O pasado xoves 25 de marzo tiveron lugar na Casa da Cultura de Vilalba as asembleas ordinaria e extraordinaria do Instituto de Estudos Chairegos, marcando unha certa volta a normalidade do funcionamento social nesta época de pandemia. Un dos puntos que se tratou foi a renovación da directiva.
O IEsCha en desenvolvendo unha actividade importante para toda a Terra Cha, recuperando e creando cultura,polo que creo que é mportante saber quen son os veciños e veciñas que o levan adiante, coñecelos e poder aproveitar (nos e se) mutuamente dunha entidade que nestes momentos non ten par en moitos lugares da nosa xeografía. Así deixo algunha liña biográfica algún dos compoñentes, centrándome nos últimos da lista, os que non teñen participado en directivas anteriores do IESCHA, máis novo e menos coñecidos.
A directiva actual está composta por:
PRESIDENTA
- Mª Luisa Barreiro Mejuto
Foi directora da escola de educación infantil. Renova no cargo.
VICEPRESIDENTA
- Sabela Figueira Tenreiro
Profesora do IES Basanta Silva, ten publicado, entre abondas outras obras, 'Os espazos da memoria'. Participou na anterior directiva.
SECRETARIO
- Arturo Gómez Mato
Mestre do CEIP Insua Bermúdez, cantor na polifónica, maquetista da asociación... Participou na anterior directiva.
VICESECRETARIO
- Xosé M. Felpeto Enríquez
Profesor en diversos centros, niveis e materias, ten sido asemade vicedirector e director. Con anterioridade, foi presidente do IESCHA. Escritor, ten varios galardóns literarios. Ver a súa biografía en 'Galegos'. Participou na anterior directiva.
TESOUREIRO
- Constantino Alvite Muinelo
Participu na anterior directiva. Director do CEIP Antonio Insua Bermúdez
VOGAIS
- Manuel Castro Santamariña
Profesor no CEIP Mato Vizoso, ten sido presidente do IESCHA, participando na anterior directiva. No 2013 publicou 'Cancioneiro das Terras de Aranga'. Ver a súa biografía en 'Galegos'.
- Manuel Roca Cendán
Catedrático de ensino medio, impartindo tamén docencia na universidade, é especialista en Lois Peña Novo, tendo publicado 'Pensamento político e económico de Lois Peña Novo' e coeditando as súas obras completas. Participou na anterior directiva. Ver a súa biografía en 'Galegos'.
- Jesús Trastoy Saavedra
Artista, pintor. Participou na anterior directiva.
- Alfonso Baamonde Fernández
Empresario. Participou na anterior directiva.
- José Gómez de Bernardo
Escultor, 'Pepón Canteiro'. Ten traballado na catedral de Santiago e creado multitude de esculturas, parte delas para o entorno de Vilalba.
- Rebeca Leal Eimil
Ten participado en publicacións colectivas con estudos como 'El origen anatolio del dios Apolo' ou 'Estrategias de expresión de la modalidad en la Bhagavad-Gita. Estudio comparativo'. Este curso é xefa de estudos nun centro educativo de Santiago, no que leva impartindo clase varios anos.
- Iria Currás Gato
Lic. en Historia da Arte, ten publicado 'Representaciones de las identidades trans en el cine español de la Transición' e seguido un Master en Teoría e crítica da Cultura e outro en Xestión da documentación.
Ningún comentario:
Publicar un comentario