Hoxe, as 15:59 UTC (é dicir, ás cinco menos 1 minuto de horario legal peninsular en España) prodúcese o paso astronómico do outono ó inverno, o solsticio de inverno. Algo natural e insoslaiable. Un feito non que non intervimos nós. Pero as efemérides son sobre todo feitos nos que si intervimos. E hoxe, todo o día, celébrase a aprobación en refrendo do Estatuto de Autonomía de Galicia de 1981 hai 40 anos. Por certo, é curiosa a 'nosa intervención' (si, daquela xa podía votar). Dise de 1981 porque parece que o pobo só contaba -ou lle deixaban e deixan contar- nunha parte do proceso, e foi en 1981 cando foi asinado polo rei agora autoexilado, e polo tanto, cando conta a data.
Non son as únicas efemérides de hoxe. A máis de celbrarse Santa Aldara en Celanova e a festa do capón en Vilalba, se consultas a Galipedia podes ver, entre outras, que tal dfía coma hoxe:
- 69 - en Roma, o Senado nomea emperador a Vespasiano, tras a derrota de Vitelio o día anterior.
- 1121 - Dona Urraca entrega a Xelmírez as Torres de Oeste, que gardan o fondo da ría de Arousa.
- 1471 - Os portugueses descobren a illa de San Tomé.
- 1898 - Marie e Pierre Curie descobren o radio.
- 1937 - Estréase Snow White and the Seven Dwarfs, o primeiro filme de animación producido por Walt Disney Pictures.
- 1940 - Sae á venda o primeiro número do Capitán América, personaxe de cómic creado en setembro de 1940 por Joe Simon, Jack Kirby e Martin Goodman para a revista Timely.
- 1980 - Referéndase o Estatuto de autonomía de Galicia de 1981, no que se define como Nacionalidade Histórica.
- 1998 - A Compañía de RTVG lanza o canal mosaico, unha iniciativa pioneira tendente a potenciar os webs galegos.
- 1999 - Lanzamento do satélite científico ACRIMSAT.
Ningún comentario:
Publicar un comentario