Auga, Bando e Bando 2

A contaminación da auga de Ribadeo, a mais de enquistarse, da sorpresas. E cada vez máis. Onte mesmo, unha situación de desaconsellamento de bebela nalgunha parroquia durante algunhas horas creou unha situación tanto cómica como confusa, ó meu ver. Tanto, que ata os bandos correspondentes foron numerados co título de 'Bando' e 'Bando 2'... a máis da nota posterior tentando saír da situación e aproveitando para tirar adiante por parte do concello.
Os dous bandos, extraídos do PDF correspondente, e a nota de prensa posterior, xunto con algo máis de 'historia' do tema nas notas anteriores do blog:
http://ribadeo.gal/imxd/noticias/doc/1424957341BANDO_non_consumir_auga_26-2-15.pdf

BANDO

DON FERNANDO SUÁREZ BARCIA, ALCALDE-PRESIDENTE DO EXCMO. CONCELLO DE RIBADEO,

FAI SABER
Por comunicación da empresa concesionaria do servizo de auga de Ribadeo, VIAQUA, comunícase como medida precautoria a recomendación de non utilizar a auga para o consumo humano ou uso alimentario nas parroquias de Covelas, Arante e Cedofeita ata novo aviso, debido a que as análises que se levan a cabo no encoro de Lexoso reflectiron unha turbidez de 7 NTU cando o valor límite está en 5, así como incumprimentos nos parámetros organolépticos (os perceptibles polos sentidos como cor, olor, etc.), límites establecidos no Real Decreto 140/2003, do 7 de febreiro, polo que se establecen os criterios sanitarios da calidade da auga de consumo humano. Estas incidencias proceden das augas do río Grande que chegan ata o punto de captación de Lexoso, non podendo garantir deste xeito que a auga sexa apta para o consumo. No caso dos restantes puntos de consumo do Concello de Ribadeo a auga non presenta esta problemática ó non estarse captando dende Lexoso, se non dende o río Eo, a través da ETAP de Vilarbetote (Trabada).
O que se fai público para xeral coñecemento.
Ribadeo, 26 de febreiro de 2015.
O ALCALDE,
Asdo./ FERNANDO SUÁREZ BARCIA.

http://ribadeo.gal/imxd/noticias/doc/1424957409BANDO_2_consumo_auga_ben_parametros_26-2-15.pdf

BANDO 2

DON FERNANDO SUÁREZ BARCIA, ALCALDE-PRESIDENTE DO EXCMO. CONCELLO DE RIBADEO,

FAI SABER
Que foi comunicado por parte de VIAQUA o peche da incidencia detectada no abastecemento de Lexoso ó cumprir os resultados das analíticas levadas a cabo no día de hoxe co establecido no Real Decreto 140/2003, do 7 de febreiro, polo que se establecen os criterios sanitarios da calidade da auga de consumo humano, feito polo cal comunícase ós aboados das parroquias de Covelas, Arante e Cedofeita que se anula a recomendación de non utilizar a auga para o consumo humano ou uso alimentario transmitida en anterior bando no día de hoxe.
Cabe engadir que se seguirán controlando posibles vertidos na fonte de captación do abastecemento para comunicar as posibles alteracións que estes provocan na calidade de auga para consumo humano, co fin de asegurar o subministro con garantías sanitarias á poboación. O que se fai público para xeral coñecemento.
Ribadeo, 26 de febreiro de 2015.
O ALCALDE,
Asdo./ FERNANDO SUÁREZ BARCIA.

A nota de prensa http://ribadeo.gal/actualidade/nova.php?id=1727&lg=gal
Novas

O CONCELLO PIDELLE SOLUCIÓNS A AUGAS DE GALICIA

Captación de Lexoso
26/02/2015
Os veciños e as veciñas das parroquias de Covelas, Arante e Cedofeita poden consumir a auga da traída do abastecemento municipal con normalidade. Así o indican as analíticas efectuadas esta mañá na captación de Lexoso, a onde nas últimas horas chegaron diversos vertidos efectuados río arriba, segundo explicou este mediodía o alcalde, Fernando Suárez Barcia.
O rexedor sinalou que "a pasada tarde a empresa que leva o subministro de auga potable a Ribadeo comunicounos formalmente que no punto de captación de auga potable que temos no río Grande, á altura de Lexoso, os aportes que trae a auga río arriba e que xa en anteriores ocasión supuxeron advertencias, chamadas de atención e denuncias diante da Xunta, de Augas de Galicia e de Control de Vertidos polos posibles lisiviados que alguén río arriba no concello veciño está a realizar, no caso que nos ocupa na tarde de onte xa os límites excederon o que marcan os parámetros das normativas legais e vixentes neste momento".
Suárez Barcia dixo que "a primeira hora da mañá indicamos a través dun bando, tal e como marca a norma, para as parroquias afectadas que teñen o servizo de auga potable municipal desde Lexoso: Covelas, Arante e Cedofeita, que non utilizaran a auga para consumo humano e alimentario. E hai unha hora, este mediodía, a propia concesionaria da auga, unha vez feitas as analíticas correspondentes, indica que os parámetros están en termos legais, adaptados á normativa e que pode proceder ao consumo de auga con normalidade". Por este motivo o alcalde de Ribadeo asinou un novo bando levantando a restrición anterior.
O rexedor indicou que "nestes últimos meses desde o Concello de Ribadeo escrupulosamente estamos notificando e comunicando o que a lei marca, tanto diante do organismo competente que é Augas de Galicia, diante de Control de Vertidos ou diante de calquera autoridade sanitaria con competencia na materia. O Concello de Ribadeo, a través da empresa concesionaria, é o encargado de clorar a auga e de que cumpra os parámetros normais que marcan as normativas, pero non é responsable da calidade de auga que ven polo río arriba. De aí que xa en decembro lle temos comunicado formalmente a Augas de Galicia que estamos moi preocupados por esta situación destes vertidos que periodicamente se están a producir, sobre todo cando chove, e pedíndolles resposta e que medidas se están a adoptar. Estamos moi preocupados pola alarma que se está a crear na poboación".
Fernando Suárez engadiu que "na vila de Ribadeo e nas parroquias que se subministran do río Eo non hai ningún problema, pero nas do interior non hai maneira máis que subministrar desde Lexoso, non hai outra alternativa. Queremos colaboración absoluta coa Xunta de Galicia, pero entendemos que se deben tomar medidas inmediatas para o cese deses vertidos ao río Grande, porque a tres quilómetros, en Ribadeo, hai un punto de captación de auga para consumo humano".
Ribadeo conta con dúas captacións de auga: unha no río Eo no concello de Trabada, en Vilarbetote, e outra aquí en Lexoso, no concello ribadense
--
Algunhas cousas anteriores sobre a contaminación do rego de Lexoso:
Imaxes do verquido no CAVI http://ribadeando.blogspot.com/2014/08/imaxes-do-verquido-no-cavi.html
De aquí bebemos http://ribadeando.blogspot.com/2015/02/de-aqui-bebemos-bebiamos.html
... Auga 20140421
E máis auga 20140423
Non hai risco para a saúde 20140607
Imaxes do verquido no CAVI 20140804
Que a auga sabe a raios? A culpa é da auga por saber así! 20141216

--
Sobre a traída de auga a Ribadeo https://tentandoeducar.wordpress.com/2015/01/27/relato-breve-dunha-actividade-de-aprendizaxe/

Pero aínda estamos así? A residencia está aquí porque a quixemos, a xente

Non é a primeira vez, nin a segunda, nin a terceira... que sae a removerse o tema da residencia cando remata de imputarse a alguén do PP, se descubre algún novo "pastel" ou cousa semellante... ou sinxelamente por saír nas novas, seguindo o adaxio de que o importante é que se fale sobre un, aínda que sexa mal, pois que coñezan a un da poder de difusión, atrae votos, etc. Esa é a teoría.
Unha nota de prensa, aparentemente con motivo  sobre a residencia, e unha contestación:
--A nota de prensa (do PP de Ribadeo):--

O PP pide a Suárez Barcia que “deixe de mentir e pregunta se o BNG xa se está arrepentindo de votar en contra da moción popular para garantir a xestión pública da futura residencia”

03-02-16 Ribado, 3 de febreiro de 2016.- O Grupo Municipal Popular pediulle a Fernando Suárez Barcia que non minta en relación coa futura residencia de Ribadeo e esixiulle ao nacionalista que deixe de empregar o informe da secretaría municipal ao seu antollo, retorcendo o seu contido e ocultando aquilo que non lle interesa.
Desde o PP lembran que o propio informe* dos servizos xurídicos do Concello establece, sen lugar a dúbidas, que quen ten a capacidade para determinar a futura xestión da residencia é o Pleno do Concello e precisamente alí foi onde o propio alcalde e grupo ao que pertence, o BNG, votou en contra dunha moción dos populares na que reclamaban que se garanta a xestión pública e municipal do futuro centro, actitude da que agora parecen empezar a arrepentirse.
Por outra banda, os edís do Partido Popular insisten en que o Alcalde cada vez están máis “endiosado e lonxe da cidadanía” ata o punto de que ninguén entende que o Concello renuncie a unha achega de 500.000 euros por parte da Xunta por non queren enviar os dous informes técnicos que se lle reclaman.
Os populares consideran que Suárez Barcia é “un vago enrocado” nunha actitude de confrontación que prexudica aos intereses de Ribadeo, máxime cando desde a Xunta manteñen a súa oferta de colaboración.
RESULTADOS ELECTORAIS
Finalmente, os populares afirman que se Suárez Barcia quere comparar resultados electorais e a incidencia que sobre os mesmos ten a posición de cada grupo municipal, non debera esquecer que mentres que o Partido Popular gañou as últimas eleccións xerais en Ribadeo; o BNG, integrado na candidatura Nós, levou un batacazo monumental, ata o punto de converterse nunha forza case insignificante pese a ter a alcaldía e non ser capaz de rendabilizala.
*Conclusión 4º do informe
No tocante ao Concello é competencia do Pleno determinar se o servizo se presta e como se presta segundo recollen os artigos 22.2 f) da Lei reguladora de bases de réxime local e o artigo 97 do Real decreto lexislativo 781/1986, de 18 de abril, polo que se aproba o Texto refundido das disposicións legais vixentes en materia de Réxime local.

--A contestación (de José Mª Rodríguez, comisión pro residencia):--

As burradas do PP de Ribadeo

 
Aínda que o refrán di “a palabras necias, oídos xordos”, despois de ler a nota de prensa que o PP local de Ribadeo acaba de dar a prensa en data de hoxe, atópome desconcertado. Desconcertado por que, a verdade, non sei que pensar da estratexia política que o PP local ten montada contra o goberno local de Ribadeo. Non sei se é que son tan, tan, tan burros, ou se é tan, tan profunda e tan intensa a inquiña e a desgusto que collen co tema da residencia, pra votar fora do concello ó actual alcalde e coller eles o seu posto, que todo lles vale, as mentiras, os embustes, os enganos, a difamación. Atópome desconcertado.
E pregúntome como son tan ilusos e ingenuos como para pra tentar facerse co concello de Ribadeo utilizando esta velenosa estrategia de enganar ós viciños, sobre todo nestes tempos nos que o seu partido, o PP actual, está a piques de desaparecer en todo o territorio nacional por estar totalmente mergullado na corrupción.
Non vou sequera pararme a comentar as burradas que din. E pregúntome, porén, se con estes elementos pensa o PP reconquistar a alcaldía de Ribadeo. Que deus lles conserve a ilusión. Só me queda o consolo de saber que os veciños, por pouco que se esforcen, teñen o suficiente coñecemento do que se está a falar e sentido común dabondo para saber de que vai o PP de Ribadeo.

... E agora podes xulgar. Se queres repasar o tema, no blog hai unha xa longa historia da residencia de anciáns de Ribadeo...

Hoxe é mañá: Sobre a residencia de maiores

Corto e pego o publicado na web do concello, espedcificando que o 'mañá' do que fala xa é o 'hoxe' no que publico:
"Residencia de maiores
09/09/2013

Mañá será cando se coñeza a proposta económica final da Consellería de Benestar para a construción dunha residencia de maiores en Ribadeo. As cifras ofrecidas esta tarde en Santiago "quedan moi lonxe do que cabería esperar e serían inferiores ás que está disposto a poñer o Concello", segundo o alcalde, Fernando Suárez Barcia. O Concello xa redactou o proxecto e entregoullo á Xunta.

O rexedor explicou que "despois de manter esta terceira xuntanza da comisión pro residencia da terceira idade en Ribadeo coa conselleira de Benestar e despois de terlle indicado que a posibilidade que nos ofertou no seu momento de concertar prazas non é algo que vexamos axeitado, porque en Ribadeo pensamos que as prazas teñen que ser preferentemente para a xente de Ribadeo e coa opción de concerto non sería posible garantir isto". Suárez Barcia dixo que "o que necesitamos primeiramente é ter o edificio e para ter o edificio hai que ter o diñeiro enriba da mesa. Temos parte dos cartos comprometidos da Deputación Provincial de Lugo e desde o Concello estamos dispostos a poñer outra parte a través do endebedamento público, pero falta unha parte importante que é a que debe poñer a Xunta de Galicia".
O alcalde de Ribadeo indicou que "as cifras que nos daban no día de hoxe quedan moi lonxe do que cabería esperar e serían inferiores ás que está disposto a poñer o Concello, polo tanto non o veríamos viable. A conselleira pediunos tempo ata mañá para mandarnos a última proposta de financiamento plurianual para os anos 2014 e 2015 e esperemos a mañá para coñecer e estudar a proposta económica final que a Consellería de Traballo e Benestar estaría disposta a aportar para que a residencia de Ribadeo puidese unha realidade. Pero sempre, desde logo, entendendo que en quen residen as competencias realmente, que é a Xunta, deberá poñer unha cantidade certamente importante e non ser soamente un fleco da cantidade que poida poñer o Concello de Ribadeo". Fernando Suárez pide prudencia "e unha vez que mañá saibamos a cifra final poderemos facer unha valoración máis global do futuro da residencia en Ribadeo".
O rexedor engadiu que "para que se vexa a determinación que temos toda a Corporación Municipal en crear unha nova residencia en Ribadeo foi que o compromiso de redacción do proxecto témolo feito, os técnicos municipais redactaron dito proxecto que no día de hoxe xa se enviou á Xunta para a súa autorización previa". Suárez Barcia subliñou que "a Xunta debe autorizar unha residencia independentemente de si pon diñeiro ou non para a súa construción, pero obrigatoriamente teno que autorizar. O proxecto enviado hoxe ascende a 2.300.000 euros, edificio e equipamento. E sobre esa cifra é sobre a que estamos a traballar para  ver cómo se financia. Evidentemente deben ser tres partes: Deputación, Concello e Xunta. E Deputación e Xunta teñen que ser as que asuman a maior cantidade porque sería paradóxico que fose o Concello o que acabase sufragando unha maior parte, porque a Xunta é a que ten as competencias en materia de residencias e servizos sociais"."
Que significa isto? Que a falla dunha sorpresa hoxe, o que falta é o compromiso de quen pode para que Ribadeo teña unha residencia de anciáns que lle fai falta.
En principio, podería pensarse que de non mover peza a consellería aquí remata a historia do impulso dunha residencia, pero asumilo así significaría o mesmo ou peor que non ter comezado as movilizacións para conseguila. Movilizacións que non consistiron só nunha manifestación, senón na concienciación popular do dereito e a posibilidade de ter un novo espazo para os nosos anciáns.
Por outra banda, o conseguir a residencia non pasa por un só modelo, aínda que se viu dende o comezo como máis axeitado na situación actual, o que case pon contra a parede ó movemento da plataforma cidadá, sendo ardua a procura doutras alternativas, a recapitulación de todo o movemento, etc. Mentras, a política segue o seu propio movemento, ó que se ve, cada vez máis independente do cidadán, neste caso, tentando un retraso dun ano nunha decisión e tentando asemade desgastar un movemento para facer menos dano á hora do reconto electoral.
Ben, a bo seguro a cousa pódese contar doutro xeito: hai especialistas en facelo, á vista de como se presentan algunhas cousas, pero a realidade contrastada pasa ata hoxe alomenos pola negativa da Xunta a aportar unha parte substancial e necesaria dos cartos para a residencia.

Nota de prensa do concello. BARCIA PENSA QUE É UN TREITO DA TRANSILVANIA DO SÉCULO XIX

Nunha semana o blog ten acollido dúas entradas que recollen de xeito directo a situación do transporte na zona, tendo o tren como principal vector. Por iso coido que debo recoller tamén íntegra a nota publicada polo concello o pasado día 12:

BARCIA PENSA QUE É UN TREITO DA TRANSILVANIA DO SÉCULO XIX
 Xuntanza polo tren
12/12/2018
O alcalde, Fernando Suárez, asistiu hoxe a unha reunión en Ferrol para abordar a situación da liña de tren que atravesa Ribadeo e o litoral da comarca da Mariña ata a cidade departamental. O rexedor explicou que non asistiu ningún alcalde do PP e que Adif anuncia o inicio dos trámites en xaneiro para renovar as máquinas. Suárez Barcia considera que a xente non utiliza este servizo de transporte público porque ten unha grande falta de credibilidade.
O alcalde declarou que "tivemos unha xuntanza en Ferrol, que foi convocada por responsables de Adif, é dicir do Ministerio de Fomento do goberno do Estado, e tamén da Xunta de Galicia, para tratar de dar unha explicación a esta situación terrible e lamentable que vivimos na Mariña por mor da liña do tren de Feve, concretamente o tramo de Ribadeo a Ferrol. É un treito que máis parece sacado da Transilvania do século XIX, que no lugar onde nos toca vivir a todos e a todas".
Fernando Suárez contou que "debo dicir que, entre os alcaldes que fomos, non había ningún do PP e iso tamén chama a atención, porque penso que a liña de Feve pasa por todos os concellos, independentemente de quen goberne en cada un, pero alí había do Bloque, do PSOE, de En Marea, etc…, pero non había ningún alcalde do PP. Tamén quero dicir que asistimos con moita prudencia ás boas intencións que parece que agora Adif vai ter con esta liña, no senso de iniciar os trámites para renovar as máquinas, aínda sendo conscientes de que se isto vai a un consello de ministros de xaneiro, os procesos de compra e de adxudicación demoraranse, segundo as súas verbas, entre tres e catro anos".
O rexedor relatou que "tamén nos explicaron que están en proceso de reparación de toda esta maquinaria rodante, que ten máis de corenta anos en moitos casos, e que o que está provocando en toda a cidadanía, non soamente en Ribadeo senón en toda A Mariña e en toda a cornixa cantábrica, polo menos no que ten que ver con Galicia, unha situación de descrédito desta liña absolutamente, e de falta de confianza de que a xente non usa este medio de comunicación público, ecolóxico e ao mesmo tempo bo, porque non cre nel, porque sabe que vai pero igual non pode volver, porque se estraga, porque vai no tren e ten que acabar collendo un taxi ou volvendo en autobús, é dicir, unha falta de fiabilidade e de credibilidade inédita para vivir no ano 2018".
Suárez Barcia subliñou que "tamén chama a atención que o representante da Xunta que, durante todos estes anos non exerceu o liderado en todo isto, agora tamén se anime a reivindicar. Parécenos moi ben que se animen agora, pero durante moitos anos que o PP gobernou no Estado non se lle vían esas ansias. En todo caso sexan benvidas e a ver se entre todos podemos volver a dar un crédito e unha confianza a este medio de comunicación que podería vertebrar perfectamente A Mariña, pero que non a vertebra en absoluto porque a xente e a cidadanía non confía".
O alcalde agarda que "se leven adiante estas talas de árbores, que nos dixeron, para a limpeza da vía e das súas inmediacións, que se liciten uns proxectos de estabilización das trincheiras, é dicir, que dalgunha maneira se lle preste atención a un servizo de comunicación público merecedor de tal cualificativo. Esperemos que estas verbas vaian tornándose en feitos, porque o certo é que estamos acabando un mandato exactamente igual que cando se empezou con estas reivindicacións dende moitos Concellos para poñer en valor isto, xa hai anos. En todo este tempo non se fixo nada e as liñas cada vez están máis abandonadas, a falta de revisores, a falta de persoal, os trens, os vagóns e as locomotoras practicamente están para ir á chatarra, e isto non pode seguir así".

Progresión do coronavirus en Ribadeo

   Nunha semana, o alcalde leva difundido tres notas de prensa sobre o coronavirus en Ribadeo. En concreto, sobre o brote que afecta ó hospital asilo (non á nova residencia de maiores). Aínda que sobre a orixe circula un rumor insistente, non está recollido nelas, polo que queda como iso, como rumor.

Coa liña de tendencia engadida.

   Á espera de máis novas (é de supoñer que mañá día 30 apareza outra), deixo as novas que recollo na web do concello por orde cronolóxica, tal cal. É dicir, recollendo única e exclusivamente a versión do concello (mesmo sen corrixir posibles erratas):

1.-

POLO MEMENTO QUEDAN SUSPENDIDAS AS VISITAS AO CENTRO

Hospital Asilo de Ribadeo

23/12/2020

Tres residentes do Hospital Asilo de San Sebastián e San Lázaro, de Ribadeo, deron positivo por covid-19, segundo informou esta mañá o alcalde, Fernando Suárez. A detección produciuse dentro dos cribados periódicos que o Sergas realiza nas distintas residencias e centros de maiores. Estas tres persoas atópanse con sintomatoloxía leve e foron trasladadas a unha residencia médica que a Consellería de Sanidade ten habilitada para estes casos en Santiago de Compostela.

