Hôzuki. Aki Shimazaki. Rinoceronte Editora. ISBN 9788417388317. Cangas do Morrazo 2019
Lido (por segunda vez, desta en galego) para un clube de lectura, cortiño (110 páxinas) e engaiolante, asemella a un dos contos con varios niveis, para diferentes idades, ó estilo do Principiño. Ben escrito no francés orixinal, aínda que escritora e ambiente sexan xaponeses, está impecablemente traducido ó galego. Presenta unha historia sinxela sobre o destino da xente, pero das mulleres en particular, centro da historia e do mundo que representa, e máis aínda, sobre o que representa ser nai. Un pracer de lectura condensado, se queres, nunhas poucas horas dunha tarde. Horas ben aproveitadas!
Ningún comentario:
Publicar un comentario