencias experimentadas coa ditadura franquista; vendo como as segundas xeracións comezaron a intuír a faciana perversa do réxime ditatorial; constatando, en fin, como as terceiras xeracións demandaban coñecer que ocorrera cos seus avós e avoas que tanto temor infundía aínda nos seus pais e nais.

Da man das palabras de Mario López Rico (tradutor ao galego do ensaio “Esquecemento e memoria”, de Guiomar Acevedo López); escoitando a Carlos Méixome (investigador a fondo da represión franquista); e, sobre todo, da man de Guiomar Acevedo López, neta de exiliados republicanos, acertamos a comprender a necesidade de mantermos viva a memoria dese tempo de ilusión, dese momento de recuperación e dignificación da identidade colectiva galega e dos ideais democráticos de liberdade e xustiza social. Foi un reencontro entre ribadenses, mariñaos e xentes de ben que aman a democracia. Un reencontro que poderemos volver experimentar a través da lectura deste ensaio editado por Laiovento e que podemos demandar nas nosas librarías.

É o que ten a lectura, o mundo dos libros: ese tesouro infindo que nos abre a novas dimensións, que nos garante a recuperación do pasado e o deseño dun futuro mellor. Velaquí o empeño da Agrupación Cultural Francisco Lanza dedicando boa parte dos seus esforzos a promocionar o libro galego no xénero que sexa e na lingua que nos une é dá sentido á nosa existencia como pobo. Nesta ocasión, ollando “Entre o esquecemento e a memoria” (Edicións Laiovento), escoitando a Guiomar Acevedo López, a súa autora, na Biblioteca Municipal El Viejo Pancho, de Ribadeo experimentamos todas estas emocións, a sensación do rigor histórico combinado coa tenrura das vivencias persoais dos nosos avós e avoas para que llas poidamos transmitir ás nosas netas e netos. Que grande ocasión de comprobarmos que ler fainos máis libres!

Farruco Graña, presidente da Agrupación Cultural Francisco Lanza.

Poder e medios de comunicación. Galicia, s. XXI

    Dou difusión a este acto que a Agrupación Cultural Francisco Lanza presente este venres 29 de novembro:

ACTO: 

CHARLA-COLOQUIO

TEMA: 

PODER E MEDIOS DE COMUNICACIÓN: O CASO GALEGO

PONENTE: 

LUIS ÁLVAREZ POUSA.

PRESENTA O ACTO: 

FARRUCO GRAÑA (Presidente da ACFL)

DATA: 

VENRES 29 DE NOVEMBRO

LUGAR: 

CASA DO VIEJO PANCHO

HORA: 

20,30

 

Este venres 29 de novembro, ás 20:30h. na Cada do Viejo Pancho, vai haber unha charla coloquio sobre a situación dos medios de comunicación e as relacións destes co poder. Impartirá a charla Luis Álvarez Pousa, director da revista "Tempos Novos" e profesor na Facultade de Ciencias da Comunicación da USC. Presentará o acto, Farruco Graña, presidente da ACFL. Agardámosvos que esta información sexa do seu interese e do dos seus lectores e lectoras ou oíntes.

Unha placa, unha memoria, en galego (II)

    Onte pola tarde chegou a min o que deixei posteado en 'Unha placa, unha memoria, en galego'. Á noite, recibín unha ampliación, o que agora acompaño, a nota de prensa da A.C. Francisco Lanza, con fotos, texto e vídeo (verbas de Farruco Graña, presidente da A.C.F.L.):

 

A AGRUPACIÓN CULTURAL FRANCISCO LANZA PARTICIPOU NO ACTO DE INAUGURACIÓN DUNHA PLACA CONMEMORATIVA, COLOCADA POLO CONCELLO DE RIBADEO Á ENTRADA DO CEMITERIO MUNICIPAL.

Este xoves 31 de outubro, ás portas da celebración de Defuntos, no recibidor do Cemiterio Municipal de Ribadeo inaugurouse unha placa conmemorativa “na memoria de todas as persoas que aquí xacen. Grazas a elas, Galiza segue a ter cultura e lingua de seu”. Este acto enmárcase no conxunto de actividades levadas a cabo a poñer en valor o uso do galego nos rituais funerarios.

Desde a Agrupación Cultural Francisco Lanza levabamos un tempo intentando desenvolver a exposición “Un percorrido polos cemiterios de Ribadeo a través do galego”. Requiriu o esforzo de visitar todos os camposantos ribadenses para ver quen empregou o galego para se despedir dos seus seres queridos e para lembralos nas súas lápidas; requiriu tamén o tacto de nos achegar ás familias correspondentes para lles explicar a idea da exposición, e o desexo de lle transmitir á cidadanía o porqué da súa aposta polo uso do galego neses momentos tan singulares. Requiriu o esforzo de nos volver trasladar aos cemiterios para fotografar aquelas lápidas máis significativas e que puideran formar parte da exposición inaugurada o pasado sábado 19 de outubro.

Neste sentido queremos destacar o excelente labor feito polas nosas compañeiras da ACFL, Dores Fernández Abel (traballo de campo e textos para a exposición), Belén Pérez Teijo (fotografía) e Maví López Louro (composición e maquetación do material da exposición).

E hoxe cristalizou este acto, prolongado ao longo da segunda quincena de outubro, na inauguración da placa que o Concello de Ribadeo puxo no Cemiterio Municipal de Ribadeo. Agardamos que poidamos seguir con esta colaboración en anos vindeiros para estender esta lembranza en forma de placa conmemorativa nos distintos cemiterios de Ribadeo (por suposto, coa previa consulta e proposta ás veciñas e veciños de cada unha das parroquias de Ribadeo).

Mesa redonda sobre Xusto Moreda

Introdución á mesa redonda. Falando, Farruco G. Mesa: Celia C., Francisco D-F, Miriam G. e Pablo V.

 Mesa redonda sobre Xusto Moreda

    O pasado sábado tivo lugar unha mesa redonda sobre Xusto Moreda, no marco da homenaxe que está a ter lugar estes días en Ribadeo. Introducida polo Presidente da A. C. Francisco Lanza, Farruco Graña, e presentada por Pablo Villapol, participaron, por orde de intervención, Myriam Goluboff Scheps, Francisco Díaz Fierros Viqueira, e rematado por Celia Castro. Co salón da Casa do Mar a un terzo de ocupación, deixo unha gravación que ten dous cortes (deixando eu un espazo duns 20 s para identificalos) que corresponden basicamente á gravación dos vídeos dos que deixo tamén un en baixo, coa presentación realizada por Celia Castro.

    O vídeo:

Segundo día das Xornadas de Historia local

    Onte tivo lugar o segundo día das Xornadas de historia local, con catro exposicións, de Ana Cabana, David Soto, Iván Rodríguez e Anxo Martíns, presentados por Farruco Graña como presidente da A.C. Francisco Lanza, organizadora das xornadas. Deixo en baixo a parte do cartel anunciador, varias fotos e o audio das intervencións.

Un momento da charla de Anxo Martins

Sobrepasando os límites planetarios (charla de Iván Rodríguez)

Momento da charla de I. Rodríguez

Vista do salón

Vista da mesa. Da nosa esquerda á nosa dereita, David Soto (2º intervinte), Ana Cabana (1ª intervinte), Iván Rodríguez (3º), Anxo Martíns (4º) e o introdutor, Farruco Graña.

Vista parcial da mesa

Momento da presentación de Farruco Graña

Vista parcial da mesa

Momento da presentación de Anxo Martíns

Vista parcial da mesa

Comezo do acto

Vista xeral

Intervención de Ana Cabana

--

Nota: Referencia a unha charla de Anxo Martíns no blog e a unha presentación actuando como presidente do irmanamento con Loctudy.

San Silvestre Ribadeo 2022

    Onte tivo lugar una carreira emotiva e tradicional en Ribadeo, a San Silvestre. Deixo en baixo unha reportaxe gráfica, que se pode engadir a outras como a de Farruco Graña, (1, 2, 3, 4). E mentres, se queres procurar a clasificación, coa posibilidade de procurar a alguén en concreto ou unha categoría enteira: https://ccnorte.com/resultados/xxxii-san-silvestre-ribadeo-2022/san-silvestre-2010-e-anteriores/1

    A San Silvestre 2022, ó paso polo Rosa Lar:

A guerra na Ucraína e o novo contexto internacional

      Onte asistín a unha charla sobre "A guerra na Ucraína e o novo contexto internacional", impartida na Casa do Viejo Pancho por Duarte Correa, que foi presentado por Farruco Graña. A pesar de que tanto o vídeo como o audio son moi malos, por se alguén quere remedar o non ter asistido e se anima, aquí quedan ambos. Primeiro, o vídeo da charla, do que faltan os dous primeiros minutos (e a curta presentación de Farruco). Logo, o audio da rolda de preguntas, e por último, o cartel anunciador.

    O vídeo:

    O audio da rolda de preguntas, que se pode escoitar aquí.
    E o cartel anunciador:

O problema galego

    Onte, da man de Farruco Graña, Presidente da A.C. Francisco Lanza de Ribadeo,  presentou Francisco Rodríguez Sánchez o seu libro A relevancia do reino galego medieval, (ISBN: 9788494965944) primeiro tomo de Unha etapa estelar e conflitiva de Galiza, que vai xa pola súa terceira edición. Deixo abaixo o vídeo, en dúas partes (debido un pequeno corte por motivos 'técnicos' que se levou un par de minutos) dunha intervención aguda e refexiva, a máis de datada. O título desta entrada, O problema galego, está sacado unha das cousas apuntadas por Francisco Rodríguez na súa charla.

Unha etapa estelar e conflitiva de Galiza?

    Non, non me refiro ó presente, senón ó libro que mañá xoves se presentará na Casa do Viejo Pancho en Ribadeo, xusto despois de que teña lugar a concentración para a paz diante do concello. O título deste artigo, sen interrogante, é o da colección; o que se vai presentar é o primeiro tomo, A relevancia do reino galego medieval, que nos por onde irán os tiros na presentación (é de esperar). Por certo, un libriño que vai pola súa terceira edición e que ven sendo presentado por toda Galicia e que afonda no coñecemento sobre a nosa historia, entre os século VIII e XIV, desbotanto algunha idea, terxiversación e ocultación que se ten instaurado ó longo do tempo, en particular na ditadura.O autor é Francisco Rodríguez, militante e parlamentario do BNG, e estará acompñado na mesa por Farruco Graña, presidente da A.C. Francisco Lanza.

 

RIBADEO, ¿UNA VILLA O UNA CIUDAD? José María Rodríguez Díaz (2007)

   Pasaron as eleccións e está en xogo o modelo do Ribadeo que queremos. A disyuntiva que presenta José María Non é nova nin vella, pois abrangue un longo periodo de Ribadeo. Pero si é certo que a proposta reiterada marcou o comezo da alcaldía de Fernando Suárez, que asumiu sen consulta que todo ribadense quería unha Ribadeo-cidade. Por outra banda, particularmente, sempre sentín que era máis difícil quedarse nun punto medio, aproveitando as vundades do pequeno e as avantaxes do grande -aínda que sexa, coido, o mellor-.

Miércoles, 06 de junio de 2007

RIBADEO, ¿UNA VILLA O UNA CIUDAD?

• Publicado por jmrd_ribadeo a las 16:11

Con este comentario no se pretende desvirtuar la labor desempeñada por D. Fernando Suárez Barcia en el concejo de Ribadeo a lo largo de este pasado mandato. Hay que reconocer que trabajó con denuedo. Otra cosa es valorar si ese trabajo desarrollado por el BNG es el que le corresponde hacer a un concejo. Y el pueblo se lo reconoció en las urnas. No se esperaba otra cosa, por otra parte, de quien percibía el correspondiente salario por su dedicación a la alcaldía.

Y hay que admitir y valorar como se merece la visión que tiene este político acerca de lo que debe ser un urbanismo de calidad para el concejo de Ribadeo, aunque luego, visto como transcurrieron las cosas con los convenios urbanísticos y el Plan de Urbanismo tramitados por el concejo en el mandato anterior, no demostrase ser muy consecuente con sus posturas.

Es, precisamente, de urbanismo de lo que se va a tratar en este comentario. Lleva ya mucho tiempo defendiendo insistentemente el portavoz del BNG, D. Fernando Suárez, y lo hace con obsesión recalcitrante rayana en la monotonía, la idea de que pretende convertir a Ribadeo en una pequeña ciudad. Concretamente, en el semanario La Comarca del Eo, de 19 de mayo, decía literalmente: 'Queremos demostrar que podemos, e sabemos converter a Ribadeo nesa pequena cidade que todos queremos'.