O rexedor contou que "tivemos no día de hoxe coñecemento verbal por parte dos responsables do Hospital da Costa de Burela, que dentro dos cribados periódicos que o Servizo Galego de Saúde está facer nas distintas residencias e centros de maiores, producíronse tres positivos de persoas residentes no Hospital Asilo de San Sebastián e San Lázaro de Ribadeo".

Suárez Barcia dixo que "estas tres persoas, segundo nos indican os responsables da Consellaría de Sanidade, atópanse cunha sintomatoloxía leve e xa foron trasladadas a unha residencia médica que a Consellería de Sanidade ten habilitada para estes casos en Santiago de Compostela. Por outra banda, infórmasenos de que a totalidade de traballadoras e traballadores do centro están sendo chamados para facer unha nova proba de diagnóstico para estar completamente seguros da situación á que nos temos que enfrontar".

O alcalde subliñou que "entrementres, por parte da dirección do Hospital Asilo xa se activaron de xeito inmediato os plans de continxencia e protocolos previamente establecidos para este tipo de situacións coa fin de controlar esta situación para que non vaia a máis. O funcionamento desta residencia en toda a xestión desta pandemia estivo sendo impecable tanto pola dirección como pola do persoal traballador, usuarios e familiares destes. Sempre se cumpriron todos os estándares fixados polas autoridades Sanitarias competentes, así como tamén neste Centro se foron implementando desde o inicio da crise sanitaria todas as melloras posibles de limpeza e desinfección". 

Fernando Suárez engadiu que "tamén se foi, e se é moi estrito, cos contactos dos residentes cos familiares ou achegados e todos estes posibles contactos nas visitas se fan cumprindo os mais estritos protocolos. E igualmente, o persoal traballador estivo cumprindo cos protocolos establecidos para a correcta actuación. Con todo, e a partires deste mesmo momento, e en tanto a situación non sexa normalizada, suspéndense as visitas aos usuarios e  usuarias do Hospital Asilo por parte de familiares".

Para o alcalde ribadense "débese ser consciente de que nesta situación de crise sanitaria por mor do Covid19 non existe risco cero, aínda que o centro está preparado para afrontar esta situación, tanto a nivel de persoal como de medios".

O rexedor engadiu que "ofrecemos toda a transparencia coa información que poidamos saber por nós mesmos ou pola información que as autoridades sanitarias autonómicas nos vaian dando nas vindeiras horas, ao tempo que queremos pedir cautela en comentarios ou rumoroloxía, a fin de evitar situacións de confusión ou malos entendidos. Todo parece indicar que a esta emerxencia sanitaria que dura mais de nove meses, estase traballando arreo con todos os medios e por todas as administracións e nos vindeiros días, previsiblemente na semana que vén,  as vacinas chegarán, empezando precisamente por estes centros residenciais como é o caso do Hospital Asilo de San Sebastián e San Lázaro de Ribadeo".

2.-

ESTA MAÑÁ FOI REALIZADO UN NOVO CRIBADO NO CENTRO

Novos positivos no hospital asilo

26/12/2020

Rexistrados tres novos positivos por covid19 no Hospital Asilo de Ribadeo. Trátase de dúas usuarias e unha relixiosa. Todas presentan sintomatoloxía leve, segundo o alcalde, Fernando Suárez.

O rexedor explicou que "tivemos coñecemento de que ás tres persoas que deron positivas como contaxiadas de Covid19 temos que engadir tres persoas máis nestas últimas horas. Neste caso, dúas usuarias e unha relixiosa. Unha delas foi traslada onte á residencia médica que a Consellaría de Sanidade ten habilitada para estes casos en Santiago de Compostela. Outra presentou síntomas hoxe á mañá e foi trasladada ao Hospital da Costa para analizar o seu estado. En canto á relixiosa, está mantendo o confinamento total preceptivo para estes casos". 

Suárez Barcia dixo: "cabe destacar que a totalidade das seis persoas positivas, as tres do primeiro día e estas tres últimas, atópanse polo momento con sintomatoloxías leves".

O alcalde contou que "segundo nos manifestan os responsables do Hospital da Costa de Burela, na mañá de hoxe procedeuse a facer un novo cribado xeral para determinar se pode haber algún contaxio máis ou se pola contra a situación permanece estable. Agardan ter os resultados en breve".

Fernando Suárez indicou que "desde o Hospital-Asilo de San Sebastián e San Lázaro, mantéñense os protocolos e plans de continxencia establecidos para estas situacións e con limpezas e precaucións reforzadas para tentar controlar a situación. Reitérase que nesta crise sanitaria por mor da pandemia que estamos a vivir non existe risco cero, aínda que o centro está preparado para afrontar esta situación, tanto a nivel de persoal como de medios".

O rexedor ribadense engadiu que "manteremos informada á cidadanía a medida que vaiamos tendo información, ben sabida por nós mesmos ou ben proporcionada polas autoridades sanitarias autonómicas en canto nola vaian facilitando, sempre co mellor ánimo informativo e para dar a confianza necesaria que evite rumoroloxías e situacións de confusión ou malentendidos".

3.-

OS USUARIOS PRESENTAN SINTOMATOLOXÍA LEVE

Situación no Hospital Asilo

28/12/2020

Confirmados 8 novos positivos por covid19 no Hospital Asilo de Ribadeo, segundo deu a coñecer esta mañá o alcalde, Fernando Suárez. En total son 14 as persoas afectadas polo gromo detectado a pasada semana, 13 usuarios que foron trasladados á residencia do Cegadi en Santiago e unha relixiosa que segue en estrito confinamento en Ribadeo.

O rexedor contou que "este sábado pasado, despois de detectarse novos casos de positivos en Covid19, as autoridades sanitarias fixeron un novo cribado xeral. Os resultados recibidos indican que hai 8 novos casos de positivos confirmados. Trátase de persoas residentes. En canto aos do persoal traballador, todos eles deron negativo. Polo tanto, e aplicando o criterio dos días anteriores, a totalidade dos residentes diagnosticados como positivos xa foron trasladados á Residencia do Cegadi (Centro Galego de Desenvolvemento Integral) que a Xunta de Galicia ten habilitada para estes casos en Santiago de Compostela, onde tamén se encontran as persoas que xa deron positivo nos días anteriores, facendo un total de 13 persoas alí desprazadas. A esta cifra débeselle sumar a da relixiosa que se mantén en estrito confinamento".

Suárez Barcia dixo: "segundo nos confirman nas últimas horas os responsables do Cegadi, todas as persoas manteñen uns niveis leves de sintomatoloxía. Esta residencia habilitada posúe as características de residencia de maiores co engadido de que dispón de funcionalidades hospitalarias, que o resto de residencias non teñen. Estas mesmas autoridades, tanto as sanitarias do Hospital da Costa como as de Política Social do Cegadi, indican que esta situación actual deriva dunha previa que vai desencadeando un gromo, por canto unha grande parte dos afectados son compañeiros de cuarto de persoas previamente contaxiadas".

O alcalde seguiu a relatar que "tamén nos indican os responsables sanitarios do Hospital da Costa que de cara a mediados de semana farase un novo cribado xeral para comprobar se o gromo se estabiliza ou se pola contra hai novos contaxiados, sen prexuízo de que se poidan realizar novos test de antíxenos de xeito inmediato se algún outro residente mostra síntomas de contaxio antes dese cribado".

Fernando Suárez fixo unha valoración positiva das medidas adoptadas: "valórase polo tanto como moi positiva a actuación coordinada na aplicación dos Protocolos e Planes de Continxencia por parte da  dirección do centro e do seu persoal, así como a actitude dos residentes á hora de enfocar esta crise sanitaria. Igualmente se valora moi positivamente a actuación coordinada das autoridades sanitarias do Hospital da Costa e das do Centro Galego de Desenvolvemento Integral por ir desprazando a Santiago a estas persoas afectadas, logrando así dous obxectivos estratéxicos neste momento: o primeiro é que os afectados estean nas mellores condicións de atención residencial e hospitalaria posible. E o segundo é que o Hospital Asilo de Ribadeo vexa diminuído de xeito moi importante o risco de transmisión vírica para o resto de usuarios, que viñeron dando negativo en todo este tempo e que actualmente suman 24 persoas".

O rexedor engadiu: "como sempre indicamos, manteremos informada á cidadanía sexa cal sexa a situación á que nos teñamos que enfrontar, coa confianza de que en poucos días estaremos no pico de madurez deste gromo que se iniciou a principios da semana pasada. Farémolo a medida que vaiamos obtendo información, ben por nós mesmos ou ben proporcionada polas autoridades sanitarias autonómicas en canto nola vaian facilitando, sempre co mellor ánimo informativo e para dar a confianza necesaria que evite rumoroloxías ou situacións de confusión".

Medindo resultados de campañas de propaganda

Polo que parece, a campaña de promoción turística de Ribadeo en Fitur este ano é un éxito completo. Remítome ás notas de prensa e conseguintes publicacións.
Dende Ribadeo, tendemos a ver o que se fai pola nosa xente no exterior con ollos positivos. É natural. Pero a día de hoxe, a piques de rematar Fitur, non teño claro o resultado, que sexa como se nos di. O primeiro, porque o resultado mídese a posteriori, non durante o evento, nun momento que non trouxo aínda a ninguén facernos unha visita (coido que é o que se procura en Fitur). Reforza o anterior unha pequena procura por internet, onde se atopa que, mentres estou escribindo isto, aparecen 1820 resultados de ribadeoxqsí (agora xa aparecerá un máis!), mentres que de Fitur 2015 son uns 20 800 000, ambos procurados en Google, o que representa menos dun 0,01 %, que pode ser moito, pero... mesmo se miro o meu nome cos dous apelidos hai arredor de 666 000 resultados, abondo máis de trescentas veces máis (claro que o meu nome leva anos aparecendo e o lema deste ano só leva días, pero é que un ano ten 365 días, co que a 'puxanza' na rede sería da mesma orde...)
Por outra banda, non vexo ningunha referencia a unha medición de resultados na campaña, o que podería levar de xeito máis doado a unha mellora en campañas posteriores. Así pois, espero que sexa unha boa campaña, pero haberá que esperar a dentro duns anos, con calma e perspectiva, para ter unha idea de se a campaña é o éxito predito (que non se está a contemplar como futuro, senón como presente).
Polo momento, o que si se pode ver é a páxina de turismo de Ribadeo, http://turismo.ribadeo.gal e a xente de Ribadeo que foi a Madrid co motivo da posta en marcha da campaña: hai fotos abondantes!
---
Actualización a 20150203:
Segue ribadeoxqsi en 1810 (10 menos!)
Fernando Suárez Barcia con 218 000
Fitur 2015... 26 100 000
Sen máis que comentar, o día que se fai un resume extremamente positivo do 'resultado' en Fitur.
---
Actualización a 20150205:
ribadeoxqsi en 1570 (... !)
Fernando Suárez Barcia 218 000
Fitur 2015... 26 500 000
Entendo pois que impacto decrecente dentro da irrelevancia.
---
Actualización a 20150331:
ribadeoxqsi en 1130 (... !)
Fernando Suárez Barcia 226 000
Fitur 2015... 33 500 000
... E xa non poñerei máis actualizacións: está claro o impacto do lema 'éxito completo' Mentres, o do alcalde segue a subir. Que tal unha proposta de asociar Ribadeo ó nome do alcalde?

