Unha nota de prensa sobre o ARI de Rinlo

Xa que hai días nos que a web do concello non se actualiza coas novas propias do concello (como sinalei por exemplo, no comentario ó post anterior), deixo unha nova nota para darlle difusión; non sei como a tomarán algúns colectivos, como 'Rinlo bai'.
VIVENDA APROBOU DEFINITIVAMENTE A DECLARACIÓN DA ÁREA DE REHABILITACIÓN INTEGRAL PARA O NÚCLEO URBANO DE RINLO. FERNANDO SUÁREZ DI QUE É UNHA BOA NOTICIA E QUE SE DA CUMPRIMENTO A UN COMPROMISO DA CONSELLERÍA CON RIBADEO.
Ribadeo, 17 de marzo de 2009. O alcalde de Ribadeo, Fernando Suárez, tilda de “boa noticia para o núcleo urbano de Rinlo que por parte da Consellería de Vivenda e Solo, por parte da conselleira en funcións, Teresa Tábosa, se nos comunicou por escrito que foi aprobada definitivamente a declaración da Área de Rehabilitación Integral para Rinlo”. O rexedor lembra que “esta ARI se aprobou inicialmente aquí no Concello e despois por parte de Vivenda se nos requeriu para fósemos quizáis máis ambiciosos non só en pedir axudas para a rehabilitación privada senón tamén para espazos públicos, xa desde o primeiro momento”.
Suárez Barcia sinala que “agora declara esta ARI para Rinlo e indica que cabe suscribir o correspondente convenio na comisión bilateral de seguimento na que vai a participar o Concello e na que tamén están a Xunta e o goberno central a través do Ministerio de Vivenda”. O alcalde de Ribadeo engade que “esto xa é un papel que queda destinado para que o novo goberno autonómico da Xunta teña que asinar o primeiro convenio da comisión bilateral cando se produza, creo que na época estival”.
Fernando Suárez suliña que “o que era o compromiso desta Consellería de Vivenda e Solo cumpríuse e eu lle agradezo a Teresa Táboas, a conselleira en funcións, que se acordara de pechar este expediente para que o novo goberno que entre xa o poida xestionar con toda garantía”.

Dous casos

Quédome a pensar sobre dous casos diferentes de convocatorias feitas en Ribadeo: a de subvencións do ARI (convocatoria de Ribadeo e Rinlo) e a de alegacións ó Plan Especial das catedrais.
O motivo é sinxelo: A do ARI remata a fin de mes e mereceu unha lembranza, a dúas semanas do final, para que se aproveitara. O prazo total durará algo máis de 30 días (comezou a finais de decembro), abondo curto para presentar documentos elaborados que hai que encargar, para beneficio, principalmente, propio.
A do PEC, se non fixen mal as contas, remata hoxe, e non foi avisada no seu remate. Os documentos a presentar teñen que basarse nun documento previo de máis de 300 páxinas, o propio Plan, e o prazo foi de dous meses. Neste caso, o documento pódese encargar, pero a base está no que poda facer a propia persoa alegante, para beneficio prinicipalmente, xeral.
No caso ARI, a nota do concello di claramente que non se presentou polo momento ningunha proposta. No caso Catedrais non se ten idea de como vai a cousa.

Notas de prensa do concello

Como non costa moito cargalas, e por fin mas envían, aí van varias notas de prensa do concello:
HOXE COMENZAN OS TRABALLOS DE PINTADO DOS PASOS DE PEÓNS EN RIBADEO.
Ribadeo, 14 de xullo de 2008. Hoxe comenzan os traballos de pintado dos pasos de peóns en Ribadeo, segundo ven de anunciar o alcalde, Fernando Suárez. O rexedor considera que "hai meses que dan síntomas de que precisaban dunha man de pintura e agora se retrasaron un pouco eses traballos por cuestións metereolóxicas". Suárez Barcia explica que "este ano non se ordenou como noutras ocasións pintar con pistola a modo de darlle só unha capa finiña de poucas micras que logo o que ocorre co tránsito de coches de un ou de dous meses é que se acaba levantando esta partícula tan finiña. Este ano optamos por levar adiante unha solución técnica máis ambiciosa e máis cara que é pintando mediante paleta é dicir extendendo a pintura cunha paleta o que permite que a capa sexa máis grosa e dure máis tempo. En definitiva o que é máis caro ao principio á larda resulta máis barato e máis seguro para que non acabe despintando co paso do tempo".
Os traballos de pintado dos pasos de peóns realízanse en coordinación coa policía local.
Zona azul gratuita
O mércores cando remate o mercado semanal "actuaremos en Doutor Moreda para proceder ao pintado da zona azul gratuita que implantaremos en breve. Un sistema que aprobamos en pleno hai pouco e que xa estivo a exposición pública sen que finalmente se presentaran alegacións, polo que xa está vixente. Só falla pintar a sinalización horizontal e colocar as sinais verticais. Esta ORA será un bó acicate para o dinamismo desta ampla zona comercial de Ribadeo que forman a rúa Doutor Moreda e as inmediacións da Praza de Abastos. Así se poderá dinamizar o aparcamento de coches e as 70 prazas existentes darán máis xogo despois de estaren rotando cada fracción de tempo", explica o alcalde.
Fernando Suárez cre que "en poucos días Ribadeo estará formalmente pintado nas zonas estratéxicas e máis importantes da vila".
--
O CONCELLO ESTABLECE ALGUNHAS NORMAS PARA O DISFRUTE DO PARQUE DE SAN FRANCISCO.
Ribadeo, 14 de xullo de 2008. O Concello de Ribadeo ven de colocar carteis no parque de San Francisco con varias advertencias. Na parte máis próxima ao Concello está prohibido xogar á pelota e circular en bicicleta ou patinete porque se trata dunha zona pensada para o descanso e o lecer dos maiores de Ribadeo.
E na parte do parque que está preto da Igrexa prohíbese a entrada de cans, pídese respeto para o medio ambiente e que se empreguen as papeleiras para despositar o lixo que xeneran os nenos e os pais que os acompañan a disfrutar desa zona de xogos infantís. Ahí sí están permitidos bicicletas, patinetes, balóns…….
--
O PLENO DO CONCELLO APROBOU A PETICIÓN DE ZONA ARI PARA RINLO E A ADHESIÓN AO PROXECTO DUN NÚCLEO DE SOSTIBILIDADE EN RIBADEO.
Ribadeo, 15 de xullo de 2008. O pleno que onte celebrou a Corporación Municipal de Ribadeo aprobou o expedente de petición de área de rehabilitación integral para Rinlo. O alcalde, Fernando Suárez, di que "agora iniciamos un proceso que agardamos que a Xunta dentro de pouco tempo declare formalmente a Rinlo coma zona ARI e que poida ter acceso a axudas importantes por parte do Ministerio e da Consellería de Vivenda".
Na sesión plenaria analizóuse o convenio asinado entre o Ministerio de Fomento e o Concello para a financiación do proxecto de obras de mellora dos tramos urbanos da rede de estradas do estado no termo municipal de Ribadeo e a transferencia de titularidade dos mesmos. Conta Fernando Suárez que "a Demarcación de Estradas de Galicia lle cede ao Concello eses tramos e unha partida de máis dun millón de euros que teremos que investir entre os anos 2009 e 2010".
A Corporación aprobou por unanimidade a adhesión ao proxecto de implantación dun núcleo de sostibilidade en Ribadeo "que era o que requería a orde. Agora instamos á Xunta, á Consellería de Medio Ambiente, para que nos otorgue estas axudas de municipio sostible para o cal se fixo un proxecto bastante ambicioso que plantexa a colocación de paneis solares na piscina municipal de Ribadeo, así coma outras actividades de educación ambiental sobre todo para os máis pequenos. Agardamos que Ribadeo poida ser un dos cinco concellos que aspiran a ser núcleo de sostibilidade", explica o rexedor ribadense.
--
FERNANDO SUÁREZ TILDA DE POLÉMICA E INOPORTUNA POR OPORTUNISTA A PREGUNTA QUE ONTE LLE PLANTEXOU NO PLENO A UPRI SOBRE AS POLÉMICAS CUMBREIRAS DE RIBADEO.
Ribadeo, 15 de xullo de 2008. O alcalde de Ribadeo, Fernando Suárez, tilda de polémica e "inoportuna por oportunista a pregunta que me plantexou o voceiro da UPRI o Sr.Rivas sobre cando se ían dar as licencias de primeira ocupación a eses edificios que teñen as cubertas mal feitas". O rexedor lembra que "todos os grupos, a través dunha folla de ruta que plantexamos de xeito unánime, quedamos en que unha vez que se peche o período voluntario de pago de todos eses expedientes procederáse a dar licencia de primeira ocupación. E poñíase no seu momento coma referencia mediados do mes pasado pero sempre, e así consta na acta realizada polo secretario, despois de pechado o período voluntario de pago".
Fernando Suárez asegura que se produciu un desencontro co voceiro da UPRI no pleno de onte "porque e dígoo ben alto e ben claro e sen ningún de rubor parece que está máis defendendo os intereses dalgúns promotores que os intereses dos veciños de Ribadeo ou sobre todo os asuntos de interés xeral. Nós como grupo de goberno non nos imos aparcar do consenso que entre todos buscamos e agora ben o que non aceptamos son oportunistas nin defensores de intereses oscuros como é o que está a facer o voceiro da UPRI en casi todas as súas actuacións. Só se preocupa de intentar resolver ou sacar das castañas do lume a aqueles promotores que teñen cuestións pendentes co Concello, e non o digo eu senón que o dicen os técnicos municipais, dino os informes técnicos do arquitecto, os informes técnicos do secretario, os informes técnicos dos instructores destes expedientes...".
O rexedor engade que "eu creo que as cousas se poden facer ben e con consenso e que se cheguen a rematar nun prazo razoable que é o que pretende este goberno e o resto dos grupos da Corporación tamén perseguen o mesmo. Por nós non imos faltar a esa palabra, pero agora xa estamos un pouco fartos de oportunistas que se adican a defender intereses oscuros e espúreos, pero él saberá e deberá darlle contas á cidada"
--
O ALCALDE ORDEA CORTAR UN CAMIÑO DE TITULARIDADE MUNICIPAL QUE ESTABA A SER EMPREGADO POLOS CAMIÓNS QUE TRABALLAN NAS OBRAS DA AUTOVÍA A-8.
Ribadeo, 15 de xullo de 2008. O alcalde de Ribadeo, Fernando Suárez, ordeou nas últimas horas cortar un camiño de titularidade municipal próximo á cooperativa dos Irmandiños que estaba a ser empregado por camións de grande tonelaxe que traballan nas obras da Autovía do Cantábrico, no treito entre Reinante e Ribadeo. O rexedor asegura que a Policía Local advertíulle desta posibilidade á empresa OHC e aos camioneiros que transitaban pola zona "dixémoslles que cortaríamos o camiño ata que depositasen a fianza correspondente que establecerá o arquitecto municipal. Unha medida que non ten un afán recadatorio. O único que queremos é que se respeten as vías públicas porque despois todo son boas palabras e un día marchan e os que quedan co paquete das estradas en mal estado somos os veciños e o alcalde". Fernando Suárez engade que "diante do incumprimento desa indicación verbal din a orde de cortar ese camiño prohibindo o acceso a eses camións baixo a miña responsabilidade e si queren levarnos ao xulgado poden facelo. Por parte do Concello non se autorizará o paso de camións de grande tonelaxe nin desta obra nin doutras que poida haber ,que nos estropean os camiños municipais, sin que teñan depositada unha fianza que poida responder dos danos que poidan ocasionar neses viais públicos. Que non hai desperfectos a fianza devólvese e aquí paz e despois gloria, pero entretanto esto non é nin Mozambique nin Tanzania nin un país tercermundista. Esto é Ribadeo e aquí as cousas están regladas".
O alcalde de Ribadeo lembra que o vial en cuestión "xa foi fonte de polémica hai uns meses por parte da empresa FCC que fixo o tramo de autovía en Ribadeo e que estropeou ese camiño e outros moitos que logo deixou a medio reparar, algo que a día de hoxe temos prácticamente impugnado. Houbo un acordo entre os diferentes grupos para pedirlle á Demarcación de Estradas que se faga cargo desta reparación ou que lle ordee a FCC a que a realice. E agora con todo esto coleando e sen resolver voltamos a sofrir unha situación similar".
--

Nove puntos e tres mocións: pleno

20170323, xoves, 20.30 da noite, salón de plenos, 17 concelleiros, o persoal técnico do concello, 22 persoas de público e dous reporteiros. Pleno. Entre o público, dúas monxas (da congregación que leva o hospital asilo), un técnico do concello, tres persoas relacionadas co accidente do Alvia, tres persoas do PSOE, algún casual e o resto, apoyando para a moción a favor de paralizar a licenza de obras do faro.
  O primeiro punto, a aprobación de acta do pleno de 24 de xaneiro, aprobado sen discusión, e o segundo punto, a toma de posesión de Cristina Losas como concelleira, pasaron nun santiamén.
  O terceiro punto e o cuarto estaban relacionados co hospital asilo de San Sebastián e San Lázaro. Un, en relación ó regulamento do seu funcionamento e outro, en canto ós prezos. Fíxose lembranza de que para a aprobación definitiva fai falta unha aprobación inicial, un período de exposición dun mes, e, se non hai alegacións, queda aprobado, e, se as hai, hai que volver a votar se se modifica ou non para que a aprobación sexa definitiva.
  En canto ó horario, a redución de visitas, de 7 a 3 horas, sen visitas pola mañá, foi discutida, quedando a votación 15 si - 0 abstencións - 2 non. Dada a composición do pleno, 10 BNG, 4 PP, 2 PSOE e 1 C's, é doado seguir o que votou cada grupo ó ver o resultado das votacións.

  En canto ós prezos, houbo unha discusión abondo máis longa, no que saíron a relocer en repetidas ocasións tanto os datos aportados pola congregación que leva o asilo como o informe do técnico municipal, aireándose por toda a oposición que nos gastos aportados figuraran billetes de avión, exercicios espirituais ou 'comunidade' (24 000 €). Por parte do equipo de goberno defendeuse que é unha actualización, non unha suba dos prezos, despois de estar sen actulizar varios anos, tentando facer a residencia sostible sen que o acceso tamén o deixe de ser (sempre menos dun 90% de pensión, aínda que se poda recurrir a reclamar propiedades dos asilados ou á familia para aportacións, coa norma de que os fillos teñen a obriga de coidar dos pais), que é e seguirá a ser a máis barata da zona e que mesmo ten máis puntuación para entrar o ter menos ingresos. A reclamación para un exame con máis calma foi así mesmo negada por vía de dicir que xa se adiantara a comisión, cun aviso que distou máis dunha semana do pleno. Foi citado ademáis que un requerimento da Xunta hai uns tres anos en relación ás deficiencias que presenta foi contestada polo concello cun 'se quere, péchea, e dispoña dos 45 asistidos', con inhibición posterior da Xunta. Asemade, foi lembrado o cambio de regulamento no ano 2009.
A votación quedou 10 - 0 - 7
  O punto 5, dación de contas, pasouse sen intervencións.
  O 6, o convenio do ARI, saldouse cunha pequena explicación de que se trataba da bonificación de licenzas de obra adscritas ó ARI. Votación: 15 - 2 - 0
  O punto 7, convenio de dinamización comercial 2017-2019 con ACISA, no que o concello aporta 14 000 € cada un dos 3 anos, saldouse con intervencións de PSOE e PP agradecendo os servizos a ACISA e pedindo que os pagos a ACISA e outras asociacións se fagan con premura. Resultado: 15 - 2 - 0
  Punto 8: Supresión da taxa de biblioteca municipal. Por harmonización e entrada nun sistema galego de bibliotecas, pediuse a supresión da taxa (4,02 €/ano), o que foi aprobado por unanimidade.
  O punto 9, control de órganos da corporación pasouse sen intervencións, entrando no apartado adicado a mocións.
  A primeira moción vista, presentada polo BNG, foi de apoio ás reclamacións dos afectados polo accidente do Alvia 730, nº 04155 en Angrois, Santiago, lendo ademáis un texto presentado polos tres asistentes relacionados co accidente (no que se fixo un repaso de diversas cousas e se promocionou a vista do documental 'Frankestein 04155'), que pasaron toda a moción en pé. 17 - 0 - 0
  A segunda, presentada polo PP, foi a petición á Xunta de inicio de trámites para a declaración das Cruces como 'festa de interese turístico "rexional"'. Ana Mª Martínez, representando o goberno municipal, deu un repaso ás características que debe ter unha festa para ser cualificada de interese turístico, sinalando que non existían as festas de interese turístico rexional, senón de interese turístico galego, e que o goberno levaba tempo reunindo datos e facendo intervir ós veciños para un informe como é debido previo á instrucción do expediente. Rematou dicindo que había acordo no fondo, non na forma. Non se aprobou: 4 - 3 - 10
  A terceira, a petición dunha pasarela para o C.P. Gregorio Sanz, presentada polo PSOE, foi aprobada con unanimidade.
  Neste punto, ás 10 menos 10, foi presentada polo PSOE a petición de urxencia para unha moción que non entrou no pleno sobre as obras na illa Pancha. O PSOE presentou a urxencia dun xeito curto, como debido ó avanzado do proceso e baseándose no informe do Defensor del Pueblo. Foi respondido polo alcalde, apuntando que 'di unha serie de cousas que nos preocupan moito', repetindo (unha vez máis, en contradición outras veces no que expresou unha idea contraditoria con esta) que se cumpre, ten que dala, pois se non, é prevaricación. Argumentou que se referiu a diversas institucións e entidades hai un mes e que polo momento non ten resposta de ningunha, que non escapa ó debate pero que cando foi presentada a moción non lle viron obxecto o presentala, que di unha serie de cousas que non se manteñen xurídicamente... básicamente, respostou que parar as obras ten que dicilo o xuíz. Apostillou que o concello non se adica a revisar os informes de outros e que acuda (o Defensor) directamente á xustiza [algo que entendo que non pode facer]. A resposta de Aurora González, do PSOE, que recalcou que o alcalde recoñecía que lles preocupaba, logo algo hai, foi respondida cun lacónico, breve e pouco audible 'si, si, si'. 2 - 15 - 0, a moción non pasou, e nese momento, a excepción de seis persoas, saíu todo o público do salón.

Pleno descafeinado

Asumo o título que pon na súa entrada a Cope ribadense para esta terceira entrada na que trato do pleno do luns próximo. A primeira entrada sobre o pleno comentaba unha nota de prensa do concello, a segunda incidía nalgún comentario máis xunto con outros alleos ó tema, e nesta recollo o meu desconcerto cando vexo que a xuntanza parcial de onte (da comisión informativa) remata retirando do pleno un par de puntos: a moción sobre a liña de alta tensión e a nova ordenanza acústica. O primeiro non sei moi ben o por que. O segundo, porque os políticos da oposición "necesitan máis tempo". Hai que ter en conta que só tiveron dous anos e medio, mentres que a normativa vixente hoxe ('provisional', dixeron daquela) foi tramitada nuns días por sorpresa.
En canto ós outros puntos, a ratificación do ARI para Rinlo, pode ser boa idea botar unha ollada a Rinlo bai, sobre RRI do Hospital Asilo, neste blog mesmo ou no de O Tesón, sobre Plan Sectorial, diversas notas (entre outras, 1, 2, 3, 4, ...), para as taxas, O Cargadoiro ou a nota neste blog, e, para os outros puntos ... reclamar máis información ó concello.
Hoxe tamén apareceu a nova de que os comerciantes do mercado farán folga indefinida. Por se facía falta máis, esto parece que non irá a pleno.
Despois de todo, pode que veña ben tamén para rematar a letura pegarlle unha ollada ó último post do Cargadoiro...

Pequena crónica dun minipleno

O salón de plenos, onte, baleiro de bancos no centro (disposición provisional)

Este artigo ten dúas contribucións. Unha, a continuación, a miña propia, e outra, embaixo, de José Mª Rodríguez.

