Aló polo 1997, Eduardo Ramil publicou un documento que coido que hoxe está esquecido e que a máis dun lle pode resultar agradable ter e ver ou consultar para visitar algún dos 27 castros do concello (por certo, un grande descoñecido entre nós, que animo a visitar e desfrutar). O seu título, "Xacementos castrexos no Concello de Vilalba (Lugo). Análise dos emprazamentos" da unha idea abondo boa do contido.
Deixo un resume dun dos castros, o de Samarugo, parte da informacion tratada no artigo:
- Castro de Samarugo (3).
Situación.
Lugar: Castro.
Parroquia: Samarugo.
Coordenadas U.T.M.: X: 613.380. Y: 4.803.300.
Cartografía: (Esc.: 1:10.000), 23-4-4 (Fig.: 7).
Emprazamento.
Características: Castro de ladeira, situado no termo dunha penechaira e comezo dunha ladeira pronunciada.
Altitude: 547m. Penden- te FAO: 2/3.
Fisiografía do relevo: Remate da chaira e comezo do chanzo que da lugar á “costa”.
Xeoloxía.
Substrato: Serie de Vilalba.
Afloramentos: Xisto no entorno inmediato.
Solo: Solos Podsolizados e Podsol.
Vexetación.
Do xacemento: Prados, matogueiras e carballos.
Do entorno: prados e terras de labor.
Capacidade produtiva: Terras non aptas, pero mellorables.
Descrición. F
orma do recinto principal: De tendencia circular.
Sistema defensivo: Consta dun parapeto de 8 a 10 metros de anchura por 4 de altura, un parapeto no extremo noroeste, e un foxo no norte.
Dimensións: 120 metros N-S, e 140 W-E; croa de 4.580 m2 e superficie total de 10.590m2 (Fig.: 8).
Achados. Non se coñece achado algún.
Distancia a outros castros (km). Vilamaior, 1,2; Corvelle, 4,1; A Pereira, 3,7.
Ningún comentario:
Publicar un comentario