A residencia, con máis ánimo, máis perto do final

Collo a nota do concello e comento:

DEPUTACIÓN E CONCELLO, DISPOSTOS A COLABORAR

Xuntanza con Beatriz Mato

08/07/2013

A comisión pro residencia de maiores en Ribadeo volverá reunirse coa conselleira de Traballo e Benestar o vindeiro 9 de setembro. Ese día coñecerase o grao de implicación da Xunta neste proxecto, segundo relataba este mediodía o alcalde, Fernando Suárez Barcia. Ata hoxe o goberno autonómico só falou da posibilidade da concertación de prazas para un número de usuarios, algo que non lle serve á comisión porque non lle dará prioridade aos veciños e ás veciñas de Ribadeo.

Despois de saír do encontro celebrado en Santiago esta mañá, o rexedor quixo "dar conta con absoluta transparencia precisamente para que sexan os veciños e as veciñas deste concello as testemuñas desta circunstancia, deste proxecto no que estamos a traballar desde o Concello con moito esforzo para ter unha nova residencia para os nosos maiores en Ribadeo".
Suárez Barcia lembrou que "despois de bastante tempo de ter pedido audiencia coa conselleira e despois de terlle enviado varios escritos finalmente, aínda que bastante tarde, nos recibía esta mañá e foi alí, en Santiago, onde lle explicamos todos os deberes aos que nos comprometemos na anterior xuntanza. Pola nosa parte cumprimos amplamente xa que contamos co compromiso verbal da Deputación de Lugo en colaborar co financiamento importante para construír esta residencia e temos os terreos necesarios para poder levantar esta infraestrutura nas antigas vivendas dos profesores. De feito no último pleno celebrado no Concello eliminamos todos os posibles obstáculos que puidese haber neste sentido".
O alcalde ribadense indicou que "a conselleira Beatriz Mato volvía insistir no encontro desta mañá en que a Xunta só se podía comprometer a financiar o concerto dunha serie de prazas. É algo que non nos parece axeitado porque o concerto de prazas non lle da prioridade aos veciños e veciñas de Ribadeo. E poño como exemplo o caso de Viveiro, onde hai unha residencia pública que ten 150 prazas, pero para os de Viveiro só están ocupadas 10 a día de hoxe".
Para Fernando Suárez Barcia "sería terrible que quen as competencias en materia de benestar social, que é a Xunta, non puxera nada e se quedara parapetado nun concerto posible de prazas, deixando que o Concello se busque a vida para construír unha residencia que está cifrada nuns 2,3 millóns de euros. Foi nese momento cando nos pediu algo máis de prazo, pero o máximo que podemos asumir é o día 9 de setembro. Xa pechamos ese encontro que será ás 12 da mañá para que a Xunta nos dea finalmente unha resposta, si a ten, de poñer diñeiro enriba da mesa e corresponsabilizarse da construción da residencia e non deixar sos á Deputación e ao Concello, porque puidera ser inviable que entre estas dúas administracións se puidese levar adiante esa infraestrutura".
O rexedor de Ribadeo explicou que "aceptamos esa data, pero con condicións: primeiro, desde o Concello seguiremos a nosa folla de ruta no sentido de que xa estamos a redactar o proxecto, que precisará de autorización autonómica con independencia de si a Xunta pon ou non diñeiro, pero si que o ten que autorizar. Seguiremos traballando, nos vindeiros días rematarase a redacción dese proxecto e enviarase á Xunta para solicitar a autorización correspondente. E en segundo lugar, traballaremos para materializar coa Deputación de Lugo os compromisos económicos e forzar tamén para a Xunta para que, chegado o 9 de setembro, non lle quede máis remedio que poñer cartos enriba da mesa". E engadiu que "agora argumentan que neste 2013 non teñen diñeiro, pero lembreilles en nome da Corporación aquel principio de que si se quere pódese, e si queren colaborar con Ribadeo o que teñen que facer é un convenio plurianual que garanta desde o 2013 o apoio a esta demanda lexítima. Se non teñen moito diñeiro para este ano que poñan pouco e que poñan a diferenza no 2014, pero non queremos dilación e non queremos que este xaque desta partida de xadrez no que nos atopamos se converta nun xaque mate. Cremos que é de recibo que a Xunta se comprometa con Ribadeo ao igual que o está a facer con outros concellos da Mariña".
É dicir, con ou sen Xunta, a residencia está máis perto. Evidentemente, colaborando a Xunta, lograrase antes e poderiase comezar este mesmo ano, aínda que fóra a paso lento para coller velocidaded a construción o pŕoximo. Se non colabora, a unión amosada pola sociedade en Ribadeo fará complicado que a conselleira e outros representantes da Xunta se acheguen a Ribadeo, pero non botará embaixo totalmente o proxecto. A dilación ó día 9 de setembro implica o paso do verán e evitar, por exemplo, unha nova manifestación festiva, pero ó tempo, implica unha procura de xeito de colaboración por parte da Xunta para non defraudar a Ribadeo.

Comezaron as festas

Onte pola noite comezaron as festas. Non sen polémica(s) previa(s), e xa postos, previsiblemente quede algunha cousa para polemizar. O primeiro foi a rexeitamento do alcalde á impartición pegoeira por unha política do PP relacionada cun caso de corrupción, o que orixinou un baile na comisión de festas: alomenos nominalmente, o presidente deixou de selo para se un sinxelo comisionado máis. O certo é que non atopei referencia a quen o substituíra, pero así apareceu nos medios que vin, e é de supoñer que alguén outro da comisión pasaría a ser presidente. Por certo, o pregón, ó final, estivo a cargo de Julio Carballal, exdirector de Radio de la Costa-Cadena Cope.
Esta semana saltou a segunda polémica, que por un tempo de onte pola mañá deixou a Ribadeo sen festas: o horario de verbena. O ano pasado houbo protestas polo ruído a altas horas, e este ano o alcalde dixo que non a unha parte do horario, amezanado a comisión de non haber festas porque non lles resultaba rendible ós instalados no feiral. Hai que lembrar que o ano pasado a comisión dixo que quedaran 6 000 € favorables nas contas ó final. Este ano a cousa rematou con algún cambio, segundo a nota que apareceu na rede un par de horas despois de que a comisión 'rompera a baralla' co alcalde, que corto e pego:
Tras la decisión tomada por el alcalde de ribadeo de recortar el horario inicialmente pactado, es decir, el mismo de todos los años anteriores y viendo el trastorno económico que esto nos supone, la comisión en pleno nos vemos obligados a tomar las siguientes decisiones para poder continuar con las fiestas:
1.- La discoteca Movil MM traslada su actuación del miércoles 5 al domingo 9. EL Domingo 9 se suspende la contratación de ninguna orquesta quedando solo la discoteca móvil MM. 
2.- Se suspenden todos los fuegos artificiales durante las fiestas, incluida la Traca del 7. 
3.- Nos vemos incapacitados, muy a nuestro pesar, a pagar unos gaiteiros que acompañen a los cocos el día 9, por lo que a falta de que algún grupo se preste altruistamente a acompañarlos no podemos garantizar que salgan. 
Es muy doloroso para nosotros tener que tomar estas decisiones, pero nos vemos en la obligación de tener que hacerlo para poder garantizar el pago de todo lo que tenemos contratado a día de hoy. 
La comisión os desea felices fiestas y espera que esto no influya en el ánimo de la gente y venga a ribadeo a disfrutar de unas grandes fiestas.
Corto e pego asemade a nota do alcalde, anterior á da comisión:
O GOBERNO TENTA CONCILIAR INTERESES CONTRAPOSTOS
Festas patronais 2012
31/08/2012
O alcalde de Ribadeo, Fernando Suárez, pide comprensión aos veciños polas molestias que poidan ocasionarlles as festas patronais e demándalle sentidiño á comisión de festas, á que lle lembra que hai moita xente que traballa e que precisa descansar. Suárez Barcia fai unha chamada ao respecto mutuo entre unha parte e a outra.
O rexedor sinalou que "ao igual que non hai moito tempo moita xente cuestionaba que as festas da patrona de Ribadeo non tiñan a calidade doutras moitas que se puideran celebrar en calquera parroquia de calquera pequeno Concello dos arredores, debo dicir que tanto o ano pasado coma éste a calidade e a cantidade dos eventos dos festexos fai que Ribadeo volte estar no mapa das festas patronais que un concello poida merecer. Isto é importante e hai que valorarllo á comisión de festas porque moitas veces de maneira abnegada, con moitas incomprensións, ten que traballar, recadar diñeiro, etc".
Suárez Barcia explicou que "digo esto de primeiras porque parece ser que a comisión de festas está molesta porque desde o Concello de Ribadeo lles poñemos algún límite aos horarios máximos das actuacións. Debo dicir que o goberno municipal de Ribadeo e o alcalde o somos para ben e para mal alcalde e goberno para todos, para os que nos votaron, para os que non nos votaron, para os que toman as copas nas festas, para os que sirven as copas nas festas e para os que nas festas durmen porque teñen que traballar ao día seguinte". O alcalde asegurou que "por todos istes motivos o noso labor é máis complicado porque temos que conciliar intereses contrapostos, hai determinadas liñas que non podemos cruzar e non cruzaremos nunca, nunca cederemos a ningunha chantaxe, aínda que penso que non chegaremos a esa circunstancia".
O goberno municipal pídelle á cidadanía de Ribadeo "que sexa comprensiva sobre todo os días grandes, o venres e o sábado, onde todo se pode alongar un pouco máis do debido. Pídolles comprensión aos veciños para que fagan o esforzo de aturar ruidos e música máis aló dos límites que poden ser normais. Pero tamén lle pido á comisión de festas que nos días de semana, que son de festa, pero tamén sabemos que hai moita xente que ten que madrugar, que ten durmir e descansar, porque non é igual ter un ou dous días de festa que ter seis ou sete… hai moita xente que se sinte moi incómoda con esta situación porque non poden pegar ollo durante toda a noite e pídolles que, con sentidiño, nos días de semana sexan consecuentes e razoables e que vaian cortando a música de xeito razoable para que a xente poida durmir unha parte importante da noite".
Suárez Barcia indica que "o que se fale de nós por aí adiante repercute no comercio, repercute na propia imaxe de Ribadeo e nós nin estamos nunha parte nin na outra, as festas son de todos, todos temos que saber respectar, porque tamén eses días hai excesos, pero a outra parte debe saber comprender que hai moita xente que precisa descansar".
No pobo, tras saír nos medios a nova do enfrontamento, había comentarios diversos, entre eles, 'xa verás como cando teñan que afrontar o pago das orquestras contratadas sen tocar, cambian de opinión'. E parece que algo así pasou, aínda que as festas deste ano non sexan tanto negocio como as do ano pasado.
E o comezo das festas? ... pois cunha semana de antelación ó día da patroa, tomadas como unha continuación do verán.
Mentras, hoxe volve saír o sol para comezar un mes despois dun agosto excepcional ...

