A contínua atención á verxa do porto de Mirasol que está a ter Portos de Galicia non deixa traslocer cando será o día no que a verxa se peche, estando xa preparada. Pode que non o esteña para os patróns que rexen istas cousas, pero aparentemente hai xa algún tempo que podería pecharse en calquera momento. Que o impide? Pode que non sexa prático, non sei. A entrada principal non deixa ver se o é ou non, nin se ó ter dúas entradas abertas (a non ser que cerraran outra máis ó poñer a funcionar a verxa) compensa o aumento de persoal. En fin, temo que o descubramos algún día, igual que descubriremos algún día que o porto deixou de ser competitivo, e non porque se faga ou non unha nova macro nave anclada no leito da ría, senón por outras cousas como o mantemento dunha verxa que xa foi variada antes de ser usada.
Estaba o 'Frisian sky', non sei ben se ceo frisio ou frigio, como único visitante do porto.
E tamén unha das dúas pilas de sal que levan todo o ano adornando a explanada do último recheo, feito para 'ampliar o porto (a lembrar que reduxo a liña de atraque e a lama de auga dispoñible). A grúa do fondo fai que un se pregunte de novo sobre o motivo da nave que se queŕia facer.
En ámbalas dúas fotos, como nunha do 'Frisian sky', deixei como fondo a grúa das Figueiras e o repetidor telefónico para contrastar.
![](https://blogger.googleusercontent.com/img/b/R29vZ2xl/AVvXsEiOJCxs97MzvWMxeC9vbMoJr7M8RyYKb1PIcEe4j5LLLkIa7aWXofoPanFlGfAF2gUrm5bX-YUIp_1gIouZfVwAvh3lIDdIe8a0X7qQcFyJAPDKuFTNo9LZf1TlBLB5gKZH1MT5gg/s320/flota+pesqueira+Ribadeo+2.jpg)
![](https://blogger.googleusercontent.com/img/b/R29vZ2xl/AVvXsEgsNisATMZi-xbUYUoGTNRNaNuNiPc9FGWvxk1Ziu7PRMpmM0wIzsqB9TeVlJ6NHyyepMM1DPCNdpviX9MwKu9CEo6Nyq5sDjavAWZ1nVaMN4S-mqRfcYKaS_88QBvG6_rmQeAJzA/s320/flota+pesqueira+Ribadeo.jpg)
Ningún comentario:
Publicar un comentario