--

    Onte (21060128) tivo lugar o pleno ordinario convocado con só dous puntos na orde do día (catro se lle sumamos a aprobación de actas anteriores e Rogos e preguntas), se ben se completou con mocións, e se introduxeron máis puntos no mesmos pleno. De calquera xeito, ás 10 menos dez só quedaba a quenda de rogos e preguntas, que non sei como se desenvolveu, despois dun pleno no que a maioría absoluta do BNG se viu sempre acompañada.
    Comezou como estaba previsto cousa das oito e media a falta de Roberto Ramos (PSOE), que se incorporou máis tarde, como anunciou o alcalde antes de comezar. [por certo, se alguén se perde cos nomes do representantes, aquí ten as listas] O público variou entre catro ó comezo a sete no momento de maior asistencia, para logo voltar a diminuír.
    Antes de comezar, tamén se gardou un minuto de silencio para lembrar asasinatos: os dous asasinatos de mulleres o día anterior e o mesmo día deron lugar a que o alcalde o pedira e fora secundado unánimemente.
    Había que aprobar tres actas, a do pleno ordinario do 12 de novembro e dos extraordinarios de 21 de novembro de 3 de decembro. Suso Penabad (PP) puxo inconvinte á aprobación da primeira, por ser reflectida na acta un improperio que dixo el e non, polo que dixo, o correspondente do alcalde. Tras un pequeno alegato, a votación foi conxunta das tres actas, votando a favor o BNG: a favor, 10, abst. 0, en contra 6.
    O punto sobre o ARI, unha pequena corrección, tivo unanimidade a favor sen discusión.
    O terceiro punto, o plan de subvencións, xa acordado previamente, tamén suscitou a unanimidade.
    A continuación houbo unha pregunta do alcalde para incluír na orde do día un punto como urxente, o que se deixou para despois das mocións.
    E comezaron as mocións. As dúas primeiras, sobre a residencia.
    O PP, a traverso do seu portavoz, deu lectura á moción, intercalando comentarios, e aludindo ó alcalde (e enténdese que ó goberno municipal e resto dos grupos que o apoian) con 'non hai máis xordo que quen non quere oir'). O básico da moción? Que o concello se faga cargo da xestión e que se remitan os informes pedidos pola Xunta. Para quen non esta ben ó tanto, coido que é desexable o pasar a ver algo da historia da residencia de anciáns para entender mellor a situación, incluíndo a resposta dada aínda hai poucos días pola comisión da residencia ó conselleiro, publicada na web do concello e remitida ós medios, publicada neste blog... e que o portavoz do PP dixo que non lle fora subministrada.
    Na resposta, Marta Saiz (C's) só aludiu a que xa estaba todo dito, David Fernández (PSOE) a que non tiña moito sentido discutir, aludindo a diferenza entre xestión e construción, e o alcalde aludiu á frivolidade da moción, facendo comentario sobre a dispoisicón pública da carta, feita por unha comisión que o PP abandoou voluntariamente. Tivo unha deferencia con Manuel Valín, anterior portavoz do PP no mandato pasado, e presente na sá, que apoiou a residencia contra o aparato do partido. E logo encarous que o que se quere é xestionar a residencia, pero con financiaciamento, como manda a lei. Suso contestou qque tiña dous informes xurídicos 'independentes' dicindo que a petición da Xunta era legal e que recibira unha chamada de Folgoso do Caurel a conta dunha petición semellante por parte esta vez, da Deputación. A contraresposta do alcalde incluiu que o permiso de construción veu da Xunta, despois de enviar algún papel dos que piden, e que mesmo a consecuencia do envío tivera lugar un expediente a unha funcionaria da Xunta, que logo se deixara caducar, que non deixa en bo lugar o xeito de facer as cousas por parte dos mandos xunteiros.
    Neste punto, produciuse un chamamento á orde de Juan Estévez (PP) por murmurios na intervención do alcalde, e pasouse a unha votación cantada: a favor, 4, abstencións 0, en contra, 12
    A segunda moción, presentada polo BNG, era en realidade conxunta dos 13 conselleiros non-PP. Tivo lugar unha siguación graciosa ó dicir o alcalde que a podía ler outro representante, trabucándose e dicindo en primeiro lugar a Suso, e logo, insisitndo e sendo desbotada a opor tunidade por Suso López cun 'non me toca'. A votación, 12-0-4
    A moción terceira, do PSOE, sobre a devolución de competencias ós concellos, foi aludida por Suso López con que ods servizos podería facerse cargo mellor a Xunta, o 'papá grande' [entendo que en contradición co mantido nas mocións anteriores]. Foi defendida máis por Fernando Suárez que por David Fernández, no sendio que había unha circular pedindo o incumprimento, creando un desbaraxuste na prestación de servizos e impulsando ós concellos a situacións incomprensibles. A votación, 13-0-4
    A moción para a erradicación do carrizo da Pampa pasou sen discusión.

Carrizo da Pampa (cortadeira) no centro urbano

    Nese momento introdúxose a urxencia unha proposta do BNG para a realización dun proxecto museístico que achegue os restos de ría, castros, catedrais, etc, para a súa exposición en Ribadeo [Viume á cabeza o cachalote recuperado no entonces Centro de Fromación Profesional a comezos dos 1990, cedido ó concello antes de abrirse o Forte de San Damián e do que nunca se voltou saber]. Roberto Ramos (PSOE) indicou que debiá facerse un estudo de custes, e Fernando Suárez respondeu que era un comezo, aberto, (e que por iso se enviara a propsota pola mañá e non fora unha 'sorpresa' no pleno). A urxencia quedou aprobada: 15-0-2
    Farruco Graña defendeu a proposta,citando o forte de San Damián como un terreo que xa é propiedade do concello e onde se podería comezar o proxecto, aínda que poderían tenrse en conta outros [engado, como a illa Pancha, a Aduana vella ou o o edificio de Alginatos, algún deles citado por outros representantes] en troques de levar os restos a Bueu, Vigo ou Vilalba. Na discusión, Rosina Tosar indicou que había algunha xente molesta na beira asturiana da ría porque os restos achados últimamente, que dan lugar a esta proposta con carácter de urxente para aproveitar o tirón, din que en parte son asturianos. Houbo unha pequena intervención do alcalde para lembrar os canóns atopados na ría e levados para Asturias, e que o espazo musístico sería complementario con outras exposicións que se poideran facer na parte asturiana. Votación: 15-0-2
    O PP tentou d enovo (por terceira vez) meter en pleno con carácter de urxencia a moción sobre un campo con céspede artificial, o que foi rexeitado: 4-0-13
    E ata aquí o que vin do pleno...

--

"
AS MOCIÓNS DO PLENO MUNICIPAL
. O Pleno Municipal é o marco de funcionamento do Concello. Un foro destinado a opinar, discutir e acordar as mellores solucións prós problemas xerados pola convivencia veciñal. Polo tanto, nos seus acordos e decisións imponse o interese xeral dos veciños, que ha de estar por encima dos intereses e das ideoloxías dos concelleiros e dos seus partidos. Salux populi, suprema lex. A lei suprema é a salvación do pobo.
Onte, xoves 28 de xaneiro, Pleno en Ribadeo. Un Pleno, templo da palabra e da verdade, convertido polo PP en escenario dos seus intereses persoais. Os concelleiros do PP presentan unha moción, con dous contidos: primeiro, que a residencia sexa pública. E nisto, aínda que semelle unha aspiración estraña nun partido liberal, como é o PP, non fan máis que sumarse ás vellas pretensións dos demais partidos e dos mesmos veciños manifestadas en innumerables ocasións desde o comezo desta andaina. E o segundo que pide, é que o Concello, se quere diñeiro prás obras da residencia, se poña de xeonllos e acepte as irracionais e ilóxicas condicións impostas pola Xunta. En fin, o de sempre: os concelleiros do PP local defenden os intereses políticos do seu partido, fronte ás necesidades veciñais. Primeiro o partido, os veciños despois. E todo, ad captandum vulgus. Pra conquistar ós veciños, como si estes fosen parvos.
A esta moción do PP local responden os demais grupos, BNG, PSOE e C´s, cunha contra-moción na que se lle dá resposta axeitada: a forma de xestión da residencia (a quen compete, modalidade, ou seu funcionamento, dotación de persoal de ser o caso, etc.) terá que ser definida no seu día por acordo do Pleno Municipal, unha vez oído o criterio dunha comisión municipal e do persoal técnico designado pra iso. En todo caso, é intención do goberno local e dos partidos que o apoian que a xestión sexa pública, a prezos asumibles e con preferencia prós veciños do Concello de Ribadeo. Iso si, sempre de acordo coa lexislación vixente nese momento. Quedoulles claro agora, Sres. do PP? Pois, parece que non.
Ó segundo punto que pide o PP na súa moción responde a contra-moción presentada polos outros tres grupos: A Xunta fixo e fai todo o posible pra entorpecer a residencia. Primeiro, retardando a autorización pró inicio dás obras, esixindo rectificacións no proxecto e no informe de viabilidade e, finalmente, dilatando no tempo, con escusas, a achega do diñeiro prometido ó esixir a presentación de certos documentos que, segundo os técnicos municipais, non procede aportar neste momento procesual.
Unha contra-moción, pois, na que, primeiro, o BNG, PSOE e C`s reproban a actitude da Xunta, tanto na lentitude da autorización da construción da residencia como no da dotación prometida que nunca chega. E, segundo, esíxese do Conselleiro de Política Social que dea as instrucións oportunas para facer entrega do diñeiro prometido se realmente quere participar no financiamento do centro de atención as persoas maiores de Ribadeo. E se, como el afirma, é verdade que non o pode facer, que achegue en forma ó Concello o soporte técnico no que fundamenta a súa negativa.
Como foi o desenrolo das intervencións no Pleno? Deixando outros puntos menores alí tratados, cabe subliñar que o portavoz do PP, Sr. Penabad, interveu reafirmándose nas súas proclamas de sempre: O Conselleiro da Xunta ten razón e o Concello de Ribadeo está na inopia. Afirma que el quere mais ca ninguén a residencia prós veciños de Ribadeo. Pro, o mesmo tempo, apoia os atrancos que os seus colegas da Xunta lle están a poñer. Acaba de asasinar a lóxica ou, como se di en latín, unha contraditio in términis.
Ós razoamentos do Sr. Penabad respondeulle o alcalde, Sr. Suárez Barcia, convertido nun novo Lacordaire, cunha enérxica e mesmo brillante intervención, dicíndolle ó Sr. Penabad que non podía afirmar que apoiaba a residencia, e o mesmo tempo aplaudir as actitudes do PP na Xunta. “Non é gratuíto - engadía o alcalde - que despois desta moción veña outra asinada por varias persoas que procedemos de tres grupos políticos diferentes, con finalidades e diferencias políticas absolutamente dispares, pero que estamos da cordo e seguiremos da cordo no que iniciamos fai xa tres anos con outra xente”. “Dunha cousa estamos seguros – engadía o alcalde – que a residencia vaise poñer a andar, claro que si, con vostedes ou sen vostedes, poñendo pedras no camiño, como fixeron desde hai unha temporada”.
A moción do PP foi rexeitada polos 12 votos dos concelleiros do BNG, PSOE e C´s. Só obtivo os 4 votos a favor dos concelleiros do PP.
Pola súa banda, a contra-moción dos outros partidos foi aprobada por 12 votos a favor e 4 en contra.
E, finalmente, e como curiosidade, subliñar que a outra moción posterior presentada polo PSOE, na que se demandaba ó Goberno do Estado que as competencias en Asuntos Sociais lles foran devoltas de novo ós concellos, por ser estes, e non os Entes Autonómicos, os que por estar mais preto dos veciños, teñen mellor coñecemento das súas necesidades e carencias. Foi aprobada por 12 e rexeitada polos 4 do PP.
José Mª Rodríguez
"

DESPRECIO A LOS VECINOS EN LOS PLENOS. José María Rodríguez Díaz (2008)

    José María amosa nos diferentes artigos un subebaixa da opinión que lle merece a actualidade,influenciad só polo pulso do momento sen deixarse levar de preferencias partidarias. Así se mode ver mesmo no interior desta entrada.

