20091210

Dunha e outra beira da ría de Ribadeo

As Figueiras e Ribadeo están hoxe nas novas nunha e outra beira de xeito de facer as cousas. Na parte leste da ría teñen un problema: un aparcamento planeado non é querido pola asociación de veciños das Figueiras. A solución, despois de diversos avatares, pasa alí por un referendo entre os veciños que se fará este domingo. Oficial non, pero oficioso, segundo o resultado deixará as claras o respaldo que ten o alcalde neste punto a traverso sobre todo do rexeitamento ó proxecto que sexa acadado polos promotores, a asociación Cristo del Buen Viaje. Nel votarán quenes queiran, pero os veciños maiores de idade (705 veciños de tódalas idades; 339 homes e 366 mulleres segundo o último censo publicado) faráno nunha urna e o resto, noutra.
Ás claras, é abondo diferente, pero ó tempo tamén con certa semellanza co que está a ocorrer no club náutico de Ribadeo, onde se promoverá unha moción de censura por recollida de sinaturas entre os 921 socios, requerindo o 10% (93 socios para ser superado, pois 92 queda por baixo desa cifra) e así, por maioría nunha asamblea convocada a tal efecto, forzar que o presidente convoque novas eleccións. A cousa dilatarase no tempo, pois quérense facer as xestións con calma despois da última e tumultuosa asamblea. E é de supor, mentras se van procurando os apoios necesarios para o ataque previsto. Esta é a diferencia principal co que pasa nas Figueiras: ante a ameaza do aparcadoiro, convócase o referendo en canto xurde a idea, co que se quere pulsar a opinión entre posibilidades encontradas (aínda que os pormotores teñan unha idea previa clara). En Ribadeo considérase xa unha opinión previa e procúrase apoio para que se traduza en feitos. Hai moita diferencia aínda que o proceso de decisión en ambos casos sexa unha votación.
O caso é que en ambas situacións haberá participación... e en ambas, forzada, nunha pola asociación veciñal e noutra pola oposición.

Ningún comentario: