Disfruta, se a temperie deixa, dun espectáculo esta noite (e as próximas, diferente). A partires das 10 e media - 11 menos cuarto, se está despexado cara ó oeste (é dicir, dende Ribadeo, cara a Foz ou a Vilanova), o ceo irase escurecendo e aparecerá primeiro, unha luminaria que se fará cada vez máis brilante ata ser a máis brilante do ceo. Trátase do planeta Venus. Despois aparecerá preto dela outra, tamén brilante, pero menos: Xúpiter. Todo aderezado coa Lúa comezando a medrar por baixo deles. Espectáculo asegurado ó que se irán sumando estrelas, ata que Lúa, Venus e Xúpiter desaparezan baixo o horizonte un a un cousa dunha hora despois.
Se está despexado, unha noite idílica para ver dende calquera lugar. Por exemplo, dende a praia das Catedrais, que a esa hora non terá moita xente e estarase achegando á baixamar. Ou dende a Illa Pancha (ben, como estará o paso pechado, dende o templete mirador do alto en terra firme).
![](https://blogger.googleusercontent.com/img/b/R29vZ2xl/AVvXsEiNcwk6sgX0pPU7y_8LVnPNEIDIVFdwb8YhvaY-6ssBxn8ThMDCNf1acwvcCJ8CVS57x5dp61PBNRPIeZ9g9uJD8sTabr1z2vEkptTv3WZQBraUnVyOWfmNdVndHcqReM6wPZrh7w/s640/zona+illa+Pancha.jpg) |
Imaxe do Sigpac da zona ínsua-Castro das Grobas (nótase os foxos)- enseada de Vilaselán- Illa Pancha- Ría de Ribadeo. A instalación embaixo á esquerda, a EDAR de Ribadeo. Máis centrada, Frigoríficos de Ribadeo, S.L. |
![](https://blogger.googleusercontent.com/img/b/R29vZ2xl/AVvXsEgZNjBl377atUDQDD4z0q9XnViWAWvi8zyGYIRnIVN25ktRPNE-w9UgF9wSO87PPt9jIHtAfixO-5tQMOxm6iVwiKS1YVi_fawFdXs1FQFpzEPcigS902qGisDfZGxcGhHcNBMjsw/s640/Catedrais.jpg) |
A zona das catedrais, no Sigpac |
Para máis información,
http://ciencia.nasa.gov/ciencias-especiales/11jun_skyshow/
Ningún comentario:
Publicar un comentario