Martes, 15 de julio de 2008

DESPRECIO A LOS VECINOS EN LOS PLENOS

• Publicado por jmrd_ribadeo a las 10:27

Eso es lo que fue el pleno municipal celebrado el día 14 de julio en el salón de plenos del concejo de Ribadeo. La presencia de sólo seis personas asistentes al mismo habla bien a las claras del interés que en el pueblo despiertan estas aburridas sesiones, diseñadas para que el público no se entere de lo que allí se cocina.

El menosprecio de que el pueblo es objeto explica el tradicional desinterés que el pueblo siente por estos actos en los que se tratan los asuntos públicos. Porque menosprecio hacia el pueblo es no ofrecerle al público una mínima explicación de los puntos que se someten a aprobación. Y así fue como en este mismo pleno se aprobaron puntos cuyo contenido y significado el público no tuvo oportunidad de conocer.

Y por si esto no fuera bastante, las condiciones auditivas, como tantas veces he comentado, no pueden ser peores. Y si añadimos a esto que muchos de los portavoces que intervienen, salvo raras excepciones, lo hacen o bien con el micrófono apagado o demasiado alejado y que aún hay quien habla en voz baja como si el público no existiera. Todo ello convenientemente utilizado hace que el público no se entere de la misa a medias y acabe desistiendo de acudir a los plenos. Luego se quejan del desinterés del pueblo por la vida política.

Viniendo ya a dar cuenta de lo poco que nos enteramos de su desarrollo cabe destacar lo siguiente: Después de la aprobación rutinaria del acta anterior, el concejal de UPRI, Sr. Rivas, haciendo un alarde de control exhaustivo y trabajo como es en él habitual, fue pidiendo explicaciones sobre ciertos aspectos de las resoluciones dictadas por la alcaldía desde el pleno anterior relativas a gastos diversos.

Se trató en punto siguiente del convenio de transferencia de carreteras de Fomento al Concejo, tema sobre que, también, el Sr. Rivas hizo varias sugerencias y reflexiones. Fue aprobado este punto por unanimidad.

El siguiente punto versó sobre una propuesta de la alcaldía de adhesión a la Carta de Aalborg + 10. Como el lector puede fácilmente adivinar, los allí presentes no nos enteramos de que se trataba en realidad.

La implantación de un núcleo de sostenibilidad en Ribadeo fue el punto siguiente que aprobaron por unanimidad. Se trató seguidamente la petición del Área de Rehabilitación Integral para Rinlo (ARI) que fue probado por todos. Un tema que considero muy importante para garantizar la supervivencia de las esencias de esta preciosa villa marinera.

La moción presentada por UPRI para conseguir el transporte escolar gratuito para la guardería fue rechazada por los grupos del PP y del BNG, y no sin ardua polémica.

Y así se llegó al punto de Ruegos y Preguntas en el que se fueron sucediendo intervenciones de todos los grupos de la oposición. A las muchas preguntas formuladas por el Sr. Rivas fueron contestando los miembros del gobierno siempre en un tono de normalidad hasta que se llegó a la cuestión de la concesión de licencias de ocupación a los edificios de las cumbreras ilegales. Fue aquí cuando los ánimos se encresparon entre el Sr. Rivas y el Sr. Alcalde y brotaron duras palabras de acusación por parte de éste.

Acabada la sesión plenaria se pasó a la lectura y consiguiente respuesta a las preguntas formuladas por la asociación de vecinos O Tesón.

A la primera pregunta sobre ampliación del horario de la Biblioteca Municipal informó el alcalde que el tema quedará resuelto con la aprobación de los presupuestos ampliando el actual horario restringido a jornada normal. A la segunda pregunta sobre la necesidad y la viabilidad del proyectado ascensor de la Atalaya para un concejo como Ribadeo manifestó el alcalde desconocer este extremo. Pero, en su afán de limar esperezas con el anterior alcalde, autor de esta descabellada idea, hoy en la oposición, justificó esta obra el alcalde por las convenientes actuaciones colaterales que se iban a realizar en diversas calles del casco viejo de la villa. Absurda disculpa cuando es evidente que esos arreglos se podrían haber hecho sin acudir a este despropósito que se va a constituir en una gran hipoteca para el concejo a la que tendrán que hacer frente los contribuyentes, mientras Costas se lava las manos.-

José Mª Rodríguez

Outros Artigos de José María.

Pleno no Concello de Ribadeo

14/07/2008, 20:00h Todos os concelleiros presentes.

No punto 2º tratouse da revisión de diversas facturas, habendo preguntas polos 750€ de custe de envío do boletín 'ribadeo Muller', os 6175€ de reproducción de Ribadeo virtual (do que se parou a publicación de vistas virtuais na prensa por queixas da oposición, se mal non lembro, e que foi referido neste blog), ou os 580€ de anuncio en Galicia Dixital, efectuadas (entre outras) por Francisco Rivas, os 1500€ do pago de comidas cando a visita da escola de música de Mirandela, e a próroga do contrato a un administrativo para a explicación do PXOM o mes ampliado, que xerou algo de polémica entre Balbino Pérez e o alcalde ó non ser constituída aínda a Xunta de Portavoces para a súa aprobación.

O punto terceiro foi unha dación de contas relativa á cesión por Fomento dos tramos urbanos da 634 e 642, xunto co millón de € para adecualos a ser pobo efectivo, 370000 o próximo ano e o resto no 2010. Van ser uns 4,6km en total, e incluirán beirarúas, luminarias, mobiliario, o soterramento de colectores de lixo e pasos de peóns, pode que tamén unha pasarela no Voar.

4. Adhesión á carta de Aalborg+10, con unanimidade.

O punto quinto tratou sobre a implantación dun núcleo de sostenibilidade, tamén con unanimidade (necesitábaa), aínda que foi criticado por ser pouco elaborado o proxecto. Despois realizarase a oferta pública de emprego para ter a axencia local correspondente.

o 6 tratou da petición dunha área de rehabilitación integral (ARI) para Rinlo, que logrou unanimidade despois de clarificar un par de puntos.

7. Expediente de licencias de 1ª ocupación. Todas con informe favorable.

8 Moción do PP sobre enerxía eléctrica, para variar a 'tarifa eléctrica social'. O argumento estaba en que no sector agrogandeiro as explotacións teñen en xeral o mesmo contador que a casa, mentras que o límite posto para a tarifa é de 3,3kW e é superado con moito. así, pretendían pedir a variación total do proxecto ou como mínimo a variación do límite de 3,3 a 5,5kW. UPRi e BNG apoyaron, mentras PSOE acusou o tema de carga demagóxica. Neste punto aboandoou o pleno JC Andina.

9.Mocíión de UPRi para poñer transporte gratuíto á guardería (0-3 anos), a traverso da solicitude dunha axuda e/ou a asunción polo concello. PSOE posicionouse a favor e PPe BNG econtra, ambos con argumentos semellantes: non ven acompañado dun estudo, teñen horario flexible, o que implicaría varias rutas sucesivas, esixiría moitos coidadores ó ser algúns esmo bebés, haberíaos que pasarían moito tempo no bus para a idade que teñen, e é preferible poñero énfase en aumentar as prazas, a parte da responsabilidade que entranaría para o concello. A parte, no actual transporte 3-11 anos para os alumnos do pobo do Gregorio Sanz, os pais pagan 22€/mes. UPRi alegou que hai autobuses adaptados, que a única diferencia con outros é que son máis pequenos, que sobre que a demanda non esteña asegurada pódese facer unha enquisa, que xa hai pobos que o teñen e que representaría unha oferta diferencial de Ribadeo. A partir de aí a cousa enturbiousecon acusacións e comparacións, ata chegar á votación, na que foi rexeitada.

10.Rogos e preguntas.

UPRi: Parece ser que houbo calefacción na biblioteca no mes de xuño.

Piden limpeza da praia das Catedrais e rotondas (Fomento).

Piden a regulación do tráfico en Rinlo. Propoñen un sentido único, por exemplo. Iniciuse una controversia, pois estase a esperar o permiso de Rede Natura para facer un aparcamento preto do peirao, que solucionaría o aparcamento no centro de Rinlo e diminuiría apresión do tráfico. Se non se recibe a próxima semana a autorización, trazarase unha alternativa.

Pregunta polos créditos de libre configuración das xornadas de MA: hai palabra oral, posta en dúbida por UPRi, quedando en enterarse. Créditos para o profesorado: queda tamén o concelleiro de MA de enterarse.

Pide o remate das obras en S.Lázaro/Deputación: están mirando as grietas nas casas, facendo un estudo que se remitirá o xacobeo, quen paga as obras.

Denuncia que non foi realizada a convocatoria do pleno para lexitimar as baixocubertas. O importante aquí non é a causa, senón a acusación do alcalde a Rivas de amiguismo cos construtores: "defensor de causas escuras". A cousa saiu dun retraso segundo o acordado (Rivas) desmontado polo alcalde co acordo na man: antes teñen que resolverse os expedientes e pagar as multas resultantes.

Denuncia charcas nos pasos elevados (pasos de peóns con resalte á altura das beirarúas) na R. Pintor Fierros.

Adecuamento de setos na zona de San Miguel.

PSOE: Denuncia que r/Julio Lazúrtegui é receptora da auga de lavar a pza. de S. Roque.

Outra vez a baixada a rocas brancas fastidiada: que algún técico supervise como se fai a obra. (entre luns/martes, TRAGSA reparará)

Petición de supervisión de cargas e descargas na vila para non entorpecer o tráfico.

Denuncian que esteña a obra parada na rúa Vilalba.

Denuncian na praia de os Bloques cans, cagallóns e que estivera o acceso cortado por unha escavadora, a parte de que a baixada principal esteña en moi mal estado, así como que vallas do Parque do Mineral leven algún tempo tiradas.

Pregunta polo gasto a conta do concello no campo de fútbol de A Devesa: +-40% de 100 000€.

Pregunta sobore como é posible o convenio coa USC sobre Augas Santas, con cartos, se non está feito o presuposto: é un contrato menor, que non está informado por intervención.

Colocación de bancos en zonas privadas: no 'eucaliptal de dona Elisa' (fronte ó forte de San Damián). Haberá que rectificar o sitio. Piden bancos tameń para a zona do asilo. A resposta é que se preguntou e se considerou que é unza zona estreita de beirarúa, pero se hai acordo, non hai problema en poñelos.

Aparcamento nos terreos de amigos da gaita (r/Alfredo Deaño) hai un acordo verbal: o convenio está por asinar. PP:Carga/descarga: o problema é únicamente en Alimerka

Denunica obras no verán na praia de Augas Santas. A resposta: comezou xa enmarzo, pero aínda non rematou.

Hai baches na estrada municipal costeira a Rinlo. Seguiu unha longa descrición da loita contra COPASA, a autora neste caso, e FCC, OHL e outras no caso da autovía, no que neste momento está cortado o acceso a un vial ós camiós da obra mentras non se deposite unha fianza.

Piden que baldeen a esquina do teatro, urinario público na fin de semana.

.. e quedan as respostas ás preguntas de O Tesón, fóra do pleno.

Granizada

    Hoxe, coas novas, quizais a cousa cambie, pero onte o que máis deu que falar foi a granizada caída a mediodía, que daba lugar aínda cousa de catro horas despois a esceas como a da foto, e no momento a que algunha xente poidera xogar coa neve, como nas imaxes cedidas por Raúl e Cristian. Despois chegaría a investidura de Obama e a votación do clube náutico. 

    E segue a haber os comentarios do pleno (por certo, aquí o resume de José María), de xeito que cousas que poden ser importantes para o futuro de Ribadeo, como a nova denominación de calidade 'PescadeRías', noticiada hoxe tamén nos xornais, quedan fóra de comentarios polo momento, a pesares do seu potencial económico. 

    Así, retornamos ó pleno para engadir algo máis despois do comentario da entrada sobre o Plan Sectorial de Vivenda, que coido é cousa de ver. E podemos comezar polo Ari de Rinlo, punto terceiro da orde do día e que foi aprobado de xeito unánime sen discusión. Por certo que iso, referente á bondade dun tema en particular tampouco é garantía de nada: teño referencias doutros temas aprobados do mesmo xeito e que xa no momento podía analizarse que eran un erro. 

    Posteriormente, unha chamada aportoume o dato de que habería que cotexar os datos cos que foi presentados, que deben incluír un desenbolso privado (enténdase dos viciños de Rinlo ou a quen vendan) de máis de 12M€, o que fai que non cadren as contas. Non podo afirmalo nin desmentilo, pero onte pola tarde cadrou e achegueime ata Rinlo e tomei unhas fotos, incluída unha fonte que parece estar en obras sen señalización e cos restos do picado da parede por alí (a foto do final da testemuña). 

    Por certo, o mar tamén estaba precioso co temporal, pero as fotos non foron demasiado boas...  

    Por suposto, o primeiro punto da orde do día, a acta do pleno anterior, tampouco tivo problema de aprobación. Nin o cuarto, unha serie de licenzas de primeira ocupación. 

    Antes de pasar ós puntos nos que si houbo discusión, comentar que engadíronse dous puntos de urxencia, a participación nos Grupos de Acción Costeira e a representación do concello nos mesmos (punto 9º) e a proposta de desbroce por parte de Costas toda a zona da Atalaia para ver se se ve máis muralla. 

    E das preguntas de O Tesón un apunte: Na primeira, "1. Despois de ter pedido a tódolos grupos do consistorio a creación dun Regulamento de Participación Cidadá, algo que o propio BNG está a pedir en lugares onde non goberna, solicitamos coñecer se o goberno municipal está levando a cabo ou ten pensado desenvoltar algunha iniciativa neste sentido", a contestación é que non había ningún problema, pero a cantidade de traballo polo momento o impediu. 

    Coido que a cantidade de traballo o que fai é ordear as cousas segundo importancia ou urxencia, e isto non debe ser moi importante cando hai un regulamento aprobado inicialmente do ano 90 que non se usou e que xa está sen actualizar por lexislación posterior. Vamos, peor aínda que o que comentaba hai uns días da normativa sobre ruídos.  

    

En fin, un pleno de 165 minutos da moito de si, aínda que a partir das dúas horas a diminución de xente na sala permitira sentarse á xente que quedabamos de pe.

Revisando a fin de semana en Ribadeo: Catedrais e Rueiro

   Vexo que este fin de semana en Ribadeo deu lugar a dúa novas pequenas pero que me chamaron a atención e diversos motivos e por iso paso a comentar.
    A primeira, un artigo  (1/3 de páxina) na Comarca, 'comentarios al plan de protección de As Catedrais', do 'Grupo Municipal del PP de Ribadeo'. En castelán. Di que no plan 'se observan cosas muy raras', xa no primeiro parágrafo. Entendo que se refire ó 'Plan especial de As catedrais' que teño comentado varias veces de xeito parcial, por partes, e sen rematar, de forma abondo máis extensa que a que aparece na Comarca e... en tempo. E é que, publicada a aprobación inicial no DOG de 16 de novembro de 2017, daba un prazo de dous meses para formular alegacións. Prazo que rematou hai case dous meses, polo tanto. E que aparece no segundo parágrafo como unha contradición en contra do plan...
    A segunda, que por fin está a dispoisición o libro ('folletos turísticos') 'Roteiro pola historia de Ribadeo', que ven a ser o prometido hai meses coas novas placas de Sargadelos das que levo exposto fotografías e falado tamén varias veces nestes últimos tempos no blog (Máis placas de Sargadelos informativas, Letreiros para coñecer Ribadeo, Placas de Sargadelos ilustrando o rueiro de Ribadeo, Nota do concello: Arte e historia. Rúas e Sargadelos). Pois iso, por fin saíu á rúa e pódese adquirir por 1,5 € na oficina de turismo, segundo a nota do concello. A nota chamou a miña atención por varias cousas. Unha, que segue sen ser público o custe das placas, ó que xa me teño referido. Outra, que non se fala nada do retraso sobre o tempo de publicación falado. Outra, o aproveitamento da petición / anuncio tras ser recollida, de museo de Ribadeo como pobo, obviando/esquecendo as rutas xa establecidas de indianos, de comerciantes... Indicación non obstante que estimo moi válida nun pobo como Ribadeo. Aparece ademáis, en nota de prensa, a figura de Carlos Longarela, arquitecto do ARI e autor da parte gráfica, dato para min descoñecido ata o de agora, aínda tras ser coñecido que o autor dos textos é Eduardo Gutiérrez, cronista oficial e exalcalde (entrada na Galipedia).

    Deixo a foto, tamaño orixinal na web do concello, e a continuación a longa nota de prensa:

A PRIMEIRA TIRADA É DE 1.200 EXEMPLARES
Roteiro pola historia de Ribadeo
10/03/2018
No salón de plenos do Concello presentáronse esta mañá os folletos turísticos denominados Roteiro pola historia de Ribadeo, e nos que se recollen os debuxos e textos das máis de 30 placas de Sargadelos colocadas en rúas, prazas e lugares de Ribadeo. Están editados en catro idiomas: inglés, francés, español e galego e estarán á venda na Oficina de Turismo ao prezo de 1,50 euros. No acto participaron o cronista oficial de Ribadeo, Eduardo Gutiérrez, o arquitecto municipal Carlos Longarela, o concelleiro de Cultura, Farruco Graña, e o alcalde, Fernando Suárez.
O rexedor dixo que "isto é algo moi importante para reafirmarnos como un pobo que leva aquí moitos séculos, que ten moita historia e que moitas veces o tempo vai pasando e as xeracións que van vindo non saben nada do que outras deixaron atrás. Para iso quixemos abusar da experiencia, da historiografía e da sabedoría do cronista oficial, Eduardo Gutiérrez, para pedirlle que o seu coñecemento fose botando luz enriba de pasaxes históricos en diferentes rúas e espazos da vila. Para iso tamén nos apoiamos en Carlos Longarela, arquitecto que nos ratos libres, porque no ámbito do día a día tempo pouco tempo, pero fóra de horas foi facendo os debuxos, moitas veces con orientación do propio cronista oficial. E todo iso metémolo nunha máquina moi potente e moi bonita, que é Sargadelos, onde lle deron o deseño final, e o resultado das placas está aí para ver desde hai un par de meses, penso que con moi boa acollida".
Suárez Barcia sinalou que "aparte diso, que é o que máis perpetuamente vai quedar nos espazos públicos, quixemos tamén difundir esta mensaxe en varias linguas, porque sabemos que Ribadeo cada día é máis turístico, cada vez ven máis xente de fóra que se interesa e gústalle isto que está vendo polas rúas e queremos que teña a oportunidade indo á oficina de turismo e mercando un libriño no que figuran todas estas placas cos debuxos, cos textos e nalgúns casos cunha explicación máis grande. Quixémolo facer en francés, en inglés, en castelán e en galego".
O alcalde explicou que "fixemos unha primeira edición de 300 folletos en cada idioma e estamos convencidos de que dentro de pouco teremos que facer novas edicións. Desde mañá mesmo están a disposición de calquera que se achegue á oficina de turismo de Ribadeo ao prezo de 1,50 euros, polo que realmente non lle gañamos nada, pero o que pretendemos é difundir a historia local".
O cronista oficial, Eduardo Gutiérrez indicou que "na publicación que se presenta hoxe, cun pequeno engadido sobre a que recollen as placas, destácanse trinta e tres lugares vencellados á historia de Ribadeo en diferentes épocas: a medieval, onde se pode seguir o itinerario da muralla reparando na indicación das portas e dos restos que quedan; tamén se sinala a ubicación da Colexiata, onde antes estivo a igrexa parroquial. Sublíñanse igualmente edificios vencellados á aboenza liberal da vila, á súa tradición comercial, cunha clase acomodada e culta, que ergueu a Escola de Náutica, o Teatro e o Círculo de Recreo, as casas armadoras e de banca, que naceron do porto entendido como lugar estratexicamente situado, como fondeadeiro e abeiro, porque non acadou unhas instalacións portuarias que merecesen tal nome. Con todo, da súa importancia dá proba o Forte de San Damián, do século XVIII. E xa no XIX o cargadoiro de mineral de ferro, ao tempo que abrollaban obras e dotacións da man dos indianos enriquecidos en América: a Praza de Abastos, o Cemiterio, a torre dos irmáns Moreno, etc. Tamén se lembran singularidades como os lavadoiros, tal o sonado Pipelo, que durou perto de catrocentos anos".
Na súa intervención Gutiérrez manifestou que "mais dese pouso ilustrado e liberal do século XIX destacan a Sociedade Filantrópico-Dramática de 1835, que ergueu o Teatro, a Sociedade de Fomento que promoveu a Escola de Nautica e o sucesivo Colexio de San Luis. Aparte disto cómpre destacar o escintilante Círculo de Recreo, fundado en 1851. Xa noutra ocasión sinalamos como clarificadora a anécdota que recolle un cronista local, segundo a cal cando en 1858 a raíña Isabel II visitou Lugo, as autoridades provinciais solicitaron en depósito do Círculo os mobles para decorar as estancias onde se aloxaría a raíña, que era nada menos que o Pazo Episcopal".
O cronista oficial rematou salientando: "a boa acollida que tivo a instalación das placas que conforman o roteiro pola historia de Ribadeo, son unha incitación e un estímulo a prol dun Museo, que trasladamos á Alcaldía para o seu estudo e consideración, coa petición de que acolla a idea co mesmo interese e dedicación que puxo na confección das placas. O concepto de Museo ao uso cambiou efectivamente e hai cidades que inclúen nel rutas deste tipo, aparte de varias sedes. Certo que aquí comezamos co último, que xulgamos unha boa medida para avaliar a opinión pública, cuxa colaboración se requeriría tanto no acopio de materiais, como noutros aspectos, co obxecto de facer o proxecto viable. Estimado señor Alcalde: isto é unha celada, que rogamos disimule acolléndonos á existencia delas na muralla, con outros fins, pero igualmente solapados. Aínda que, ben mirado, isto ten pouco de trapela, no sentido literal de encerro. É apenas unha suxestión. E, desde logo, cordial".
E o concelleiro de Cultura, Farruco Graña, dixo que "ter a ocasión de ter nas nosas mans estas breves reseñas históricas é sempre unha boa nova porque dan pulo á nosa actividade cotián. Non se trata de mirar para atrás con ton fachendoso, senón de facelo para sentírmonos orgullosos do que fomos e do que podemos seguir sendo, pero para trazar ben o camiño é indispensable coñecer de onde vimos. Trátase de poñer en valor, pero non só pensando na xente que vén de fóra, que está moi ben que veña, senón en nós mesmos; todos os cidadáns e as cidadás de Ribadeo é bo que saiban da súa historia, os que acabamos recalando nestas terras é bo que establezamos ese vínculo co que foi Ribadeo para facelo noso e proxectar cara o futuro todas as nosas ideas e os nosos proxectos. E nese sentido é fundamental que de cando en vez nos paremos e poñamos negro sobre branco, neste caso habería que dicir ton azul, que é o propio de Sargadelos, sobre branco, eses fitos históricos dunha vila centenaria como é Ribadeo".

A hora da política local

    Onte, pasadas as eleccións xerais, de novo a política local voltou a poñer o seu gran de area no interese público. Pleno en Ribadeo co aforo cheo a contagotas (do mesmo xeito se vaciou logo), o que permitiu que, acompañado en parte polo funcionamento dos altofalantes, os portavoces tentaran sacar algo de oratoria. Unha costume que estaría ben continuar nestes plenos abondo menos crispados que no mandato precedente. 

    O seu desenvolvemento a modo implica que boa parte del foi previsible. A toma de posesión de Ramón López Pérez despois da renuncia de Carlos Pérez Méndez, unha pequena intervención para modificar un detalle na acta anterior... deixaron un terceiro punto onde M. Luz aconsellou a Rivas pasar polas actuacións para ver a súa calidade e o número de asistentes, despois de que aquel voltara a preguntar polo gasto en cultura. 

    No apartado correspondente ó servizo 'xantar sobre rodas' destacaron todos os grupos que se aproba 'no aire', para tentar facer as cousas ben despois. Pode que, a aprte do plantexamento da alcaldía, o máis destacable sexa o dito por José Carlos, notando que antes (o pasado ano) foi por un tempo curto, afectou só a 17 persoas e foi gratis, cousas que non vai ser agora, e que pero é plantexalo e logo cortalo. Foi aprobado tamén por unanimidade. 

    Algo polo estilo pasou no punto correspondente ó ARI: proposta unánime, pero non se sabe que. 

    Do punto 8, pouco novo: sae Coto/Isolux Corsan e chega Urbaser despois de que a xunta consultiva esteña sen conformar aínda e de que UPRi voltara tentar de novo que continuaran as cousas como ata agora, ganándose unha reprimenda de PP e BNG por insistir en tres plenos diferentes e tentar de desviar o que foi a súa proposta aceptada no último pleno. Ó final, BNG e PP sacaron a cosua adiante. 

    O punto sobre o PXOM, ó final saiu con unanimidade, felicitándose todos polo día histórico que iso significa. Agora, tras a aprobación inicial, será posta a disposición durante dous meses na vella oficina de turismo, en internet, nun CD, ... para alegación sdurante dous meses. No punto clave do día foi onde máis se tentou o facer notar a dialéctica florentina, o 'apoio crítico' e o compromiso dos grupos. O PXOM será tema no blog máis dunha volta na próxima tempada. 

    O punto seguinte, unha moción para o amaño de calvo Sotelo feita polo PP comezou con sorrisos na sala a partir de que UPRi, polo seu número dous, dixera varias veces que non comprendía a moción, a causa de que non está definida se se quere rúa peoníl, se vai faltar máis aparcamento, a financiación... Ó final, sen financiación polo momento, con outras posibilidades semellantes no pobo, vai adiante a proposta por unanimidade para o seu estudo e taponado de todas esas dúbidas plantexadas. 

    Queda para outro momento o punto de rogos e preguntas, nutrido coma sempre, que remato coas preguntas da AVV O Tesón.

Pleno con dous puntos

Onte houbo pleno. dous puntos máis lectura e aprobación da acta anterior e o punto xenérico de supervisión, rogos e preguntas. Debera tido ser cortiño. Durou máis de dúas horas.
Non cheguei ó comezo, pero non houbo palabra algunha pola morte de M. Fraga. E si, de novo as preguntas de O Tesón quedaron por contestar. Nunha breve explicación, o alcalde dixo que oas preguntas foran entregadas sobre a data e quedan para outro momento porque non tivo tempo de preparalas. Sobre a data quere dicir o xoves, no prazo estipulado. Por casualidade quizáis, no escrito lembrábase que quedaron adiadas explicacións anteriores. E foi de novo curioso o feito que rematou o pleno, dixo as verbas de desculpa sobre as preguntas de O Tesón e di logo que quería falar algo co resto dos concelleiros 'en canto se vaia o público'. Natural que queiran falar a soas, non?
As preguntas de O Tesón ían nun escrito do que reproduzo a parte que nos toca:

"(...) formula ó sr. Alcalde do Concello de Ribadeo as seguintes cuestións, que se acumulan ás explicacións pospostas ou prometidas en intervencións anteriores (como a recadación obtida polas terrazas ou o estado do canón lanzacabos últimamente situado en Lugo):

1.Dada a perda cultural e identitaria en curso das Terras de Ribadeo, co uso do nome da Reserva da Biosfera - Rio Eo-Oscos "y Tierras" de Burón (carteis na rotonda dos Irmandiños, Autovía, e moitos outros lugares mercede ós fondos do Ministerio de Fomento ou o de Medio Ambiente, variacións patronímicas diversas debidas á Xunta de Galicia, continuación da designación de Río de Ribambo ou Obeso en Google Maps, a noticia de que se está 'cerca de Castropol' ou que se vive en Ribadeo-Asturias se se usa Facebook, etc, solicitamos coñecer se existe unha política da alcaldía en relación a dito tema.

2.Tendo en conta a finalización das obras da Fábrica de Alxinatos e a súa promoción xunto co paseo, que teñamos noticia aínda ambos sen entregar, pero usados puntualmente, solicitamos coñecer o destino que se pretende ó edificio remodelado.

3.Dada a ausencia de novas sobre o estado e recuperación das vidrieiras da capela do cemiterio, solicitamos coñecer en que estado se atopa a delimitación de responsabilidades, os pasos para a súa reposición e a posibilidade de usar a Fábrica de Alxinatos ou outro lugar para facer unha exposición dos restos.

4.Despois de ter nova recente da finalización de obras para ter un campo de céspede artificial nos terreos do C.P. Gregorio Sanz por un importe abondo superior a cen mil euros, solicitamos coñecer as partidas de cartos propios ou doutras entidades, dispostas para as más necesarias obras na casa do xulgado, o comezo da residencia de maiores ou a participación do concello nas tamén necesarias obras da Torre dos Moreno."

En fin.
Respecto ó resto do pleno, unha volta aprobada a acta, os dous puntos de enjundia (non 'principais' como anunciara o alcalde, senón en realidade únicos aparte dos preceptivos) foron a anulación da subida do imposto de bens inmobles acordada nun pleno pasado, a conta de que xa o sube o goberno do estado, nunha contía superior (e sen gasto político para os representantes municipais). Quedou aprobado, pero non sei a votación en detalle.
O outro, a rebaixa da cobertura de subvención de obras no ARI do 80% ó 75%. A votación foi unánime, pois non quedaba outra (como Eduardo Gutiérrez deixou patente). Non obstante, as aclaracións dos grupos foron diferentes, deixando o PSOE constancia de que houbo un erro nalgún funcionario do concello que foi corrixido por outro en Santiago, e o alcalde que trátase de adaptalo, e que as veces pasadas pasara sen contratempos. Nalgún momento quedaron as palabras do alcalde difundidas en nota de prensa tildadas de propaganda, querendo botar a culpa á Xunta.
Ben, a duración do último punto da orde do día, control dos órganos, decretos e rogos e preguntas, durou hora e media e queda para outro momento.