Se que esta mi opinión no representa, quizás, el sentir de todos los vecinos de esta villa. Pero, dicho esto, he de manifestar que no me siento incluido entre eses 'todos' que, según él, quieren convertir a Ribadeo en una pequeña ciudad. Mi ilusión es poder vivir en una pequeña villa, tal como es hoy Ribadeo. O como era en los años sesenta, si fuese posible, en donde todos se conocían y la vida era más humana. Y ello porque estoy convencido, en contra de lo que el Sr. Suárez Barcia opina, de que el hecho de vivir en una ciudad no me haría sentir más feliz. Es cierto, y lo reconozco, que una ciudad puede ofrecer más recursos y posibilidades que una pequeña villa. Pero no es menos cierto que genera, también, más problemas y dificultades para vivir. Alcanzar el justo equilibrio entre estos extremos es el dilema. Y no se trata de poner obstáculos al desarrollo y crecimiento natural de la villa de Ribadeo. Pero el esfuerzo de un político debe estar dirigido a convertir lo que hoy tenemos y disfrutamos en un espacio apropiado para cubrir, sin carencias, las necesidades de los vecinos. Forzar su expansión hasta convertirla en una ciudad, como nos promete D. Fernando Suárez, no creo que vaya a hacer más felices a los vecinos.

Porque, ¿Qué es y en dónde está la felicidad, ese bien supremo que todo el mundo pretende alcanzar? Lo sabía bien fray Antonio de Guevara cuando, cansado de la vida sofisticada de la ciudad y de la corte, escribió su obra famosa: Menosprecio de la corte y alabanza de la aldea. La felicidad no es otra cosa más que ese sentimiento que embarga el estado de ánimo del hombre cuando alcanza el bien deseado. Por lo tanto, la felicidad no depende de tener más calles y casas más altas, más lugares de diversión y servicios, más gente circulando por las aceras o más coches en las calles, sino de estar satisfecho con los servicios justos y necesarios que necesitamos, sin padecer carencias. Le recomendamos a D. Fernando Suárez la lectura de la novela 'El bosque de Nadgor' ⁽¹⁾. para ilustrarse sobre este tema.

Para tomar la decisión de hacer de Ribadeo la ciudad que todos queremos se debería recabar la opinión de los vecinos de Ribadeo sobre este extremo, después de explicarles las ventajas e inconvenientes de las dos opciones: vivir en una ciudad o en una villa pequeña. Porque ese es el dilema. Dar por supuesto el deseo de los vecinos, como se hace en el caso presente, es suplantar su voluntad.

¿Fueron, acaso, consultados los vecinos acerca el tipo de villa y de concejo que querían, a la hora de diseñar el Plan de Urbanismo? Los que, como el portavoz del BNG, ejercen en la política están acostumbrados a gobernar a su antojo, amparados en la representación que les dieron las urnas, pero prescindiendo de la voluntad del pueblo que les votó. Y así, las decisiones que toman pueden ser muy legales, pero no necesariamente son las mejores por estar tomadas de espaldas al pueblo. Lo que significa, una vez más, lo alejados que están del pueblo los políticos que nos gobiernan.-

José Mª Rodríguez

Outros Artigos de José María.

--

1 Novela de Farruco Graña, que no 2015 sería concelleiro no equipo de goberno de Fernando Suárez.^↩

 

PARTICIPACIÓN CIUDADANA EN LA VIDA POLÍTICA. ALCALDE POR LA GRACIA DE DIOS. José Mª Rodríguez Díaz

Artigo publicado por José Mª Rodríguez Díaz no seu blog O Cargadoiro (xa non funcional) o 9 de xullo de 2006. 

Domingo, 09 de julio de 2006

PARTICIPACIÓN CIUDADANA EN LA VIDA POLÍTICA

ALCALDE POR LA GRACIA DE DIOS

A los clamores de las asociaciones y plataformas de los ciudadanos, en demanda de información sobre expedientes de obras de gran trascendencia para la villa, como son las de las reformas del parque y otras, responde el alcalde, airado y desafiante, que se atengan estos colectivos a lo que marcan las normas y se informen en los tablones de anuncios del ayuntamiento. Y en eso es tajante y sin concesiones. "El que no está contento que no me vote", contesta el alcalde cuando alguien le pide explicaciones sobre determinados temas. Pero, ¿es esa la participación ciudadana que ofrecía el alcalde al pueblo de Ribadeo?

Participación ciudadana es facilitar a la gente, de la forma que se considere más eficaz, la oportunidad de opinar y participar en la toma de decisiones que, en temas de cierta importancia, ha de adoptar el gobierno local, buscando un mayor consenso y seguridad de acierto, en las decisiones que se van a tomar. Esa es, y no otra, la participación ciudadana, activa y efectiva, que el alcalde nos prometíua en su programa y en sus mítines electorales.

A esa participación se refería cuando en su discurso de toma de posesión de la alcaldía, decía al pueblo de Ribadeo: "Quero unha vila onde a xente poida opinar e discrepar e se lle atendan as razóns aos que as teñan". Los hechos nos confirmaron que estas palabras no eran más que gestos para la galería, dedicados a seducir a los incautos. ¿Cómo podrán opinar y discrepar los ciudadanos, y exponer sus razones, si no tienen la oportunidad de ser oídos, ni consultados, ni tener acceso a la información?

Y, ¿qué se hizo de la transparencia, tantas veces proclamada y prometida por él? Alguien podría argumentar que no es necesario contar con el pueblo, porque ya está representado por los concejales. Y es cierto que los concejales representan al pueblo. Pero no son el pueblo. Y el pueblo necesita conocer lo que pasa, para no vivir en la ignorancia y en la sospecha, como en Nigrán. Y saber lo que se hace con su dinero. ¿Qué se pretende ocultar, gobernando de espaldas al pueblo, y sin compartir, incluso, sus decisiones con la oposición, que representa, también, y en medida importante, a la voluntad popular?

Se aferra, el alcalde, a supuestos principios legales para acogerse a las normas más restrictivas y justificar así sus actitudes. El mandato de gobernar, recibido en las urnas, es para él la razón suprema en la que siempre se escuda para justificar su conducta. Y las urnas son buenas. Pero no son garantía de acierto en las decisiones. Dispone el alcalde de un mandato que nadie le niega. Pero eso no quiere decir que, en nombre del pueblo pueda hacer lo que se le antoje, aunque la ley se lo permita, ni debe ser una disculpa para caer en actitudes absolutistas. El contrato social de gobierno, que suscribió con el pueblo en las elecciones, le obliga a contar con el pueblo constantemente en la toma de decisiones. No se trata de que, durante cuatro años, pueda hacer lo que quiera y luego presentarse a la reválida al final del mandato. Y eso es lo que hace gobernando a su capricho sin tener en cuenta las opiniones del pueblo. Una actitud imperdonable en un gobierno socialita que se proclama de izquierdas y de progreso.

¿Y qué responsabilidad le cabe al BNG, su socio de gobierno, en esta conducta? No lo creemos exento de culpa, después de avalar con su apoyo estos comportamientos. En su artículo publicado en La Comarca del Eo, en fecha 8 de julio, titulado "O Momento da Cidadanía", su autor, Farruco Graña, pide la participación de los ciudadanos con el BNG, diciendo que "É o momento da cidadanía, continuamos coas portas abertas para recoller todo tipo de xugestións que enriquezan o noso proxecto de vila, de comarca, de país." Y añade seguidamente "É o momento da cidadanía, dámoslle o protagonismo. Con transparencia. Como fixemos sempre." -¿Está ofreciendo la participación ciudadana en el gobierno al final ya del mandato? -¡A buenas horas mangas verdes!- o pidiendo el apoyo de los ciudadanos para las próximas elecciones? Cuando dentro de poco se presente a examen, el pueblo emitirá su veredicto, no cabe duda. Pero se habrán perdido cuatro preciosos años en la búsqueda de soluciones para los problemas de Ribadeo y una gran oportunidad de instaurar "otra forma de ser y otra forma de gobernar", como, tan engañosamente, nos prometió en su programa.-

José Mª Rodríguez

Outros Artigos de José María.

O que ten nome existe: toponimia da historia de Ribadeo

 

Dentro das Xornadas de Historia Local 2020 organizadas pola Asoc. Cultural Francisco Lanza de Ribadeo, o 21 de agosto no auditorio de Cabanela tivo lugar a charla O que ten nome existe: toponimia da historia de Ribadeo, impartida por Rocío Dourado Fernández e presentada por Farruco Graña.

Deixo en baixo a ligazón gravación que subín ó podcast ribadeando, que abrangue toda a charla a excepcións dos primeiros segundos da presentación e as intervencións finais.

https://www.podcasts.com/download/ribadeando-3a91407da/O-que-ten-nome-existe-toponimia-da-historia-de-Ribadeo-3b40

A nosa cultura pode crear riqueza e traballo: o valor económica da nosa cultura

Hai xa case un mes, o 7 de xullo, a mesa redonda 'O libro como ferramenta: asociacionismo e cultura' deu lugar a unha segunda entrada sobre o tema no blog. Un tema que propiciou ser retomado na feira do libro sobre o mar e a súa cultura de S. Cibrao, tamén nunha mesa redonda, co título 'A nosa cultura pode crear riqueza e traballo: o valor económica da nosa cultura', na que participaron Farruco Graña, Geluca Campo e Carlos Nuevo Cal, moderados por Alfonso Otero Regal.

Era previsible que o tema saíra de xeito semellante á mantida en Ribadeo por Neves Paz como coordinadora, a representante da A.C. Francisco Lanza, Dores García Abel, do Seminario de Estudos Terra de Viveiro, Carlos Nuevo Cal, de Os Aventados, Pablo Mosquera Mata, e de O Tesón, Antonio Gregorio Montes, mais houbo matices abondo como para reproducir as intervencións, cousa que fago  ligando ó podcast ribadeando, entrada A nosa cultura pode crear riqueza e traballo: o valor económica da nosa cultura.

Coñeces a quenes se presentan ás eleccións ó concello de Ribadeo?

    Supoño que xa verías todas as candidaturas, pero non xuntas, o que dificulta comparar e fan que se esquezan nomes. A falta de coñecer programas (polo momento, coido que só unha formación está facendo un anuncio do seu esbozo de programa dun xeito sistemático), aquí van as candidaturas que se presentan ó concello para as eleccións do 26 de maio de 2019 ( B.O.P de Lugo Núm. 093 – Mércores, 24 de Abril de 2019, p. 69 e ss.):

Circunscripción electoral: RIBADEO

Candidatura núm. 1:RIBADEO NOS UNE

1.-RAMON ACUÑA GONZALEZ
2.-ANTONIO VICENTE FERNANDEZ FERNANDEZ
3.-MARIA DEL CARMEN VILLAGARCIA RIO
4.-PERFECTO RODRIGUEZ GONZALEZ
5.-MARIA LOURDES PRADA HERRERA
6.-NAROA PENEDO RODRIGUEZ
7.-TANIA FREIJE LOPEZ
8.-MARIA RUTH PENOUCOS YANES
9.-MARIA TERESA FERNANDEZ FERNANDEZ
10.-VALENTIN IZQUIERDO RODRIGUEZ
11.-MARGARITA GALOCHA LOPEZ
12.-IVAN QUERO FERNANDEZ
13.-JOSE GUTIERREZ LOPEZ
Suplentes
1.-JUAN CARLOS DELGADO RUIZ
2.-MARIA BENIGNA CUBERO LOREDO
3.-RAFAEL MILLARES MERA

Candidatura núm. 2: BLOQUE NACIONALISTA GALEGO (BNG)

1.-FERNANDO SUAREZ BARCIA

2.-MARIA LUZ ALVAREZ LASTRA

3.-PABLO VIZOSO GALDO

4.-MONICA FREIRE RANCAÑO

5.-JESUS MUNDIÑA ACEBO

6.-MARIA DEL PILAR OTERO CABARCOS

7.-JORGE DIAZ FREIJE

8.-MARCOS ANTONIO VILLAMIL MARTINEZ

9.-VANESA YANES RIVAS

10.-DAVID RIVAS PEÑA

11.-MARIA SONIA MEILAN VIZOSO

12.-XOSE FARRUCO GRAÑA RAMA

13.-ANDREA MARTINS FERNANDEZ

Suplentes

1.-XOAN ANTON MONASTERIO LOPEZ

2.-MARIA PAZ RAMIL MASEDA

3.-OSCAR CHAO PENABAD

4.-MARIA POSADA EXPOSITO

5.-ALMUDENA FERNANDEZ MONASTERIO

6.-JOSE ROCHA FERNANDEZ

7.-MARIA DE LOS ANGELES FUENTE VERDEAL

8.-TERESA DIAZ ESTEVEZ

9.-MARIA DOLORES GARCIA DOCOBO

10.-JOSE ANTONIO RAMIL ACEBO

Candidatura núm. 3: PARTIDO POPULAR (P.P.)

