![](https://blogger.googleusercontent.com/img/b/R29vZ2xl/AVvXsEgzunidkFAOZsi0puwEHgXjI9QTsVAMGGHAf1M1lwYAabjaAvL4RCg1rtynHvwRWytJlj5wR4qGST2rFS9tNdJ1dD9nxOF0VLwLugA7yQ_ZGcdNt5_vn_eROcdS5JGxwlHtlLsH8Q/s640/ampliando+Mirasol.jpg) |
Obras en Mirasol para ampliación da fronte á ría de ribadeo |
Ribadeo está cheo cada dous por tres, de 'últimas fotos' ou ó revés, 'primeiras lembranzas', porque para ben ou para mal, está en movemento contínuo aínda que poda parecer que non. As seis fotos de hoxe testemúñano, despois de seren tomadas todas onte.
A primeira é do comezo das obras para aliñamento da fornte de Mirasol cara á ría de Ribadeo. Á beira, unha draga destemuña que a ampliación de ancho do espolón non está soa na andanza, senón que ás obras en terra correspóndenlle tamén obras na ría.
![](https://blogger.googleusercontent.com/img/b/R29vZ2xl/AVvXsEiG8_uMJLyEMV76HUNoDzqXCjwmKDr9RsT0v84q9ScUV4NUW7HL7s-gaR8XKb2BmW7EtdFmqkulUtWH2RYTsMKmVMjg9Et_GyTML_w-uX9XovtByHC185_7q1y7zc6M3BObDP-pvQ/s640/barreira+en+Mirasol.jpg) |
Barreira no porto de Ribadeo |
A segunda foto pode chamar a atención porque é algo que poucas veces se ten visto por aquí, unha barreira. Coido que o motivo pode verse se se fixa un na cor da auga dentro e fóra da barreira (hai unha lingua da cor de dentro da rada, onde está a draga, xurdindo á saída da dársena, aínda que o conraste na foto é pequeno)
![](https://blogger.googleusercontent.com/img/b/R29vZ2xl/AVvXsEjMv20cT4Kde2iyj6SnSRQ73xYFK8aJdPDShZMTN_0Pf6cqOVxpeuUjodHre24pjA8Q7XRmOxfARlBm0iPNtosrbC74K3HDx96p_IWjY7yRpB5bebCVkskmciEDR1iOKxIveLIzgw/s640/bloques+para+Mirasol.jpg) |
Bloques para a ampliación de Mirasol |
Os bloques para empregar en Mirasol están facéndose no antigo recheo dos noventa, a carón da lonxa. Por que non están en Mirasol? Pode que parte da resposta esteña dúas fotos máis abaixo. Por certo, a caixa de camión que se ve ó fondo corresponde á loita contra incendios. O que fai alí, non o sei.
![](https://blogger.googleusercontent.com/img/b/R29vZ2xl/AVvXsEhZBDjdEjctPxY51KTHKnDriQHyR061OH1azKCfjjFW5gEdpAQ_G6pORHFVdFzwltZcL8M9pRDadilWIarts-BCDsljVfr5DTHyW-Is95UlRgSEBrqh949-DF9j2DBgkDI_QkhfaA/s640/constru%25C3%25ADndo+no+pol%25C3%25ADgono.jpg) |
O polígono, comezando a desenvoltarse |
Fóra da zona do porto, o polígono industrial vai lento, peo esperemos que seguro. A primeira nave xa ten a estrutura metálica como pode verse. A que empresa corresponde, non o sei.
![](https://blogger.googleusercontent.com/img/b/R29vZ2xl/AVvXsEjiZpwo1nawwsFFFPK4mCwXCvKMb_IgV1vZJfRuzDYu_o5W_VGrOBzV5HQmZ1KETgNPU12hZzrirgk1oEL6MP-bGmsM-qllNmlpluxgYBekljeKuEAqf9OlpdgqHf7s8jfrhJhJHw/s640/dep%25C3%25B3sito+de+madeira+en+Mirasol.jpg) |
Mirasol como almacén de madeira |
Esta foto tamén é do porto, pero podería ser tido tomada hai un par de semanas con pouca diferenza. O último recheo de Mirasol, almacén de madeira.
![](https://blogger.googleusercontent.com/img/b/R29vZ2xl/AVvXsEifBa5vl_Exd7hPXPTqhHEkwmwIZu1tbi3d3v5dU2pKZe94yuMxKyf4__uz2sm0cVv1hBM_oxcsARPDeFau2IT8kUZfkKxOimB1Hnlh0069T1oRG7gLEhL45Iho363YeSbAkud2mQ/s640/ponte+dos+Santos+iluminada.jpg) |
A ponte, iluminada |
E isto é, claro, a ponte dos Santos iluminada. Unha imaxe que coa controversia destes derradeiros tempos entre Ribadeo e Castropol polo pago da luz, pode deixar de ser habitual por un tempo.
Ningún comentario:
Publicar un comentario