Pleno extra

Non é só que sexa extraordinario, senón que vai representar máis entrada de cartos ó pobo, desta para cuestións inmobiliarias e urbanísticas. Ó contrario que por norma xeral, terá lugar ás sete da tarde, e dubidaría moito que se salira do guión de aprobado rápido e unánime.
Coido que, despois de tantos ARI e a crise inmobiliaria, hai que plantearse o xeito de pensar respecto á construcción. En países europeos levan tempo tirando para atrás na construcción de primeira vivenda e promocionando a rehabilitación, co resultado de trabalos máis especializados, mellor ocupación do solo, unha ligazón mellor co entorno... non quero dicir que sexa unha panacea, pero o certo é que primar primeiras vivendas en troques de mantemento adecuado das existentes é un erro que costa moitos cartos e deterioro (a particulares e institucións). As multas impostas polo concello no casco urbano para obrigar a un mínimo mantemento dos edificios aproxímanse ó tema dun xeito lateral, pero marcan unha dirección da que a medio prazo será difícil saír.

Martes 5 de outubro tocou pleno en Ribadeo

   O pasado día 2 de outubro unha nota da alcaldía dabe a nova da convocatoria dun pleno para martes 5. Non aparecía a orde do día, nin nas novas nin na sede electrónica, o outro lugar onde pode aparecer (na última tempada, con máis probabilidade). O que si, case seguro que por algures no taboeiro e anuncios do concello, entre os papeis detrás ou diante do vidro da vitrina, estará unha copia da convocatoria. A falta de consultala e de asistir ó pleno, deixo as notas de prensa (despois) e algún comentario (antes).

    O primeiro, foi un pleno ordinario. Creo lembrar que hai tempo se estableceu que habería un cada dous meses. Tería tocado en setembro, pero estimo que está dentro do prazo imestral aínda que non sexa o acostumado o facelo a comezos de outubro. Na nota a posteriori, vemos que tamén houbo un pleno extraordinario a petición do PP.

   Vaise pedir o 'Plan Rexurbe'. É dicir, subvencións da Xunta. Se se mira na ligazón que puxen verase que é unha ampliación do programa que xa hai nalgunhas vilas. Descoñezo se a petición vai xa acompañada de actuacións concretas (como as anunciadas de Cabanela ou na Virxe do Camiño) ou non. Relacionado, tamén se tratou da ampliación (en tempo de disposición) do ARI para poder dispoñer dos cartos non gastados aínda. Administración con administración.

   Aínda que pareza fóra de tempo a petición do mantemento da ESA (ESO de adultos) no IES de Ribadeo Dionisio Gamallo (cousa que non aparece na súa web, a pesar do cartelón da entrada ó patio do IES), non o é. A Xunta dixo de suprimila, ó final non se suprime pero queda tocada, e trátase de que non perigue a súa continuidade no tempo futuro, o que, pese ó mantemento desas ensinanzas en Ribadeo polo momento, sería o paso seguinte de continuar as condicións actuais. Administración contra administración.

   E tamén, da votación dunha moción, coordinada cos outros concellos mariñáns, en pro do mantemento de Vestas en Viveiro. Administración con empregados do sector privado.

   No pleno ordinario, unanimidade nas votacións. De calquera xeito, a segunda nota está redactada de xeito que podamos seguir escoitando dalgún tema varias veces aínda, a máis da nota de convocatoria e a nota de resume que deixo abaixo.

   Na nota de prensa de onte, a segunda, en relación a Vestas (mala entrada que na súa web xeral non teñan cabida nin o castelán nin o galego, e si outras linguas como o polaco), pídesea actuación, dentro do sistema, doutras administracións, pero queda fóra do alcance a petición de cambio de sistema. Máis aínda, deste xeito, está a usarse e fortalecer o mesmo sistema xeral que se trataría de atacar por nefasto. É comprensible, pero igualmente é previsible a resposta se non hai cartos de todos polo medio. 'O de sempre', vaia.

   Unha moción rexeitada do PP en contra da lei estatal que entre outras cousas apoia o equilibrio ecolóxico do lobo foi rexeitada (o comentario sobre ela na nota de prensa coido que pode obviarse) e unha do BNG para a supresión e non implantación de novas peaxes en vías de comunicación foi aprobada.

   Do pleno extraordinario, pouco que dicir, como se desprende da propaganda na nota de prensa. Apostaría que houbo moitas palabras e poucos datos válidos e estruturados, máis aló de apoiar a unha ou outra postura sobre as subvencións da Xunta, por quen foron 'conseguidas', agravios comparativos reais ou ficticios, etc.

Nota de prensa do día 2:

 

TAMÉN SE VERÁ UNHA PROPOSTA RELACIONADA COS ARIS

Pleno, o martes

02/10/2021

A solicitude de incorporación do conxunto histórico de Ribadeo ao Plan Rexurbe, a esixencia á Consellería de Educación para que manteña os módulos que viña ofertando de ensinanzas de Educación Secundaria para adultos no IES Dionisio Gamallo ou o apoio do Concello de Ribadeo ao cadro de persoal de Vestas son algúns dos asuntos do pleno ordinario convocado para o vindeiro martes, 5 de outubro, ás 20 horas, segundo informou o alcalde, Fernando Suárez.

O rexedor explicou que "convocamos un pleno ordinario para a semana que vén onde trataremos temas interesantes, coma sempre. Solicitaremos formalmente á Xunta a incorporación do conxunto histórico de Ribadeo no chamado Plan Rexurbe. Esta figura xurídica parécenos moi interesante para o noso casco vello agora que vimos de aprobar o Plan Especial de Protección hai poucos meses. Con este Plan Rexurbe contamos que poida haber máis e mellores axudas á rehabilitación de edificios. Ademais, plantéxanse ámbitos de acción conxunta entre a Xunta e o Concello para impulsar a reforma e rehabilitación de espazos que levan moito tempo degradados, como o barrio de Cabanela, ou tamén actuacións en zonas verdes da Virxe do Camiño e a capela anexa, na estrada do faro ou mesmo actuacións en edificios públicos coma o xulgado de paz vello, o Cine Teatro ou o forte de San Damián".

Fernando Suárez seguiu a relatar que "igualmente levaremos unha proposta de nova convocatoria de axudas dos vixentes convenios das Areas de Rehabilitación dos núcleos tradicionais de Ribadeo e Rinlo, xa que a día de hoxe aínda non están comprometidos todos os fondos públicos dispoñibles, polo que é unha mágoa que se poidan perder. De aí que queiramos abrir unha nova convocatoria coa condición de que as obras deben estar totalmente rematadas en abril de 2023".

O alcalde sinalou que "tamén propoñerémoslle ao Pleno que se dirixa á Consellaría de Educación da Xunta para que recúe na súa pretensión de eliminar a oferta de ensinanzas de Educación Secundaria para persoas adultas que se veñen impartindo desde hai moitos anos no IES de Ribadeo Dionisio Gamallo. Parece que a presión social e máis a do mundo educativo está facendo que a Xunta dea marcha atrás, pero esta non quere ofertar os dous módulos que se viñan ofertando, o cal é un despropósito".

E engadiu: "e como non, neste Pleno tamén falaremos e apoiaremos ao cadro de persoal da empresa Vestas de Viveiro, ao igual que o resto de Concellos desta bisbarra, xusto cando están neste momento crítico de ameaza de peche. Todas as institucións debemos conxurarnos para que este capitalismo depredador no que vivimos non permita falcatruadas coma esta: nun momento que se queren inzar os montes de muíños, resulta que unha empresa punteira quere pechar a produción de máquinas aquí na Mariña. Ribadeo é dos Concellos que mais lonxe queda de Viveiro, pero estamos moi preto del na loita pola xustiza, polo traballo e pola dignidade".

Nota de prensa do día 6:

 

EN RINLO CREARASE UN APARCAMENTO PÚBLICO

Plenos de onte

06/10/2021

O Concello acordou no pleno ordinario celebrado onte solicitarlle á Xunta a incorporación do conxunto histórico de Ribadeo ao plan Rexurbe e que non suprima nin total nin parcialmente os ensinos secundarios de adultos na vila. Ademais foi aprobada unha moción de apoio aos traballadores de Vestas.

O alcalde, Fernando Suárez, contou que "foron interesantes os plenos que celebramos onte á tardiña. No tocante ao pleno ordinario, dicir que saíron adiante a práctica totalidade, por unanimidade ademais, asuntos tan importantes como a voltiña que lle queremos dar, aínda máis, ao casco vello de Ribadeo. Agora solicitarémoslle á Xunta a incorporación do conxunto histórico ao plan Rexurbe, no que pretendemos facer aínda máis actuacións en puntos degradados e que precisan non só unha acción dos particulares propietarios senón das administracións como pode ser a Xunta máis o Concello. Tamén abriremos un novo prazo para pedir axudas para a rehabilitación dos cascos vellos de Ribadeo e de Rinlo, e seguindo en Rinlo aprobamos tamén iniciar os trámites de expropiación dun terreo que xa se contemplaba no vixente plan xeral de urbanismo para ser convertido en aparcamento público".

O rexedor dixo que "tamén neste pleno ordinario acordamos demandarlle á Xunta de Galicia para que non suprima nin total nin parcialmente as ensinanzas secundarias de adultos en Ribadeo, aínda que a Consellería de Educación sabemos que recuou na súa intención inicial, agora segue apostando por ir afogándoas pouco a pouco. Quero dicir con isto que o que pretende é deixar de ofertar o módulo 3, equivalente a terceiro da ESO, e só ofertar o módulo 4. Evidentemente non hai que ser moi espabilado para ver que se non hai módulo 3 pois non haberá moitos alumnos proximamente no módulo 4, e de aí que a petición da Corporación é que non continúen nesta liña sixilosa de ir eliminando servizos coa burda escusa de que non hai demanda. As estatísticas dos últimos anos están aí, se ben ao principio dos cursos académicos non hai moita xente, a medida que o curso avanza máis persoas se van incorporando, e desde logo temos que dar educación tamén ás persoas que deciden retomar os estudos aínda que sexa de adultos".

Suárez Barcia manifestou que "ademais neste pleno, aprobamos a moción de apoio aos traballadores de Vestas en Viveiro con chamada de atención aos gobernos da Xunta e máis do Estado para que se apliquen a fondo nas súas competencias, para evitar que empresas que dan beneficios en sectores punteiros poidan alegremente pechar e deixar a centos de familias tiradas. Entendo que debemos regular e atemperar este capitalismo sen rostro, salvaxe e depredador que se está erixindo como única vía. Xustamente a día de hoxe cando a nosa sociedade está a piques de cambiar o modelo enerxético, o modelo de produción e xusto agora cando se queren inzar de eólicos os nosos montes, o mar, etc…, non podemos consentir estas paradoxas que estamos a vivir". 

Mocións: lobos e peaxes futuras
O alcalde engadiu: "finalmente, tratamos unha moción do PP sobre o lobo onde lles fomos explicando o demagóxico da súa posición, pois entendendo desde logo que a orde ministerial que hai pouco se aprobou non vai crear un problema que xa existe en Galicia desde hai anos e que o único que pretende o PP é canalizar as queixas dos gandeiros para tapar as vergoñas políticas da Xunta e da súa falta de actuación, de financiamento de programas, etc… ao longo destes anos de goberno do señor Feijoo. Tamén aprobamos unha moción do BNG para demandar do Estado que non estamos dispostos a que se establezan peaxes futuras polas autovías xa existentes como polas longamente demandadas e nunca construídas como pode ser unha que nos cadra moi preto que é a de Barreiros-San Cibrao. Parece ser que esta é unha proposta que o goberno actual do Estado lle comunicou á Unión Europea, pero tristemente tamén estaba na axenda política do goberno do señor Rajoy aínda que non lle deu tempo a implementala. No apartado de rogos e preguntas fomos, como sempre, respondendo a todas as preguntas e aceptando os rogos construtivos e rexeitando os demagóxicos e oportunistas que tamén houbo, como sempre".

Pleno extraordinario
Fernando Suárez explicou que "tamén houbo este pleno extraordinario que quixo convocar o grupo do PP para, outra vez máis, destacar a súa condición de enredante político e de tentar desviar a atención da súa falta de compromiso naquelas actuacións e inversións ambiciosas e importantes nas que si se debería comprometer e convencer aos seus compis da Xunta de Galicia para que mirasen algo máis por Ribadeo, máis aló das caxigaliñas, das camisolas, dos nikis e das medallas ás que tristemente xa estamos afeitos a ver". 

O rexedor relatou que "neste pleno que foi só declarativo de intencionalidade política, que non resolutiva de ningún acordo, onde o voceiro do PP nos acusou de sectarismo, faise boa aquela máxima castelá de Dime de qué presumes e te diré de qué careces. Se a Xunta de Galicia lle quere ben a Ribadeo e, polo tanto, quere investir aquí ten dúas vías, como en calquera outro Concello do país, ben a través das subvencións que convoca e ás que os Concellos nos podemos acoller, ou ben coa sinatura de convenios extraordinarios". 

O alcalde lembrou que "no tocante á primeira posibilidade dicir que si o fixemos, exactamente para pedir axuda para arranxar as escolas de Covelas de Rinlo, foi hai un ano e a resposta que tivemos foi que fósemos enfiar agullas por aí adiante, como se di vulgarmente. O que fixemos posteriormente, despois desta negativa da Xunta, no caso de Covelas foi consignar o seu amaño nos orzamentos que aprobamos a principios deste ano, e no caso da escola de Rinlo pedimos, antes do verán, un convenio extraordinario coa Deputación de Lugo, que xustamente nos foi concedido hai semanas e aínda o asinamos antonte. En canto a segunda posibilidade de que a Xunta nos financie a través de convenios extraordinarios pois man aberta, pero non para dar labazadas como moitas veces eles fan connosco senón para sumar, para acordar e para investir en Ribadeo, pero iso lamentablemente faise pouco ou nada. Aí o tivemos na residencia nova, acabámolo de sufrir agora na rúa da Estación onde, despois de asegurárnolo, acabaron por non poñer un peso, etc… Oxalá cambien, están a tempo de facelo, porque temos ademais moitos máis proxectos que desenvolver". 

Para Fernando Suárez "desde logo, querer como fixo o PP, alentando a membros secundarios de determinadas asociacións de veciños con intereses directos, con intereses reais para executar esas obras en edificios públicos municipais, lévanos a tempos escuros e indesexados nos que nós non imos entrar. Porque as asociacións de veciños tiveron, teñen e terán todo o dereito do mundo de usar as escolas e os teleclubs públicos municipais, agora ben, a responsabilidade, a custodia e a capacidade de actuación correspóndelle ao Concello e, por extensión, ao goberno municipal que, por certo, é un goberno democraticamente elixido por todos os veciños e todas as veciñas de todo Ribadeo".

 

Así llas poñían a Fernando VII

Foi a anécdota básica coa que me quedei do pleno municipal de onte. Unha corrección que marcou o comezo de resposta do alcalde, Fernando tamén, a unha intervención de Paco Rivas que rematou cun 'así llas poñían a Felipe II'.
O pleno, sen moita trascendencia, extraordinario, tivo puntos sen moita discusión. O segundo, a aprobación dunha nova fase do ARI, área de rehabilitación integral do centro histórico, para o que remataba o prazo. O terceiro, o trámite para liberar a Aquagest da xestión da nova depuradora (necesario para que a Xunta se faga cargo de todo, incluído a xestión posterior á construción e o mantemento, como pretende) que foi o que deu lugar a un pequeno debate por parte da UPRi pois implica que se vai a ter que pagar a Aquagest por un 'seguro de pago' que se tiña asinado no contrato, e se que vai repercutir nos veciños como servizo cobrado e non prestado (xa que se encargará a xunta). O cuarto, o comezo dunha investigación sobre se parte da esquina da Avenida Rosalía de Castro e a rúa Camilo Barcia Trelles (antiga estrada de Vilaselán) é de titularidade municipal ou non.
Non moito para un pleno do que me enterei por casualidade.
Por eso, e para distender, unha nova musical de fóra de Ribadeo: De Jamendo, plataforma de música libre, anuncian que teñen 5000 álbumes disponibles para descarga na súa web. A nova serve para acompañar o premio de Rubén Ruibal, Rubén Ruibal, Premio Nacional de teatro con 'Limpeza de sangue', que aínda non foi representada despois de ter gañado o correspondente premio galego. Polo que parece ten dificultades para a súa representación a pesar da calidade amosada. O motivo? ...

Pleno de 20100510

    Cun máximo de 16 asistentes de 9 ó comezo de rogos e preguntas, ás 10 menos 5 da noite, transcorreu onte o pleno de maio.
    Unanimidade nos primeiros puntos da orde do día: a aprobación da acta anterior, as resolucións da alcaldía (onde foi preguntdo por UPRi o motivo de poñerlle a un pub unha multa coa contía mínima dentro da gama dispoñible, de 60,01 € por manter as portas abertas deixando saír o ruído), licenzas de primeira ocupación, alegacións ó POL (polo menos eu, sigo sen saber cales son), e as bases do ARI (área de recuperación integral, para subvencións) de Rinlo para 2010.
    O punto nº 6 xa tivo discusión. Tratábase co convenio con SEPES para a xestión comercial do polígono industrial, onde houbo 11 a favor e a abstención dos dous representantes de UPRi. A base da pequena discusión foi que SEPES pasará ó concello un 3% sobre a venda para realizar a xestión, pero, se non se vende, o concello non recibe compensación por ter a alguén adicado. O PP apuntou que non se contratara a ninguén novo para facer as pertinentes xestións, senón que se contara ca axente de desenvolvemento local para o tema.
    O 7º foi a aprobación do RRI do Hospital, mantendo a redacción da aprobación inicial, despois de descartar en comisión as propostas do BNG (2 a favor, 4 en contra e 1 abst.) e O Tesón (6 en contra e 1 abst.). Resultou unha votación con resultado pouco frecuente: 7 a favor (PP e PSOE) e 6 abstencións (BNG e UPRi)
    Pasouse logo ó punto máis longo, a contratación dunha empresa para as obras da travesía. Aquí xurdiu unha discusión, non acalorada, pero si con aristas diferentes para cada grupo, comezando polas queixas de que, despois de dúas modificacións das bases para favorecer a presentación de empresas locais, istas non acudiran, e que se fixera retrasando a obra (de feito, xa se tivo que pedir unha próroga ó Mª de Fomento). Despois, pasouse á consideración de que a beneficiaria proposta fora Aquagest, que non aparece tendo como actividade principal as obras públicas, senón a xestión de augas, e sendo previsible que teña que subcontratar, mentras que foron descartadas outras empresas que si teñen como fin principal a obra pública. Por certo, que neste punto, se non entendín mal (a acústica segue deixando moito que desexar), o representante do PSOE Ramón López dixo que xa se sabía a quen ía facer a subcontrata, a pesares do que o pleno seguiu en calma por unha e outra beira. Falouse tamén de que as diferencias de puntuación son pequenas e a xustificación dos puntos non está desglosada nin explicada de xeito convinte, saíndo a relocer a competencia dos técnicos municipais.
    Así as cousas, e por propostas semellantes aínda que con base diferente por parte de cada grupo, optouse por deixar un tempo de estudo e consulta co que voltará a presentarse a pleno próximamente, 'no menor tempo posible', despois de suscitar un comentario do alcalde sobre que esperaba que a dilacción non fora para forzar a imposibilidade de cumprimento dos prazos concedidos por Fomento, nos que xa se leva retrtaso mesmo despois da ampliación pedida o ano pasado.
    O noveno punto, o expediente de desafectación para failitar a permuta e ampliar o acceso do camiño que conduce ó campo da festa en A Ponte de Arante, pasou con unanimidade e mesmo co recoñecemento do PP de satisfacción e agradecemento ós servizos xurídicos pola atención prestada.
    Chegados a este punto, presentáronse varias mocións, unha do PSOE sobre a transición á TDT, outra de UPRi sobre o paso bimestral dos recibos de luz, outra do PP en apoio do porto de Mirasol e outra de urxencia de UPRi en relación ó expediente sobre unha traballadora do piso tutelado, que serán tratados na segunda parte.