1.-DANIEL VEGA PEREZ

2.-ELISA CONCEPCION RODRIGUEZ SANJURJO

3.-BEGOÑA SANJURJO SANTAR

4.-MARIA ELENA SIERRA PULPEIRO

5.-INOCENCIO RODRIGUEZ GONZALEZ

6.-MARTA MARIA SAIZ GARCIA

7.-JUSTO PEDRO SUAREZ CONDE

8.-MONTSERRAT SEIJO DIAZ

9.-MARIA JOSE DUARTE FANJUL

10.-JESUS ANGEL GONZALEZ GARCIA

11.-ANA MARIA DOCOBO FERNANDEZ

12.-MANUEL SILVEIRA VALLEDOR

13.-LORENZO GARCIA EIRAS

Suplentes

1.-PEDRO JOSE ANTONIO MURUAIS FERNANDEZ

2.-EULOGIO DIAZ LOPEZ

3.-MARIA ANGELES LOPEZ VIOR

Candidatura núm. 4: PARTIDO DOS SOCIALISTAS DE GALICIA- PSOE (PSdeG-PSOE)

1.- MARTA GARCIA REY
2.- FRANCISCO JAVIER TORVISO BERDEAL
3.- MARIA JOSE RODRIGUEZ ARCA
4.- FRANCISCO JAVIER RODRIGUEZ VEIGA
5.- ANA MARIA FERNANDEZ RODRIGUEZ
6.- JUSTO ENRIQUE NAVARRET MON
7.- MARIA TERESA PEREZ SANZ
8.- NATALIA MOLEDO GONCALVES
9.- JOSE ANGEL REDONDO ALBA
10.-CESAR FERNANDEZ MURIAS
11.-MARIA DEL CARMEN DIAZ RIOS
12.-LORENA RAMON BOUSO
13.-JOSE MANUEL PEREZ LOPEZ
Suplentes
1.-JENNIFER MOURE LOPEZ
2.-RAMON ANGEL COTO LONGARELA
3.-ANCA STEFANIA HONCU

Candidatura núm. 5: EN MAREA RIBADEO

1.- EVARISTO LOMBARDERO RICO

2.- MARIA FRANCISCA DE ASIS LOPEZ DE PRADO NISTAL

3.- OSCAR ARAMBURU VILARIÑO

4.- ELENA CELIA LOPEZ SAMPEDRO

5.- JULIO CESAR GONZALEZ GARCIA

6.- ELIA RODRIGUEZ ALVAREZ

7.- JOSE ANTONIO SANCOSME IGLESIAS

8.- MARIA INES PEREZ SANTOME

9.- ANGEL RODRIGUEZ ANES

10.- MONICA AMADO BRANCO

11.- ARTURO LINARES MARTINEZ

12.- MARIA DE LOS DOLORES RODRIGUEZ RIOPEDRE

13.-JUAN CARLOS ALONSO GONZALEZ

Suplentes

1.-MARIA COVADONGA SUAREZ MARTÍNEZ

2.-JOSE MARIA LOMBARDERO RICO

3.-MARIA ANGELES DOMINGUEZ BARROSO

Candidatura núm. 6: COMPROMISO POR GALICIA (CxG)

1.- JESUS PEREZ MOREDA

2.- MARIA BEGOÑA FERNANDEZ FERNANDEZ

3.- AURORA GONZALEZ GINZO

4.- RAFAEL IZQUIERDO PEREZ

5.- JOSE RAMON LOPEZ MARTINEZ

6.- IVAN FERNANDEZ RAÑON

7.- ALVARO MARIO LORIGADOS CASTAÑO

8.- BELEN GONZALEZ LOPEZ

9.- CRISTIANE CARVALHO DE SOUSA

10.- ELVA ALINA CARMONA FIGUEREDO

11.- MARIA SOLEDAD VALIÑA GUTIERREZ

12.- ALMUDENA PIÑEIRO DOCAMPO

13.-ALEJANDRO CALONGE PEÑA

Suplentes

1.-REGLA HERRERA BRUNET

Máis das eleccións municipais Ribadeo 2019:

Enquisa por móbil

Programas

Revisando a fin de semana en Ribadeo: Catedrais e Rueiro

   Vexo que este fin de semana en Ribadeo deu lugar a dúa novas pequenas pero que me chamaron a atención e diversos motivos e por iso paso a comentar.
    A primeira, un artigo  (1/3 de páxina) na Comarca, 'comentarios al plan de protección de As Catedrais', do 'Grupo Municipal del PP de Ribadeo'. En castelán. Di que no plan 'se observan cosas muy raras', xa no primeiro parágrafo. Entendo que se refire ó 'Plan especial de As catedrais' que teño comentado varias veces de xeito parcial, por partes, e sen rematar, de forma abondo máis extensa que a que aparece na Comarca e... en tempo. E é que, publicada a aprobación inicial no DOG de 16 de novembro de 2017, daba un prazo de dous meses para formular alegacións. Prazo que rematou hai case dous meses, polo tanto. E que aparece no segundo parágrafo como unha contradición en contra do plan...
    A segunda, que por fin está a dispoisición o libro ('folletos turísticos') 'Roteiro pola historia de Ribadeo', que ven a ser o prometido hai meses coas novas placas de Sargadelos das que levo exposto fotografías e falado tamén varias veces nestes últimos tempos no blog (Máis placas de Sargadelos informativas, Letreiros para coñecer Ribadeo, Placas de Sargadelos ilustrando o rueiro de Ribadeo, Nota do concello: Arte e historia. Rúas e Sargadelos). Pois iso, por fin saíu á rúa e pódese adquirir por 1,5 € na oficina de turismo, segundo a nota do concello. A nota chamou a miña atención por varias cousas. Unha, que segue sen ser público o custe das placas, ó que xa me teño referido. Outra, que non se fala nada do retraso sobre o tempo de publicación falado. Outra, o aproveitamento da petición / anuncio tras ser recollida, de museo de Ribadeo como pobo, obviando/esquecendo as rutas xa establecidas de indianos, de comerciantes... Indicación non obstante que estimo moi válida nun pobo como Ribadeo. Aparece ademáis, en nota de prensa, a figura de Carlos Longarela, arquitecto do ARI e autor da parte gráfica, dato para min descoñecido ata o de agora, aínda tras ser coñecido que o autor dos textos é Eduardo Gutiérrez, cronista oficial e exalcalde (entrada na Galipedia).

    Deixo a foto, tamaño orixinal na web do concello, e a continuación a longa nota de prensa:

A PRIMEIRA TIRADA É DE 1.200 EXEMPLARES
Roteiro pola historia de Ribadeo
10/03/2018
No salón de plenos do Concello presentáronse esta mañá os folletos turísticos denominados Roteiro pola historia de Ribadeo, e nos que se recollen os debuxos e textos das máis de 30 placas de Sargadelos colocadas en rúas, prazas e lugares de Ribadeo. Están editados en catro idiomas: inglés, francés, español e galego e estarán á venda na Oficina de Turismo ao prezo de 1,50 euros. No acto participaron o cronista oficial de Ribadeo, Eduardo Gutiérrez, o arquitecto municipal Carlos Longarela, o concelleiro de Cultura, Farruco Graña, e o alcalde, Fernando Suárez.
O rexedor dixo que "isto é algo moi importante para reafirmarnos como un pobo que leva aquí moitos séculos, que ten moita historia e que moitas veces o tempo vai pasando e as xeracións que van vindo non saben nada do que outras deixaron atrás. Para iso quixemos abusar da experiencia, da historiografía e da sabedoría do cronista oficial, Eduardo Gutiérrez, para pedirlle que o seu coñecemento fose botando luz enriba de pasaxes históricos en diferentes rúas e espazos da vila. Para iso tamén nos apoiamos en Carlos Longarela, arquitecto que nos ratos libres, porque no ámbito do día a día tempo pouco tempo, pero fóra de horas foi facendo os debuxos, moitas veces con orientación do propio cronista oficial. E todo iso metémolo nunha máquina moi potente e moi bonita, que é Sargadelos, onde lle deron o deseño final, e o resultado das placas está aí para ver desde hai un par de meses, penso que con moi boa acollida".
Suárez Barcia sinalou que "aparte diso, que é o que máis perpetuamente vai quedar nos espazos públicos, quixemos tamén difundir esta mensaxe en varias linguas, porque sabemos que Ribadeo cada día é máis turístico, cada vez ven máis xente de fóra que se interesa e gústalle isto que está vendo polas rúas e queremos que teña a oportunidade indo á oficina de turismo e mercando un libriño no que figuran todas estas placas cos debuxos, cos textos e nalgúns casos cunha explicación máis grande. Quixémolo facer en francés, en inglés, en castelán e en galego".
O alcalde explicou que "fixemos unha primeira edición de 300 folletos en cada idioma e estamos convencidos de que dentro de pouco teremos que facer novas edicións. Desde mañá mesmo están a disposición de calquera que se achegue á oficina de turismo de Ribadeo ao prezo de 1,50 euros, polo que realmente non lle gañamos nada, pero o que pretendemos é difundir a historia local".
O cronista oficial, Eduardo Gutiérrez indicou que "na publicación que se presenta hoxe, cun pequeno engadido sobre a que recollen as placas, destácanse trinta e tres lugares vencellados á historia de Ribadeo en diferentes épocas: a medieval, onde se pode seguir o itinerario da muralla reparando na indicación das portas e dos restos que quedan; tamén se sinala a ubicación da Colexiata, onde antes estivo a igrexa parroquial. Sublíñanse igualmente edificios vencellados á aboenza liberal da vila, á súa tradición comercial, cunha clase acomodada e culta, que ergueu a Escola de Náutica, o Teatro e o Círculo de Recreo, as casas armadoras e de banca, que naceron do porto entendido como lugar estratexicamente situado, como fondeadeiro e abeiro, porque non acadou unhas instalacións portuarias que merecesen tal nome. Con todo, da súa importancia dá proba o Forte de San Damián, do século XVIII. E xa no XIX o cargadoiro de mineral de ferro, ao tempo que abrollaban obras e dotacións da man dos indianos enriquecidos en América: a Praza de Abastos, o Cemiterio, a torre dos irmáns Moreno, etc. Tamén se lembran singularidades como os lavadoiros, tal o sonado Pipelo, que durou perto de catrocentos anos".
Na súa intervención Gutiérrez manifestou que "mais dese pouso ilustrado e liberal do século XIX destacan a Sociedade Filantrópico-Dramática de 1835, que ergueu o Teatro, a Sociedade de Fomento que promoveu a Escola de Nautica e o sucesivo Colexio de San Luis. Aparte disto cómpre destacar o escintilante Círculo de Recreo, fundado en 1851. Xa noutra ocasión sinalamos como clarificadora a anécdota que recolle un cronista local, segundo a cal cando en 1858 a raíña Isabel II visitou Lugo, as autoridades provinciais solicitaron en depósito do Círculo os mobles para decorar as estancias onde se aloxaría a raíña, que era nada menos que o Pazo Episcopal".
O cronista oficial rematou salientando: "a boa acollida que tivo a instalación das placas que conforman o roteiro pola historia de Ribadeo, son unha incitación e un estímulo a prol dun Museo, que trasladamos á Alcaldía para o seu estudo e consideración, coa petición de que acolla a idea co mesmo interese e dedicación que puxo na confección das placas. O concepto de Museo ao uso cambiou efectivamente e hai cidades que inclúen nel rutas deste tipo, aparte de varias sedes. Certo que aquí comezamos co último, que xulgamos unha boa medida para avaliar a opinión pública, cuxa colaboración se requeriría tanto no acopio de materiais, como noutros aspectos, co obxecto de facer o proxecto viable. Estimado señor Alcalde: isto é unha celada, que rogamos disimule acolléndonos á existencia delas na muralla, con outros fins, pero igualmente solapados. Aínda que, ben mirado, isto ten pouco de trapela, no sentido literal de encerro. É apenas unha suxestión. E, desde logo, cordial".
E o concelleiro de Cultura, Farruco Graña, dixo que "ter a ocasión de ter nas nosas mans estas breves reseñas históricas é sempre unha boa nova porque dan pulo á nosa actividade cotián. Non se trata de mirar para atrás con ton fachendoso, senón de facelo para sentírmonos orgullosos do que fomos e do que podemos seguir sendo, pero para trazar ben o camiño é indispensable coñecer de onde vimos. Trátase de poñer en valor, pero non só pensando na xente que vén de fóra, que está moi ben que veña, senón en nós mesmos; todos os cidadáns e as cidadás de Ribadeo é bo que saiban da súa historia, os que acabamos recalando nestas terras é bo que establezamos ese vínculo co que foi Ribadeo para facelo noso e proxectar cara o futuro todas as nosas ideas e os nosos proxectos. E nese sentido é fundamental que de cando en vez nos paremos e poñamos negro sobre branco, neste caso habería que dicir ton azul, que é o propio de Sargadelos, sobre branco, eses fitos históricos dunha vila centenaria como é Ribadeo".

Hoxe podes relaxarte e desfrutar con cultura

Sempre chama a atención o poder relaxarse con espectativas de tranquilidade. Hoxe venres, e ata o domingo, a mostra de teatro Daniel Cortezón, xa na súa XIV edición, chama a atención. "A trastada", "Bicos de vinagre" e "Departamento de selección" serán as tres obras representadas sucesivamente.

A nota de prensa do Concello:
CON GRUPOS DE FIGUEIRAS, FOZ E A ESTRADA
Mostra de Teatro Afeccinado
04/10/2017

Mati, viúva de Daniel Cortezón, e Farruco, concelleiro de Cultura, na presentación.

A Concellaría de Cultura presentou hoxe a XIV Mostra de Teatro Afeccionado Daniel Cortezón, que se celebrará do 6 ao 8 de outubro. As representacións serán no Teatro ás 20:30 horas, agás o domingo que será ás 19:30.
A mostra comezará o venres coa representación da Asociación de Mayores Cristo del Buen Viaje, de Figueiras, que porá en escena a obra titulada A trastada. O grupo de teatro O Batán, de Cangas de Foz, presentará o sábado Bicos de vinagre, e Disfunción Continua, de A Estrada, o domingo Departamento de selección. Na presentación celebrada hoxe no salón de plenos do Concello de Ribadeo, o concelleiro de Cultura, Farruco Graña, estivo acompañado da viúva do dramaturgo ribadense Daniel Cortezón, Mati González.
O edil ribadense dixo que "con moito orgullo presentamos a décimo cuarta edición da Mostra de Teatro Afeccionado Daniel Cortezón. Son xa catorce anos desenvolvendo esta actividade que nos permite dar a coñecer o teatro que se fai pola nosa contorna e tamén por grupos que veñen de máis lonxe".
Graña sinalou que "nesta décimo cuarta edición que vai ser este venres, este sábado e este domingo, poderemos ver a representación dun grupo de teatro duns veciños nosos das Figueiras, é o grupo da Asociación de Mayores Cristo del Buen Viaje e vainos representar A trastada. Como ben pode verse a través do título é un conxunto de trastadas que fai a personaxe principal da obra e que é unha comedia que pode endulzarnos ben a tarde do venres, e poderemos pasalo moi ben ás oito e media no Teatro de Ribadeo. Imos ver como os nosos veciños doutro lado da ría fan teatro igual que eles veñen aquí outras veces e ven cómo nós facemos teatro. O importante é intercambiar e ver a xente distinta que fai teatro".
O concelleiro de Cultura engadiu que "o sábado, tamén no Teatro ás oito e media, o grupo de teatro O Batán, de Cangas de Foz, visítanos. É outro grupo de teatro de aquí cerca, xa da Mariña luguesa, que vai representar Bicos de vinagre. Combina un pouco comedia e algo de traxedia, pero nun formato un pouco distinto ao do venres".
Farruco Graña subliñou que "o domingo tamén no Teatro, pero ás sete e media, porque o grupo que nos visita ven desde A Estrada e pediron que puidera ser un pouco antes a representación teatral. Disfunción Continua representará Departamento de selección. É o reflexo da vida mesma, a xente buscando traballo que ten que pasar por un grupo de selección e que se ve sometida a unha serie de probas. É unha metáfora da vida mesma, as dificultades que nos mostra o día a día, os momentos doces e algún sabor cómico, pero tamén momentos dramáticos e que reflicten un pouco a condición humana. Diso trátase a fin de contas o teatro, de reflectir a condición humana, en clave de humor, en clave traxicómica, noutras ocasións en clave de traxedia".
O concelleiro ribadense declarou que "en Ribadeo sempre estamos abertos e abertas a ver e a facer teatro, a aprender dos demais e a mostrar aos demais o que sabemos facer. Así que convido a toda a veciñanza do propio concello de Ribadeo e dos concellos limítrofes a ver e a asistir ás representacións teatrais da décimo cuarta edición da Mostra de Teatro Afeccionado Daniel Cortezón".
Pola súa banda a viúva do dramaturgo ribadense Daniel Cortezón, Mati González, quixo "animar á xente a que acuda a esta mostra. Xa van catorce edicións e creo que xa ten unha traxectoria moi importante. Gustaríame que fora moita xente e sobre todo especialmente que a xente do grupo de teatro de Ribadeo acudira para opinar, valorar e ver aos distintos grupos de teatro afeccionado que temos en Galicia e neste caso tamén na parte de Asturias".

Festas patronais, sesión concello en espera dos fogos do sete

Este ano, o concello levantou unha comisión de festas e propiciou que a campa das festas voltara ó campo, ó antigo campo da feira, agora praza de España e Parque de San Francisco, lugar 'tradicional' de hai anos das festas. Que queden en próximos anos no mesmo lugar, iso xa é fariña de outro costal.
E as festas voltaron. Onte, mentres que a rondalla prevista para amenizar todo o pobo debeu entender que o pobo era unha tira de 150 m coa maior concentración de lugares de bebida, decateime de que cousa de media hora antes o alcalde fixo colgar na páxina do concello un bando:

A súa lectura, coa diversión por mandato, non pode menos que levantar un sorriso, misturando dito mandato con cousas abondo serias como a regulación horaria do ruído que, tamén 'tradicionalmente', se asocia ás festas. Mentres, esta mañá, abondo antes das oito, a descarga dos contedores de vidro e o ruído asociado parece non estar regulada neste concello, aínda que entendo que non se adapta ó horario de actividades que supoñen un ruído considerable.
O decreto anterior ven acompañando unha nota de prensa, que reproduzo embaixo:
Novas
PROLONGARANSE ATA O 9 DE SETEMBRO
Festas da patroa 2017
06/09/2017
O alcalde, Fernando Suárez, ven de editar un bando con motivo da celebración das festas patronais no que o rexedor desexa á veciñanza e visitantes uns bos festexos. O rexedor aproveita para felicitar á comisión organizadora polo traballo realizado e lembra que se establecen uns horarios máximos para o remate das verbenas co obxectivo de poder conciliar o dereito ao goce das festas co dereito ao descanso dos que viven nos arredores.
Fernando Suárez manifestou que "agora en Ribadeo nesta prórroga do verán que significan sempre as festas da patroa do noso concello, acabo de emitir un bando onde dalgún xeito, de maneira desenfada quero case que obrigar por decreto a disfrutar e a pasalo ben a todos os veciños, a todos os que aínda están por aquí de visitantes e a todos os amigos e amigas dos concellos próximos que sempre se acordan de nós, de vir a Ribadeo. Neste bando explicamos os días e os horarios".
O alcalde subliñou: "sobre todo quixera valorar e agradecer publicamente o intenso traballo que desenvolveu esta comisión de festas da patroa deste ano 2017, porque é un grupiño moi pequeno, sobran os dedos dunha man para contalos, e porque deron o mellor de si, cónstame, para facer as mellores festas posibles. Hai que destacar tamén o esforzo de intendencia e de apoio, e económico tamén por parte do Concello de Ribadeo que ademais estivo apoiado pola unanimidade de toda a Corporación Municipal, cousa que tamén é de valorar, de agradecer e de destacar".
O rexedor contou que "as festas practicamente empezan esta tarde con actividades para os máis pequenos, despois á noite cun grupo no Cantón, e durante esta longa fin de semana con actuacións".
Fernando Suárez lembrou que "este ano como todo o mundo sabe as festas da patroa recuperan o espazo tradicional, onde sempre foron e onde a demanda popular da xente nos indicou que se debería traballar para que volveran a este sitio".
O alcalde ribadense confía en que "todo funcione ben. Os horarios que temos autorizados son os que marcan as normativas. Hai tempo máis que dabondo para gozar e para conciliar o dereito a descansar dos que teñen que traballar e o dereito á troula e á esmorga dos que queren pasalo ben, que sen dúbida vai ser moita xente".
Fernando Suárez declara que "confiamos que entre todos teñamos unhas das festas da patroa máis importantes e atractivas dos últimos anos, por suposto sen desmerecer ningunha das anteriores".
Coido que se debe salientar a minguada representación que este ano constitúe a comisión de festas, que se sempre necesita que se lle bote unha man, este ano necesítao máis aínda, e entendo que o concello, que fixo que xermolara, está facendo esa labor. Ben ou mal, de xeito apropiado ou inapropiado, sería cousa de discutilo, pero xa que non antes, despois, non agora. Deixo unha cita curta da nota de prensa do concello do 25 de maio:
Ao fronte da comisión está Juan José Otero, como presidente, acompañado por Avelino Martínez como tesoureiro, e Inmaculada Fernández como secretaria. O alcalde, Fernando Suárez, e o concelleiro de Cultura, Farruco Graña, acompañáronos na súa presentación pública. A carón deles haberá máis xente, que xeito anónimo lles botará unha man.
E, coma homenaxe a estes tres valentes/temerarios, inclúo tamén aquí a foto da presentación da mesma nota de prensa:

O de onte (día 6) non é o primeiro bando que o concello adica ás festas. Deixo embaixo outro do día 3, que da nota do pregón (nota do concello, sobre o pregón das festas) e coido que enche espazo co programa das festas, que non leva adxunto.Pregón das festas 2017
03/09/2017
A ribadense Celia Castro Fernández, que é catedrática de Historia da Arte na Escola Superior de Arte e Deseño Ramón Falcón, de Lugo, abriu o sábado as festas patronais de Ribadeo na honra de Santa María do Campo cun emotivo pregón, que acompañou coa proxección de fotos antigas. O acto celebrouse no Cine Teatro de Ribadeo e contou con numeroso público.
Antes da pregoeira interviñeron o presidente da asociación organizadora dos festexos, Juan José Otero, e o alcalde ribadense, Fernando Suárez, que destacaron o traballo que supón a organización desta edición das festas patronais de Ribadeo debido a que cambian de situación respecto aos anos anteriores para volver celebrarse no parque de San Francisco e no Cantón dos Moreno.
No pregón Celia Castro, nacida en Ribadeo, falou das súas orixes familiares no Valadouro e recordou a destacados ribadenses como Gregorio Sanz, Sor Pilar de León, Mari Paz Otero Aenlle, Enrique López Galuá, Amando Suárez Couto, Claudio Pérez Prieto, Leonardo Fernández Reinante, Manuel Fernández Reinante, Carlos Álvarez Fernández Cid, Manolo Cortés, Pancho Maseda, Luisita Coldeira, Juan Suárez Acevedo, Daniel Cortezón, Dionisio Gamallo, Suso Peña, Benito Prieto Coussent ou Leopoldo Calvo-Sotelo.
Despois do acto de lectura do pregón actuou a Coral Polifónica de Ribadeo, dirixida por Mª Carmen Rodríguez Cancelo.
O acto foi presentado pola xornalista e locutora Carmen Cruzado, directora de Faro Norte Comunicación.
O vindeiro mércores, día 6, dará comezo a programación das festas patronais 2017 co día infantil, con actividades para os máis pequenos a partir das 16:30 horas no Cantón. A charanga Os Charangos percorrerá ás rúas da vila desde as 18:30 ás 22:30 horas, hora na que dará comezo a actuación de Claxxon. Antes ás 20:30 horas no Quiosco da Música do parque de San Francisco presentarase o cuarto disco CD de José Pulpeiro Doval O Gallopín.
O 7 de setembro, véspera da patroa, ás 11:30 horas sairán os Cocos e Cabezudos desde a Oficina de Turismo, acompañados polo grupo de gaitas Illa Pancha. A partir das 19:30 horas haberá pasacalles a cargo do grupo de música tradicional Tirapadiante. E ás 22:30 horas empezará a festa verbena amenizada polas orquestras Gran Parada e La Ocaband. Ás doce da noite terá lugar a tradicional sesión de fogos artificiais no peirao.
O día da patroa, 8 de setembro, ás 12 do mediodía haberá misa solemne na igrexa parroquial de Santa María do Campo cantada pola Coral Polifónica de Ribadeo, seguida de procesión y despois concerto da Banda Municipal de Música de Ribadeo. Ás 22:30 horas comezará a festa verbena, que estará amenizada polas orquestras D´Moda e Venezia.
E o 9 de setembro das cinco ás sete da tarde no Cantón haberá actividades dirixidas polo persoal do Centro Deportivo Ribadeo Be One. E ás 22:30 horas empezará a festa verbena coas orquestras Nueva Fuerza e Alma Latina.
E, esta noite, os fogos do sete, ós que asistirá unha delegación de Loctudy, o pobo francés irmán (polo momento, máis por decreto que por outra cousa) de Ribadeo.