RIBADEO, ¿UNA VILLA O UNA CIUDAD? José María Rodríguez Díaz (2007)

   Pasaron as eleccións e está en xogo o modelo do Ribadeo que queremos. A disyuntiva que presenta José María Non é nova nin vella, pois abrangue un longo periodo de Ribadeo. Pero si é certo que a proposta reiterada marcou o comezo da alcaldía de Fernando Suárez, que asumiu sen consulta que todo ribadense quería unha Ribadeo-cidade. Por outra banda, particularmente, sempre sentín que era máis difícil quedarse nun punto medio, aproveitando as vundades do pequeno e as avantaxes do grande -aínda que sexa, coido, o mellor-.

Miércoles, 06 de junio de 2007

RIBADEO, ¿UNA VILLA O UNA CIUDAD?

• Publicado por jmrd_ribadeo a las 16:11

Con este comentario no se pretende desvirtuar la labor desempeñada por D. Fernando Suárez Barcia en el concejo de Ribadeo a lo largo de este pasado mandato. Hay que reconocer que trabajó con denuedo. Otra cosa es valorar si ese trabajo desarrollado por el BNG es el que le corresponde hacer a un concejo. Y el pueblo se lo reconoció en las urnas. No se esperaba otra cosa, por otra parte, de quien percibía el correspondiente salario por su dedicación a la alcaldía.

Y hay que admitir y valorar como se merece la visión que tiene este político acerca de lo que debe ser un urbanismo de calidad para el concejo de Ribadeo, aunque luego, visto como transcurrieron las cosas con los convenios urbanísticos y el Plan de Urbanismo tramitados por el concejo en el mandato anterior, no demostrase ser muy consecuente con sus posturas.

Es, precisamente, de urbanismo de lo que se va a tratar en este comentario. Lleva ya mucho tiempo defendiendo insistentemente el portavoz del BNG, D. Fernando Suárez, y lo hace con obsesión recalcitrante rayana en la monotonía, la idea de que pretende convertir a Ribadeo en una pequeña ciudad. Concretamente, en el semanario La Comarca del Eo, de 19 de mayo, decía literalmente: 'Queremos demostrar que podemos, e sabemos converter a Ribadeo nesa pequena cidade que todos queremos'.

Se que esta mi opinión no representa, quizás, el sentir de todos los vecinos de esta villa. Pero, dicho esto, he de manifestar que no me siento incluido entre eses 'todos' que, según él, quieren convertir a Ribadeo en una pequeña ciudad. Mi ilusión es poder vivir en una pequeña villa, tal como es hoy Ribadeo. O como era en los años sesenta, si fuese posible, en donde todos se conocían y la vida era más humana. Y ello porque estoy convencido, en contra de lo que el Sr. Suárez Barcia opina, de que el hecho de vivir en una ciudad no me haría sentir más feliz. Es cierto, y lo reconozco, que una ciudad puede ofrecer más recursos y posibilidades que una pequeña villa. Pero no es menos cierto que genera, también, más problemas y dificultades para vivir. Alcanzar el justo equilibrio entre estos extremos es el dilema. Y no se trata de poner obstáculos al desarrollo y crecimiento natural de la villa de Ribadeo. Pero el esfuerzo de un político debe estar dirigido a convertir lo que hoy tenemos y disfrutamos en un espacio apropiado para cubrir, sin carencias, las necesidades de los vecinos. Forzar su expansión hasta convertirla en una ciudad, como nos promete D. Fernando Suárez, no creo que vaya a hacer más felices a los vecinos.

Porque, ¿Qué es y en dónde está la felicidad, ese bien supremo que todo el mundo pretende alcanzar? Lo sabía bien fray Antonio de Guevara cuando, cansado de la vida sofisticada de la ciudad y de la corte, escribió su obra famosa: Menosprecio de la corte y alabanza de la aldea. La felicidad no es otra cosa más que ese sentimiento que embarga el estado de ánimo del hombre cuando alcanza el bien deseado. Por lo tanto, la felicidad no depende de tener más calles y casas más altas, más lugares de diversión y servicios, más gente circulando por las aceras o más coches en las calles, sino de estar satisfecho con los servicios justos y necesarios que necesitamos, sin padecer carencias. Le recomendamos a D. Fernando Suárez la lectura de la novela 'El bosque de Nadgor' ⁽¹⁾. para ilustrarse sobre este tema.

Para tomar la decisión de hacer de Ribadeo la ciudad que todos queremos se debería recabar la opinión de los vecinos de Ribadeo sobre este extremo, después de explicarles las ventajas e inconvenientes de las dos opciones: vivir en una ciudad o en una villa pequeña. Porque ese es el dilema. Dar por supuesto el deseo de los vecinos, como se hace en el caso presente, es suplantar su voluntad.

¿Fueron, acaso, consultados los vecinos acerca el tipo de villa y de concejo que querían, a la hora de diseñar el Plan de Urbanismo? Los que, como el portavoz del BNG, ejercen en la política están acostumbrados a gobernar a su antojo, amparados en la representación que les dieron las urnas, pero prescindiendo de la voluntad del pueblo que les votó. Y así, las decisiones que toman pueden ser muy legales, pero no necesariamente son las mejores por estar tomadas de espaldas al pueblo. Lo que significa, una vez más, lo alejados que están del pueblo los políticos que nos gobiernan.-

José Mª Rodríguez

Outros Artigos de José María.

--

1 Novela de Farruco Graña, que no 2015 sería concelleiro no equipo de goberno de Fernando Suárez.^↩

 

Coronavirus onde non debera haber

   E onde debera de habelo?

   A nova residencia de Ribadeo está no aleiro a conto dun positivo nun testeo. Hai dúas notas de prensa -actualización, 3-, da Deputación e do Concello - + outra do concello-. Antes de deixar as dúas -3-, nesa mesma secuencia, dicir que ata o de agora a residencia ribadense mantívose limpa da enfermidade, mentres o hospital asilo, a vella residencia, sufriu un episodio que a decimou. Co comezo das vacinas, esperemos que non sexa equivalente.

 

Lugo, 10 de febreiro de 2021. O cribado periódico realizado polo SERGAS no Centro de Atención a Maiores (CAM) de Ribadeo arroxou este mércores un positivo entre as persoas usuarias, momento no que a Deputación de Lugo procedeu a illar a esta persoa e á súa acompañante de habitación.

Así mesmo, a Deputación de Lugo decidiu realizar, hoxe mesmo, probas de diagnose con recursos propios, tanto a esta persoa, como á súa acompañante de habitación e aos usuarios e traballadores que tiveron un contacto estreito con ela, co obxectivo de corroborar o resultado, dada a elevada posibilidade de tratarse dun falso positivo, tendo en conta que todos os demais residentes deran negativo no cribado periódico do SERGAS, e que o centro está pechado, polo que non se reciben visitas, nin os usuarios saen o exterior, como medida de prevención da Covid-19.

Realizadas as probas nun centro de diagnóstico lucense autorizado pola Xunta de Galicia, que consta inscrito no Rexistro de Centros Sanitarios, TODAS DERON NEGATIVO. Polo tanto, tratouse dun falso positivo.

Á vista destes resultados, a Deputación de Lugo solicitaralle ao SERGAS a realización dunha segunda proba PCR a esta persoa usuaria. Ata obter o resultado, esta persoa e a súa acompañante de habitación continuarán illadas como medida de precaución.

Así mesmo, a Deputación de Lugo informa de que toda comunidade do Centro de Atención a Maiores de Ribadeo completou a pauta de vacinación da Covid-19, excepto esta persoa usuaria que resultou ser un falto positivo, quen non puido ser vacinada por desexo expreso dun familiar, que é o titor legal, un feito que a institución provincial xa puxo en coñecemento da Fiscalía. Sendo a vontade da institución protexer á totalidade dos residentes e persoal do centro, reiterará de novo a comunicación ao Ministerio Fiscal para que a autoridade xudicial decida o que corresponda con respecto á súa vacinación.

 

DEPUTACIÓN E CONCELLO PIDEN UNHA NOVA PROBA AO SERGAS

Cribado na nova residencia

10/02/2021

O alcalde, Fernando Suárez, agarda que o Centro de Atención a Persoas Maiores siga libre do covid19 e que a única usuaria que non foi vacinada, por expreso desexo do seu titor legal, reciba as doses canto antes.

O rexedor subliñou que "non administrarlle a vacina a esta persoa supón un risco moi importante para ela e un perigo para os demais usuarios e usuarias da residencia ribadense, que ata o de agora estivo libre de covid19 e agardamos que así continúe".

O alcalde de Ribadeo agarda que o Sergas realice un novo cribado neste centro, que confirme que se trata dun falso positivo o caso detectado este mércores. Ata que esa nova proba sexa realizada tanto esta usuaria como a súa compañeira de habitación permanecen illadas, "segundo acabamos de saber  por parte dos responsables da Deputación. Quedamos á espera de poder confirmar a boa nova de que ese posible positivo se quede nun susto sen mais", engadiu. 

A Deputación de Lugo comunicou esta tarde que tras o cribado periódico realizado polo Sergas no CAM de Ribadeo arroxouse un caso positivo entre as persoas usuarias. A institución provincial decidiu encargar, hoxe mesmo, probas de diagnose a esta persoa, á súa acompañante de habitación, así como aos residentes e traballadores que tiveron contacto con ela. Todos os resultados deron negativo.

BARCIA CUALIFICOU DE DESESPERANZADORA A SITUACIÓN

Petición á Xunta

11/02/2021

O alcalde, Fernando Suárez, manifestou que "o negacionismo non casa coa nosa sociedade". Así se referiu ao caso da usuaria da residencia de maiores, que non recibiu a vacina contra ao covid19 por expreso desexo dun familiar. O rexedor pregúntase ¿qué primamos os dereitos fundamentais individuais ou a saúde pública colectiva?. Suárez Barcia demándalle á Xunta que promova, á maior celeridade posible, a adaptación lexislativa necesaria para que a saúde pública impere sobre os posicionamentos individuais, egoístas e negacionistas.

O alcalde ribadense dixo que "é moi desesperanzadora esta situación. Á vista de que na nova residencia de maiores xa se puxeron as dúas doses da vacina, só unha usuaria non a recibiu por expreso desexo dun familiar. Onte esta usuaria deu positivo en coronavirus, logo revisado cunha nova PCR semella que foi un falso positivo, o cal valorámolo como unha moi boa noticia, pero é certo que a actitude do familiar entendemos que é intolerable".

Suárez Barcia considera que "o egoísmo e o negacionismo non casan coa nosa sociedade. Debo dicir que, ademais do comportamento impecable nesta actuación por parte da Deputación de Lugo, desde o Concello de Ribadeo consideramos que non é axeitado que as persoas que convivan nunha residencia municipal non apliquen a vacina, ben por desexo propio no caso de que teñan a vontade intacta ou ben por desexo dos seus familiares no caso de que estes teñan a tutela".

O rexedor sinalou que "o certo é que vivimos nuns momentos moi complexos e desde os Concellos, como é o caso do noso, abondo temos con xestionar o día da día das residencias públicas, e aquí dáse unha pregunta que hai que resolver inmediatamente, ¿qué prima primeiro se os dereitos fundamentais individuais ou a saúde pública colectiva?. Polo tanto, sendo competencias galegas como son o caso da saúde pública e máis dos servizos sociais, eu vexo necesario que a Xunta de Galicia promova, á maior celeridade, a adaptación lexislativa necesaria para garantir que a saúde pública impere sobre os posicionamentos individuais egoístas e negacionistas. E polo tanto, poida ser de obrigado cumprimento, para ter acceso a un servizo asistencial como é unha residencia de maiores, a aceptación da vacina contra o covid19".

A voltas cos cortes de luz. #cortesdeluzRibadeo

De novo queixas. De novo, desorde para presentalas. De novo, confianza en que novas infrastuturas eliminarán os cortes. De novo, unha ilusión que non contempla organización para esixir nin cartos para mantemento.
Onte unha nota de prensa do concello voltou á liña habitual nestes casos: veñen a queixarse ó concello, quéixome no seu nome.
Cunha conciencia social das empresas, posiblemente abondara. pero hoxe as empresas usan a conciencia social como señuelo, non como día día. E, dentro do conxunto, as eléctricas non se distingue precisamente pola preocupación social.
A clave estaría nunha estación eléctrica (subestación) que leva arrastrado problemas xudiciais e á que se lle botan as culpas porque é moi doado e así respáldase a posición da empresa en relación á súa construción. Polo que parece, a construción, 'que nunca Ribadeo tivo' vai 'resolver de maneira moi importante' o problema. Mentres, as liñas e o seu coidado no monte non se tocan. Si no centro urbano de Ribadeo, rematando a nota nun 'confiamos' despois dun 'expreso un desexo'. A alguén lle soa 'obras son amores, que non boas razóns'?.

Imaxe do Sigpac (xa vella) centrada no lugar de construción da subestación. Arriba á esquerda, a Autovía e Tubolens. Arriba á dereita, a circunvalación. As casas da esquerda, Folgosa. Os dous 'camiños' abertos na vexetación son para a liña eléctrica pra a subestación e para o gas.

BARCIA ESPERA QUE SE VEXA A LUZ AO FINAL DO TÚNEL
Cortes de luz
04/10/2017
O alcalde, Fernando Suárez, agarda que a finais de ano estea rematada a subestación eléctrica de Ribadeo e as obras de mellora na rede de máis de 6 quilómetros de vello cableado na vila. Deste asunto falou cos responsables da compañía tras os últimos micro cortes de luz que se produciron nas últimas horas e que orixinaron queixas da veciñanza e do empresariado local.
O rexedor dixo que "en relación con esta situación de queixa por estes cortes no subministro eléctrico que habitualmente se veñen producindo en Ribadeo e que xeran moitas queixas entre a veciñanza en xeral e entre o pequeno comercio en particular, eu agardo que de aquí en adiante e a curto prazo sexan boas novas as que vaiamos tendo, que vaian encamiñadas a resolver todas estas incidencias que sufrimos".
Suárez Barcia explicou que "digo isto porque despois de estar falando cos responsables da compañía eléctrica e no que ten que ver coa construción da subestación eléctrica e co grao de execución desta obra tan importante, despois de salvar as cuestións xudiciais que tivo o proxecto paralizado durante varios anos e que as obras foron reanudadas hai uns meses, é polo que se me indica por parte da compañía eléctrica que a previsión de remate das mesmas, que ía ter lugar a primeiros do 2018, quizais se poida anticipar a finais deste ano xa que os traballos avanzan con maior rapidez da programada inicialmente. E iso, segundo os responsables da compañía eléctrica, o de que Ribadeo dispoña dunha subestación, que ata agora nunca na súa historia tivo, vai resolver de maneira moi importante toda esta problemática".
O alcalde ribadense engadiu que "por outra banda, tamén me gustaría dicir que a xunta de goberno municipal autorizou varias licencias de obras, que presentou a compañía eléctrica para a renovación e reforzo das instalacións de cableado eléctrico de media tensión no ámbito urbano fundamentalmente. Estas actuacións teñen como misión a substitución de vellos cableados nunha lonxitude aproximada duns seis quilómetros e medio por diversas rúas da nosa vila. Esa rede de vello cableado tamén deu moitas veces nestes últimos tempos a importantes problemas de apagóns, etc. Como agora xa dispoñen de autorización municipal confiamos que se inicien axiña estas obras e o resultado poida estar realizado a finais deste 2017".
Suárez Barcia manifestou: "expreso un desexo, a ver si por fin podemos empezar a ver a luz ao final do túnel, que ven moi acaído para o momento, e ver que esta problemática eléctrica padecida ao longo destes anos se lle pon fin dunha vez por toda. Confiamos que sexa así".
Por certo, que dos cortes de luz de onte non teño datos en #cortesdeluzRibadeo.

Un novo pleno baleiro (de xente, non de contido)

Como manda a costume e o impón o xeito de facer as cousas, o martes houbo un pleno no que asistiron de público catro persoas, periodistas incluídos. Non debía de ser moi importante, pois total, só se trataban cousas de pouca monta como o orzamento municipal.
Por partes. O documento que apareceu na web do concello dando difusión á convocatoria do pleno de martes 29 de marzo de 2016 teno tempo de colgado na rede en 'Lun 28 Mar 2016 21:01:21 CEST'. Tendo en conta que o se comezo eran as 20:30 do día seguinte, menos de 24 horas de antelación 'con nouturnidade'. De calquera xeito, aínda que non se chegue ó recomendable, representa unha mellora sobre o xeito de facer as cousas tan só un ano atrás, onde dita difusión non existía máis aló dun papel perdido no taboeiro do concello.

Por certo, como pequeno comentario: hai xusto un ano outro pleno modificaba outra vez a ordenanza municipal da praza de abastos. E hai ano e medio, outra vez. A pobre debe estar xa mareada.
A convocatoria estaba incluída nunha nova de difusión do concello:
"

Novas

A SESIÓN DARÁ COMEZO ÁS 20:30 HORAS

Pleno ordinario

28/03/2016

No pleno ordinario que se celebrará mañá, martes, no Concello ribadense someterase a aprobación o presuposto municipal para 2016 que ascende a 9 447 000 euros, o que supón un incremento do 4% con respecto ao do ano pasado. Nos orzamentos destínanse a investimentos reais 1 767 000 euros, segundo explicou esta mañá o alcalde, Fernando Suárez.

O rexedor sinalou que á sesión de mañá "van varios asuntos de interese municipal e dos mais transcendentes pode ser o presuposto municipal para este 2016, que ascende a 9 447 000 euros. Sofre un incremento do 4% con respecto ao do ano pasado e no que hai que destacar que en materia de ingresos de impostos directos e indirectos seguen sen experimentar subidas mais aló do que ten que ver co IBI, mais aló da regularización que levou a cabo o Ministerio de Facenda, a través da Dirección Xeral do Catastro, derivadas de unidades que non foran declaradas anteriormente polos seus propietarios. E hai outro incremento, que é o do imposto da plusvalía, non porque subiramos os ratios nin as taxas nin as porcentaxes, senón motivado por un maior movemento que se está a experimentar nos últimos tempos nas compra vendas de bens inmobles aquí en Ribadeo".
Suárez Barcia indicou que "no que ten que ver co gasto e coas transferencias correntes incrementan un 7,85% para transferencias a distintas áreas como pode ser educación, servizos sociais, medio rural, cultura, deportes, turismo, etc… e no que ten que ver cos investimentos reais ascenden a 1 767 000 euros. Mantemos o nivel de investimentos do ano 2015 e destacan para este ano as partidas para a anualidade da residencia e para as obras de reparación de rúas da Área de Rehabilitación Integral de Ribadeo, e tamén doutras actuacións importantes en obras e asfaltado en rúas e camiños, en mobiliario urbano, en instalacións deportivas, etc".
O alcalde subliñou que "tamén neste ano contemplamos, e esperemos que sexa de inicio nada mais, a posible concertación dunha operación de crédito bancaria para facer fronte, si é preciso, para financiar a construción da residencia, desa parte non comprometida inicialmente polo Concello, si comprometida por algunha outra administración como a Xunta, que a día de hoxe nin está nin se lle espera, si o compromiso da Deputación Provincial de Lugo, pero en tanto non teña aprobados os seus orzamentos obríganos ao Concello de Ribadeo a concertar esta operación de préstamo que inicialmente establecementos en 550 000 euros. Si efectivamente a achega da Deputación despois chega esta operación cancelaríase e quedaría amortizada, pero en todo caso é boa cousa prevela porque queremos que a residencia se acabe con toda normalidade". E engadiu: "e relacionado con isto último destacar que se reducen os xuros da débeda bancaria que había no pasado, porque hai anos que non se pide préstamo algún e reduciuse o 64% por vencemento de préstamos, é dicir remataron a súa vida aínda que foran solicitados hai anos. Durante estes últimos anos estivemos pagando e reducíronse moitísimo e iso nos da capacidade de certo endebedamento, que tentaremos que sexa o mínimo posible, por suposto".
Na sesión ordinaria de mañá, 29 de marzo, ás 20:30 horas tamén se someterá a aprobación a modificación puntual de varias ordenanzas: "propoñemos as modificacións puntuais de varias das ordenanzas que temos. No que ten que ver coa nosa compañeira Luz, que é a concelleira encargada da escola de música, prevé a modificación da ordenanza deste centro para incorporar varias posibilidades formativas, como poden ser os obradoiros de instrumentos para alumnado de 6 a 7 anos ou mesmo, en vista da demanda que está a ter como complemento da música tradicional, tamén se quere propoñer a creación da materia de percusión tradicional, así como a ampliación de catro a cinco cursos académicos das materias de danza moderna e de ballet clásico; por outra banda, a concelleira de Sustentabilidade Ambiental, Paz Ermida, propón a modificación da ordenanza vixente de medio ambiente, que data do ano 2006, para a creación dun espazo exclusivo para o esparexemento, para o lecer e para o baño de cans, que ao mesmo tempo teremos que sinalizar axeitadamente".
Suárez Barcia dixo que "na actualidade hai un grande número de persoas no concello que teñen un can como animal de compañía e sabemos que teñen restrinxido o seu acceso a moitas zonas, como espazos públicos, e entón desde o Concello somos sensibles a unha demanda crecente e estivemos nestes últimos tempos a traballar na habilitación dun espazo que fora utilizable para estes potenciais usuarios e ao mesmo tempo que garanta o cumprimento das condicións hixiénico sanitarias para a poboación de Ribadeo. E o espazo que eliximos como área exclusiva de esparexemento e lecer para os cans atópase situado debaixo da Ponte dos Santos practicamente, indo para o Cargadeiro nunha baixada cerca da primeira pilastra da ponte, que é un lugar moi pouco concorrido e por esas condicións parécenos axeitado como un primeiro espazo público para que os donos de cans poidan estar con eles alí con total normalidade e ao mesmo tempo que non molesten noutros espazos, singularmente noutras praias. Tivemos varias posibilidades e inicialmente decantámonos por esa, sen prexuízo de que no futuro se poidan estender a outros emprazamentos".
Ademais "hai outra ordenanza na que a nosa compañeira Ana Martínez, a concelleira da praza de abastos, do mercado e de Desenvolvemento Local, pretende facer pequenas modificacións: é na da praza de abastos e dos mercados en xeral, dado que ultimamente hai novas tipoloxías, modificacións de mercados e de postos, polo que hai unha suma de pequenas cousas que debemos ir facendo para adaptarnos aos tempos e que os mercados e a praza de abastos de Ribadeo estean cunhas ordenanzas modernas, dinámicas e flexibles", seguiu a explicar o alcalde ribadense.
E finalmente "como outro punto neste pleno prevense unhas modificacións da Relación de Postos de Traballo (RPT), que son uns cambios moi pequenos, moi concretos, moi puntuais derivados basicamente do que ten que ver co posto de traballo do xefe da Policía Local, en cumprimento dunha sentenza que indica o deber de subsanación das deficiencias no tocante ao seu complemento específico; por outra banda, a consignación económica do posto de Tesourería, dado que foi incluído polo Ministerio de Facenda hai moi poucos meses no concurso estatal reservado a funcionarios de habilitación estatal precisamente e como ata agora sempre estivo vacante debémolo consignar por este requirimento legal. E ao mesmo tempo tamén queremos facer unha pequena reordenación das funcións do posto de ordenanza municipal e a adaptación a outra praza similar, neste caso diminuíndo as retribucións do posto en cuestión", concluíu o alcalde.

