En Ribadeo levamos xa mítins de dous dos tres 'grandes partidos' a nivel local. A finais da semana pasada foi o BNG, e onte, o PP. Ambos no cine teatro. Pregúntome se por ser máis central que o auditorio (ó que algunha xente maior di que lle custa baixar) ou por ser máis pequeno e recollido. Quédome con esto último: en ámbolosdous casos, unhas 170 persoas (algunha, repe) non daban enchido totalmente o local. Supoñendo que o PSOE teña tamén o seu acto, e cunha representación semellante (o que non é seguro nestes tempos), chegaría o total de xente que asistiu ós mítins esta volta en Ribadeo a unhas 500 persoas, menos do 10% do electorado. Despois de que a confrontación televisiva dos dous líderes maioritarios fora a menos seguida en moito tempo, facendo gala a xente de non tela visto, e que o enfrontamento tamén televisivo a cinco (con dous secundarios para os grandes e máis ou menos primarios para IU, CiU e PNV) fora aínda abondo menos contemplado, é previsible que estas eleccións sexan as menos concorridas porcentualmente de toda a democracia española. Algo que ó tempo, favorece ó PP (unha volta ganada a pulso polo PSOE a inhibición do seu electorado) e incrementa a cantidade de xente que non cree no sistema e pide unha renovación sistémica, non só da cabeza visible. Parecerálle raro a alguén, despois de ver como os intereses económicos cambian cúpulas de goberno sen mediar eleccións? (algo que parece unha moda dos tempos)
![](https://blogger.googleusercontent.com/img/b/R29vZ2xl/AVvXsEj_MtMiaKnWLIqBjhz1_wA8L3nrTqIxd_aQrMW91n08rd7P2HdutJU2QxYI_XzhyphenhyphenPkjkmoz2bmY-JuVFlvD4uVKSZtwi9iDg6qRi-teczmRZkid43uvOjzHSFFDVU6Dzg4kk9_RUQ/s640/nave+no+pol%25C3%25ADgono.jpg) |
A primeira nave construída no polígono de Ribadeo |
![](https://blogger.googleusercontent.com/img/b/R29vZ2xl/AVvXsEgCJt9t_qzI8VEzEheceVLWE9n5ammjln_8u4JP4_KjgzgNlflbq0dWo2_r0VVHt_oIaExSr5Ld7K1v4bHten5MhA4wApq0Vc7sBmOLpZ2xVmN465tBLPlqDg8nvwdC8zGIglclYg/s640/naves+no+pol%25C3%25ADgono.jpg) |
Dúas naves en construcción no polígono, esta semana. |
![](https://blogger.googleusercontent.com/img/b/R29vZ2xl/AVvXsEgLfCIrJsXfzvshuMjfuSau5KeWHjHVVj4aKXDS6NyC9N10FdQS56BUHVnyErntn58dHslTkB-xo0kr6-z4wQMMygV4ofEuJgJ1MZHMjpDB9dFT0CGHNdJmZTOLO_90puWbSKPxhw/s640/posta+Sol+comado.jpg) |
Posta de Sol por tras do chao do Comado (vista dende Piñeira) |
Ningún comentario:
Publicar un comentario