"
Como se ve, a nova remata cunha longa cita do alcalde.
Despois do pleno, outra nova cun título que expresa ás claras os puntos importantes do pleno, e como non, remata con outra cita do alcalde (despois de ser outras citas o groso do texto, como no caso anterior). Por certo, aparecen aclaracións: o alcalde asegura que os partidos recibiron hai 11 días a documentación do orzamento, e iso porque no pleno queixáronse de non ter tempo a leela, e por iso as abstencións que houbo:
"

Novas

RIBADEO CONTARÁ CUN LUGAR DE BAÑO PARA OS CANS

Orzamento para 2016

30/03/2016

No pleno celebrado onte no Concello foi aprobado o orzamento municipal para 2016 que ascende a 9,5 millóns de euros. O alcalde, Fernando Suárez, asegurou que os partidos da oposición recibiron hai 11 días a documentación correspondente e cualificou de rechamante a súa actitude. O rexedor considera que si tiveron problemas coa recepción por correo electrónico da información puideron dirixirse ao Concello e consultar en formato papel dita documentación.

Suárez Barcia dixo que "foi un importante pleno este ordinario que celebramos onte á noite, no que se abordaron unha serie de puntos importantes para Ribadeo. Eu penso que todos son importantes, pero hai un que destaca, que é o orzamento do Concello de Ribadeo, que neste ano ascende a practicamente 9 millóns e medio de euros, o cal supón un aumento dun 4,03 por cento. Cóbrense investimentos importantes que nos afectan a todos, tanto á xente que vive nas parroquias como á que reside na vila. Hai que ter en conta que cubrimos practicamente 1 800 000 euros de investimentos reais, que son financiados con recursos propios do Concello e con outros procedentes doutras administracións. Son para poder manter e repoñer nas distintas áreas do concello con obras de asfaltados en rúas e camiños, en mobiliario urbano, instalacións deportivas, etcétera, aparte de todo o investimento que queremos seguir mantendo en servizos sociais, en cultura, en deportes, en igualdade, etcétera".
Sobre a actitude mantida polos partidos da oposición na sesión plenaria dixo "debo destacar que é un pouco sintomático que estes puntos outros anos sempre daban lugar a debates, pois é lóxico que a oposición a veces queira expoñer os seus argumentos e contrastalos, o cal nos parece moi ben, pero este ano é un pouco rechamante que a maioría da oposición dixo que non recibira ben o correo electrónico con esa información e que polo tanto non o podía debater. Eu quero dicir que toda a documentación que se manda a través dos procedementos electrónicos chegou 11 días antes da celebración do pleno e se houbo algunha incidencia tiveron tempo para vir comunicarllo ao funcionario responsable dos envíos; e en todo caso, máis aló dos envíos a través dos correos electrónicos, sempre obra na Secretaría do Concello unha copia en papel e todos os expedientes, como todas as Corporacións e todos os gobernos anteriores foron facendo ao longo da historia, xa que antes non se mandaban as convocatorias nin a documentación por correo electrónico. Agora, por unha deferencia, faise, pero desde logo se alguén non as recibe pode comunicalo porque se mandan con moita antelación. Varios grupos da oposición abstivéronse, non quixeron votar a favor deste orzamento, pero non por discrepar con el nas cifras ou polas liñas de traballo, senón porque dixeron que non recibiran o correo electrónico 11 días antes".
O alcalde indicou que "este presuposto acaba de nacer, pero afortunadamente hai unha parte que tíñamos comprometida a través dun préstamo bancario, que en función destas noticias positivas para a provincia, e tamén para Ribadeo, de que a Deputación Provincial no día de onte aprobou o seu orzamento anual, entendemos que o compromiso que o goberno provincial do PSOE e do BNG con Ribadeo para asumir aquela parte que case toda a Corporación, non toda lamentablemente, lle pedíramos porque se a Xunta non facía fronte ás súas responsabilidades e aos seus compromisos de financiar aquela parte de 500 000 euros para rematar a residencia de maiores si o faría a Deputación. Como finalmente no día de onte o organismo provincial aprobou o seu orzamento, confiamos e entendemos que nos próximos días se fará un convenio para garantir economicamente ese compromiso político con Ribadeo. E así o Concello de Ribadeo non terá que acudir a un préstamo externo para poder sufragar esa cifra".
Fernando Suárez manifestou que "hai que ter en conta que nestes últimos anos, e así se reflexa no orzamento deste 2016, os xuros da débeda con entidades financeiras reducíronse un 64 por cento; por unha banda polo vencemento dos préstamos, dado que hai anos que non se piden, e por outra banda pola tendencia á baixa nos tipos de xuro para as operacións que están aínda en vigor de anos atrás. Pero con todo, con esta boa noticia da Deputación o nivel de endebedamento crediticio non sufrirá aumentos, senón todo o contrario".
O rexedor dixo que "na orde do día foron aprobados de xeito unánime ou case unánimes, tanto a modificación da ordenanza municipal medioambiental na que contemplamos un espazo para esparexemento e baño para os cans. Empezaremos cunha zona moi pequeniña situada debaixo da Ponte dos Santos. Se iso funciona ben igual poderíamos crear outras zonas, pero de momento empezamos por aquí. Tamén foi para adiante a modificación da ordenanza reguladora da praza de abastos, mercadiños e venda ambulante e por unha ampla maioría se aprobou a modificación da ordenanza da escola de música para prever algunha nova incorporación de servizos, aumentar algún curso no que ten que ver con baile moderno e ballet, percusión tradicional e algúns outros cursos e obradoiros demandados pola cidadanía. Non hai que esquecer que esta Escola de Música de Ribadeo da servizo a más de 300 alumnos e é un orgullo para Ribadeo e para Galicia contar con ela".
Suárez Barcia engadiu que "dentro do apartado de rogos e preguntas que fai a oposición moitos deles con total fundamentación como poñer algúns espellos que faltan, amañar algúns camiños que non están ben dos que tomamos boa nota sobre todo nun acceso a Ribadeo que depende do Ministerio de Fomento, na rotonda da Opel, que se fixo hai uns meses un corte e que a reposición non está correcta, e desde logo xa dimos conta ao Ministerio de Fomento desta incidencia". E tamén se referiu "a estas incidencias que se dan no polígono industrial de Ribadeo a conta dos fallos de telefonía de Movistar, no que lles comentamos aos corporativos que hai moi pouquiños días por parte desta operadora se nos  asegurou o compromiso de resolver dunha vez por todas esta incidencia e que os máximos responsables a nivel galego ían vir aquí a dar a cara diante de todos os usuarios e empresarios do polígono industrial de Ribadeo".

"
Polo que me contaron (non asistín), debeu de ser un pleno realmente curioso [non sei como non vai máis xente para observar as curiosidades] que mesmo tivo un receso que foi ofrecido para que o membro dun partido clarificara as ideas en relación a unha proposta do propio partido, chamando a quen correspondera. Os orzamentos non tiveron discusión, cousa inédita aínda tendo maiorías absolutas o equipo de goberno, e que é reseñada na glosa do alcalde.
E, despois das verbas do alcalde... nada máis que dicir.

O pleno de xoves, para a posteridade

O pleno do xoves pódese ver agora en vídeo, xentileza do PSOE ribadense, e póñoo a continuación despois da entrada anterior, coa parte do pleno correspondente á pregunta sobre a illa Pancha:

É de esperar que a calidade vaia mellorando... e a respostas, tamén.
Como contraste e comparación, deixo abaixo a nota de prensa do concello, posterior ó pleno, pensando no que di, no que non di, e en como o di:
"

APROBÁRONSE UNHA MOCIÓN DO PSOE E OUTRA DO BNG

Pleno, onte

22/09/2017

O alcalde, Fernando Suárez, amósase sorprendido e indignado polo abandono por parte dos concelleiros do Partido Popular do pleno celebrado onte, cando membros da plataforma sanitaria acudiron á sesión portando unha pancarta en defensa da área sanitaria da Mariña. O rexedor considera que é un asunto que preocupa moito á veciñanza de Ribadeo e que había que debater. Suárez Barcia subliña que o PP onde é oposición, como en Asturias, critica a fusión encuberta das áreas sanitarias e onde é goberno, como en Galicia, di todo o contrario e nega que isto sexa así.

O alcalde ribadense cualificou a sesión de "interesante" en referencia a "este pleno ordinario que tivo lugar onte á noite en Ribadeo, onde moitos dos asuntos eran técnicos e económicos sobre todo para dar conta da marcha da economía municipal que, sen ser a mellor do mundo, imos tirando con moita dignidade con remanentes de tesourería positivos e con períodos medios de pago máis que decentes".
Fernando Suárez dixo que "había outros puntos na orde do día dun pleno que non son tan técnicos, son de debate sobre cuestións que lle afectan tamén aos nosos veciños e ás nosas veciñas e aínda que non teñan que ver directamente co Concello de Ribadeo si que a Corporación, como órgano colexiado e político, quere poñer o seu grao de area para dar a súa opinión sobre algo se lle gusta ou non. Estoume referindo á proposta que trouxemos sobre o mantemento da área sanitaria da Mariña".
O rexedor ribadense subliñou que "é algo que está no debate público, e que moitísima xente e moitísimos profesionais da sanidade pública do Hospital da Costa nos manifestan a diario, e estamos vendo que hai unha clara intención do goberno galego a través da aprobación desta nova lei de saúde pública de que desapareza a área sanitaria da Mariña e de que o Hospital da Costa sexa un mero apéndice e un mero ambulatorio do HULA de Lugo".
Para Suárez Barcia "a nosa sorpresa foi cando o grupo municipal do Partido Popular abandonou o pleno porque varios integrantes da Plataforma da Sanidade Pública da Mariña entraron no salón de plenos cunha pancarta que poñía Non á supresión da área sanitaria da Mariña. Entraron con educación, sen abrir a boca e en absoluto increparon a ninguén, simplemente despregaron unha pancarta. Eu levo varios anos xa no Concello de Ribadeo e vivín cando había plenos con duascentas persoas, cando había tensión nos plenos, incluso vivín no mandato anterior cando esta mesma Plataforma Sanitaria entrou cunha pancarta e non pasou nada. Quizais eran outras as persoas que estaban na Corporación anteriormente".
O alcalde ribadense explicou que "o que me indigna a min, e entendo que ao resto de grupos da Corporación que alí quedaron, é o marcharse para faltar a un debate. Noutros mandatos anteriores había valentía de todos os grupos para manter as posicións propias aínda que foran contrarias ao sentir xeral do pleno ou ao do público asistente, pero o que vimos onte non ten parangón. Os membros do grupo municipal do PP non son capaces de romper a disciplina de partido, nin de defender algo que é obvio nun tema que tanto afecta á xente da Mariña e particularmente a nós, á xente de Ribadeo".
Fernando Suárez insistiu en que "o que estamos dicindo, e o que di a Plataforma da Sanidade Pública da Mariña e os profesionais de Burela con respecto a esta modificación da lei é que antes os recursos estaban en función das necesidades da poboación e que agora con este proxecto de lei que está en trámite, estarán en función dos recursos económicos existentes que o goberno de turno, é dicir o goberno do PP da Xunta de Galicia, queira incorporar, e iso é algo que é fundamental. Polo tanto non querer debater, non querer asumir ou non querer dar a cara nestes debates deixa moito que desexar destes representantes do pobo. A min tamén me molesta cando me critican, ou cando poida haber xente no público que non estea de acordo co que nosoutros opinamos, pero non por iso nos marchamos. Iso é algo que para ser concelleiro había que telo claro desde o momento en que un se quere presentar a unhas eleccións".
O alcalde ribadense engadiu que "o resto de grupos da Corporación estivemos de acordo, o Bloque, o PSOE e Ciudadanos, en que queremos poñer o noso grao de area e opinión pública en que non queremos a supresión da área sanitaria da Mariña, e non o dicimos nós porque non sexamos parte do goberno galego. Facíame moita graza escoitar onte mesmo á presidenta do PP asturiano como se laiaba de que o Principado de Asturias, que non está gobernado polo PP, estea facendo unha fusión encuberta de áreas sanitarias, o mesmiño que aquí. Alí o PP está na oposición e por iso se laia tanto, pero aquí en Galicia como o PP goberna na Xunta todos os seus lacaios no resto de Concellos en vez de romper unha lanza en favor do sentido común prefiren marchar do pleno e non debater convenientemente as diferentes opinións políticas".
Mocións
Fernando Suárez tamén se referiu a outros asuntos tratados no pleno de onte que "o resto de grupos que quedamos alí acordamos aprobar por unanimidade unha moción do PSOE para instar á Xunta de Galicia ao incremento económico dos plans de mellora de camiños municipais, e unha moción do BNG sobre o Pazo de Meirás e a Fundación Francisco Franco no senso de facer unha condena pública das actuacións e das actitudes da Fundación Franco e da súa familia ao respecto da situación de vergoña e espolio na que manteñen o Pazo de Meirás. No apartado de rogos e preguntas houbo varios feitos pola oposición nas que algunhas teñen razón e intentaremos corrixir e outras coas que non estamos de acordo explicamos cal é a nosa motivación". 
 "
 Por último, aínda agora non podo acompañar a entrada coa convocatoria porque non está dispoñible na rede.

2º aniversario da residencia de maiores de Ribadeo (a nova, a que está pedido que se chame José Mª Rodríguez)

   14 de xuño. Parece mentira... xa dous anos da residencia. Dous anos, de que? Se nos atemos á nota de prensa do concello (abaixo), non queda claro. Se repasamos ribadeando, atopamos con data 12 de xuño unha nota de prensa da Plataforma pro residencia na que se di que o venres seguinte (14 de xuño) ás 5 da tarde entrarían os primeiros oito residentes. Referíase á nota do concello do día 11 de xuño onde se daban os detalles da apertura, feito que é confirmado en nota de prensa do concello do día 14. E entón xa queda claro.

   Fago unha pequena introdución porque a nota de prensa que deixo abaixo coido que non recolle a historia máis que nunha versión particular. E é que se se comeza un parágrafo cun 'O rexedor lembrou que "tivemos que loitar contra a incomprensión da Xunta (...)' parece que o actor dese plural é a corporación municipal encabezada polo alcalde. Quen bote unha ollada ó recollido no blog sobre a residencia de maiores de Ribadeo, pedida pola Plataforma pro residencia encabezada por José Mª Rodríguez como persoa e pola AVV O Tesón como entidade que chamou a outras de todo o concello, sacará unha conclusión abondo diferente. E codio que a 'Historia de una epopeya felizmente concluída', un escrito de José Mª Rodríguez de hai máis de cinco anos, déixao claro expoñendo a sucesión de feitos. Asemade, o escrito-nota de prensa tampouco da fe dun compromiso incumprido de hai xa dous anos e medio, relativo ás alegacións presentadas ós documentos aprobados inicialmente no concello para o funcionamento da residencia.

   E agora si, despois destas lembranzas, pódese ver a 'nota de prensa do concello', comparar...

A foto que acompañaba á nota de prensa

As fotos que acompañaban ó presentado no muro das redes sociais polo alcalde:

A nota de prensa:

HOUBO MÚSICA, EXPOSICIÓN E XANTAR ESPECIAL NO DÍA DE HOXE

2º aniversario da residencia

14/06/2021

O alcalde, Fernando Suárez, subliñou que a nova residencia de maiores de Ribadeo funciona moi ben e que é un orgullo para a localidade. Faino no segundo aniversario da súia posta en marcha. O rexedor sinalou que "agora toca facerlle fronte a outros desafíos como a reforma do Hospital Asilo". Suárez Barcia agarda que "a Xunta redima as súas penas e decida apoiar intensamente esta nobre actuación".

O alcalde ribadense dixo que "se cumpren nestes momentos dous anos desde que a nova residencia municipal de maiores de Ribadeo iniciase felizmente a súa nova andaina. Foran oito anos de traballo, de obxectivo teimudo e imperturbable de empeño en que Ribadeo tivese un novo centro residencial, posto que sempre houbo unha demanda social de máis prazas públicas en Ribadeo". 

O rexedor lembrou que "tivemos que loitar contra a incomprensión da Xunta, pois non vía necesario facer unha nova residencia en Ribadeo porque, como dicían naqueles momentos, non podía haber residencias en todos os sitios como atampouco podía haber polígonos industriais ou piscinas en todos os concellos. Contra todas as negativas daquela, contra todas as demoras e contra todas as faltas de compromiso dos responsables da Xunta daquel momento, fomos erguendo un parapeto, fomos facendo oídos xordos a esas voces que nos querían facernos resignar e fomos atopar o apoio, o compromiso e a defensa dos dereitos dos maiores, dos máis vulnerables, onde o atopamos sempre, na Deputación de Lugo". 

Fernando Suárez indicou que "foi esta institución a que nos axudou economicamente tanto na construción do inmoble como, o que se tornou case máis importante, que é a súa xestión, o seu mantemento e o seu control para converterse neste momento nun dos modelos de xestión máis notables dos que a lexislación vixente nos permite. É dicir, unha xestión pública e directa por parte de dúas administración, o Concello e a Deputación, para xestionar a vida, a longa vida diría eu, dos seus moradores, en número máximo de 48".

O alcalde manifestou: "quixemos, polo tanto, dar cumprimento a aquelas tres premisas, que sempre dicíamos, de ter unha nova residencia en Ribadeo, preferentemente para os de Ribadeo (sen prexuízo de coller a outros da comarca, por suposto) e a prezos asumibles para as súas rendas. Eu penso que este obxectivo conseguímolo. A residencia a día de hoxe funciona moi ben e é un orgullo para todo Ribadeo. Eu como alcalde agardo que esta celebración do segundo ano de funcionamento sexa un preludio de moitísimos anos máis de feliz estancia dos nosos maiores".

Suárez Barcia engadiu que "agora, como sempre, toca manter este reto, este soño colectivo feito realidade, do que nos sentimos moi orgullosos, pero tamén temos que facerlle fronte, agora tamén, a outros desafíos nos que estamos metidos como é, por exemplo, a mellora e a reforma do Hospital Asilo de Ribadeo. A ver se agora a Xunta de Galicia redime as súas penas e decide apoiar intensamente esta nobre actuación xa que non o fixo coa residencia. Habémolo ver en seguidiña".

Xunto aos usuarios e usuarias da nova residencia de maiores estiveron hoxe o alcalde, Fernando Suárez, e a concelleira de Servizos Sociais, Mónica Freire.

--

Nota de prensa da Plataforma pro residencia