Mañá aquí hai unha festa, non? Tes que ir o traballo?

Onte chegaron en visita unha coordinadora e 8 directores de centros de ensino profesional da República Checa a Ribadeo. Trátase dunha actividade dun proxecto internacional de APAGA, e van estar pola zona uns días visitando centros educativos e industrias, mantendo contactos con profesores, alumnos e xentes de aquí, ampliando perspectivas de xeito mutuo, ... O caso é que hoxe, día da hispanidade, tamén 'traballan'.
Na recepción de onte, sabían que hoxe era unha especie de día festivo para nós, pero non tiñan as ideas claras, co que fixeron o lóxico: preguntar. E a pregunta foi a caer en min.
-Si, mañá é día festivo. Non, non teño que ir ó traballo.- Pero quedaba a parte difícil: a explicación da 'festa'.
Fíxeno o mellor que puiden para que tiveran unha comprensión cabal do tema. Un tema que inclúe un dictador, o soño dun imperio, unha raza... e a virxe do Pilar, que, lembremos, 'non quere ser francesa', como di a copla, a máis do avistamento das costas do 'novo continente' por Colón.
Non sei se lles quedou tan claro o sentemento (pois tamén se falou diso, de 'feeling') pero unha vez máis lembroume a min mesmo o que significa a 'festa da hispanidade', hoxe, superposta á 'festa do Pilar' como un edificio de varios andares que non se sabe moi ben onde remata, pois tamén ten pasarelas a outros recintos próximos...

Imaxe do Pilar de Zaragoza,
no dominio público,
obtida de http://gl.wikipedia.org

O Formigueiro deixou un Ribadeo que o deixou

Venres recibín unha triste nova: o Formigueiro deixou de existir.

Para unha campaña, este marzo.

Nin a súa conta de facebook nin o seu blog dan a nova, pero non é necesario. A grupo veu a luz case co ano 2013 e o venres formalizou a asemblea da sua disolución. No seu primeiro ano non só foi un grupo que recuperou para o cultivo unha terra e fixo usable unha casa, senón que desenvolveu diversas actividades culturais, de concienciación, de difusión, de aprendizaxe... Logo, pouco a pouco, a cousa foi decaendo, de xeito que xa dende hai tempo a asistencia regular reducíase a tres persoas, aínda que había abonda máis xente que se sentía parte do grupo. A 'asistencia regular', o facer 10 xornadas de 3 horas ó mes, daba lugar a levar os froitos da terra para a casa. E é que o Formigueiro naceu con ideas claras: No seu blog, en 'quen somos', aínda hoxe se pode ler "O Formigueiro” é un proxecto de cooperación social, que naceu a finais de 2012 impulsado pola asamblea de desempregadas/os no marco do Ribadeo solidario. Esta iniciativa busca cambiar a realidade dende abaixo con base na confianza, o respeto e o apoio mutuo. Está aberta á participación de todas as persoas."

En tv

Quizáis sexa o mesmo blog, na súa barra de enderezos internos, o que da unha idea máis ampla, cos apartados 'Grupo Terra', 'As grelas' (coop. de consumo), 'Banco de tempo', 'Formación e autoemprego', 'Roupeiro'... Na barra de enderezos e nos post: "curso de elaboración artesá de conservas vexetais", "cuarta xornada de portas abertas" (con visita dun equipo de gravación de Vía V), "Unha vintena de parados se asocian para traballar a terra e comer o que cultivan" (reportaxe de El progreso), "O coñecido pianista Emili Brugalla dará un concerto gratuíto en Ribadeo en apoio ao proxecto social “O Formigueiro”", etc.

Cartel dunha actividade múltiple

O anterior, a mais de dar difusión na súa rede social a outras actividades desenvoltas en Ribadeo ou ligazóns formativas e informativas...
A terra e casa eran cedidas, coido que por Amalita, e a máis de recuperalas, ganaron a confianza dos veciños e a súa colaboración.
Ben, rematou... pero non pasou en balde. Deixo algunha lembranza a modo de documento extraído do seu blog ou do seu facebook, e a sligazóns dalgunhas referencias ó Formigueiro ou Ás Grelas no blog: (http://ribadeando.blogspot.com.es/2013/03/quen-capeee-crise-sera-imaxinativo-ou.html, http://ribadeando.blogspot.com/2015/03/o-mundo-dos-picaros-en-ribadeo-esta-fin.html, http://ribadeando.blogspot.com.es/2013/07/os-irmandinos-e-outras-cooperativas.html, http://ribadeando.blogspot.com.es/2013/03/quen-capeee-crise-sera-imaxinativo-ou.html

Razones de la permanencia espiritual de Isabel La Católica: disquisicións en Ribadeo

Onte, nunha cadea de televisión, repoñían (vez n), 'La Colmena'. Un dos tramos que me ten deixado máis pensativo é aquel no que o escritor temeroso saca o recorte do seu último traballo como defensa: "Razones de la permanencia espiritual de Isabel La Católica".
La Colmena saíu do prelo en Bós Aires no 1951. As circunstancias reflectidas na novela, ambientada uns anos antes, variaron abondo ata a actualidade. Tanto como para dicir que pasou de moda a permanencia espiritual de Isabel, pero se segue a celebrar o Pilar como festa Nacional, que te poden pedir o DNI pola rúa aínda que en teoría podas reclamar o número de placa ou que non é necesario que viviras no 'bando equivocado' unha guerra de hai anos porque hai outra confrontación en marcha sen necesidade de armas de metralla na que tes moitas probabilidades de estar no bando perdedor.
Vai amencer un novo día en Ribadeo, 'con todo o respeto' periferia da periferia da periferia, mentras no horizonte se divisa a ponte do Pilar, mellor que unha mal iluminada Ponte dos Santos. Por unha e atraverso da outra chegarán de novo xentes que virán pasar uns días e deixar os seus cartos (moitos para algúns, demasiados poucos para outros), sen importarlles moito (nin ós úns nin ós outros) a orixen das pontes (nin da do Pilar nin da dos Santos). Evidentemente, a permanencia espiritual de Isabel queda sesgada cara ó consumo e a idea de poder central en mans de quen pode mantelo. A moda era 'o resto', o ter a consideración de facer espallamento público dunhas ideas que agora non fai falta espallar no mesmo sentido, senón que se fai dun xeito natural, a traverso de diversas facetas vitais.

E esta fin de semana, pobo e viaxeiros atoparanse no corazón de Ribadeo un novo monumento máis, en aras da información ó servizo. Enfrontado a casa Arango, ó estilo dun monolito, un panel informativo máis grande en altura ou anchura que ti ou ca min estará amosando información de todo tipo que queira o Concello. A páxina web, de xeito evidente, queda pequena para poñer toda a información e xurdiu este irmán maior para dar pequenas pílulas informativas receitadas pola autoridade competente. A información sempre é boa, din, sen distinguir moito entre propaganda comercial (non coñeces a ninguén a quen o que máis lle guste da tele sexan os anuncios?) ou institucional (fixácheste cantas cousas boas fan as institucións, en particular cando se ven polos medios que controlan, cada vez mais?). Ademais, estou por apostar a que 'o monolito' non custará ó erario público, pois ese espazo non será xa só público, senón de expresión público-privada mediante os anuncios correspondentes, en claro beneficio de Ribadeo (tanto o que non custe ó erario público como polas bondades de estar anunciando cousas de Ribadeo) a cambio do módico prezo de poñer unha pantalla máis preto dun parque infantil.
Ó final, non falei nada das Razóns da permanencia espiritual de Isabel La Católica en Ribadeo. Mais coido que, mentres, a súa permanencia, en moitos sentidos, está asegurada.

A nova chegou doutro xeito...

A traverso das redes sociais chego a unha nova xa vella, de hai 20 días: o Principado terá que incoar expediente a Asturgold pola xestión realizada nos lagos de Salave.

Imaxe de https://gl.wikipedia.org/wiki/Ouro

Pero o caso é que non lembro así a nova redactada na prensa no seu momento. Cando se deu a nova, incidu en que a xustiza dera un pao a Asturgold, rematando as súas posibilidades de desenvolver a mina de Tapia, pero non resultaba da nova, ao menos nos medios que consultei, que o Principado tería que abrir expediente  e tramitar sanción, calquera que esta chegue a ser (se chega, claro, que os trámites os fai a mesma administración que ía dando adiante o tema).
Despois do paréntese, pode parecer que é o mesmo, pero non: non é só a negación de permiso, senón o dicirlle á administración que actuou mal e obrigala a rectificar, aínda que só sexa en forma, respecto ó anteriormente feito. Asemade, xunto con algunha outra sentencia, vai tomando corpo que os conceptos de sostenibilidade e responsabilidade en minería o mesmo que noutras moitas industrias no deixan de ser un mero instrumento de mercadotecnia corporativa: se hai industrias nos que a pesares da presión dos beneficios ditos conceptos teñen carta de validez, son a excepción, vense a dicir...

A RIA DE RIBADEO NOS PROGRAMAS ELECTORAIS. Artigo de Evaristo Lombardero Rico

Neste escrito analízase a presencia da Ría de Ribadeo nos programas electorais dos grupos que obtiveron representación nas últimas eleccións municipais.

A efectos espositivos encadramos en catro apartados os complexos e múltiples problemas pendentes da solucionar na ría, sen perder de vista que todos están íntimamente interrelacionados. A saber:

1.- Necesidade urxente de dotar á ría dun Plan de Protección Medioambiental. Como xa temos publicado repetidamente esta norma é preceptiva dende novembro de 1989 pola inclusión no Rexistro Europeo de Zonas de Especial Protección de Aves e despois polo Convenio RAMSAR, NATURA 2.000, etc. A competencia é das CCAA e do estado. Os concellos poden facer unha gran labor exixindo o cumplimento da norma e aportando información.

2.- As actividades de interés económico e promocional, que en gran medida estarían inseridas ou reguladas no ponto anterior. Aquí poderíamos incluir actividades industriais (asteleiros), turísticas, portos, pesca, marisqueo, explotacións que impactan directa ou indirectamente na ría, como agroforestais, lecer, etc. Obviamente a conta é amplísima.

3.- O nome da ría. Algunhas administracións públicas seguen utilizando a denominación incorrecta e ilegal “Ría del Eo” pesie ao acordo da Comisión de Nombres Geográficos de 8 de Marzo de 2008. Concretamente o alcalde de Ribadeo participa na Agrupacion Puente de los Santos e na Reserva de la Biosfera Rio Eo e Terras de Buron que utilizan sistemáticamente a denominación incorrecta.

4.- Competencias municipais directas, verquidos, saneamento etc.

Deseguido preséntanse os datos obtidos na revisión dos programas electorais seguindo este esquema.

BNG:

1.- Non fai nengunha referencia ao Plan de Protección da ría nen directa nen indirectamente.

2.- Hai varias referencias: Ponto nº 10 “Propoñeremos á Xunta un novo dragado…” Ponto nº 21“…introducción no mercado… dos produtos… da ria” . 27: “…aproveitamento da ría para deportes…” 74: repite o 27. 95: Repite con outra redacción o 21.

3.- Cítase a ría cinco veces, pero non se utiliza ningunha vez a denominación Ría de Ribadeo. Tampouco hai nengunha referencia nen directa nen indirecta á problemática do uso incorrecto do nome da ría por organismos oficiais.

4.- 102: “Seguiremos avanzando no saneamento das parroquias…” Non hai referencias aos verquidos nas Aceñas, Vilavella, Praia dos Bloques, Porto de Porcillán, etc.

CIUDADANOS:

No programa electoral deste grupo cítase unha soa vez á ría ca seguinte frase: “Poner en valor nuestra ría, nuestras playas…”. Para non enfastiar ao lector non repetimos o desglose por pontos como fixemos anteriormente. Tampouco atopamos referencias indirectas aplicabeis a eses pontos.

PARTIDO POPULAR

No Programa publicado polo PP non aparece citada nengunha vez a Ría de Ribadeo, nen co seu nome completo nen sequera como “a ría”. No apartado adicado á Zona rural , no ponto 3 di: Aposta firme polo saneamento do rural. Pero non se especifica nada concreto sobre os verquidos citados anteriormente.

PSOE

O PSOE presentou un documento con formato de díptico, incluindo 20 pontos e outro documento dixital, na sua páxina WEB (http://agrupacionpsoeribadeo.es), con 100 pontos. O primeiro é un resumen do segundo polo tanto faremos referencia este ao citar a numeración dos apartados.

1.- Non se fai nengunha referencia expresa a un Plan de protección Ambiental da ria.

2.- O ponto 97 di: Promoveremos o dragado e saneamento da ría diante das distintas institucions.

3.- No ponto 56 cítase a “Ria de Ribadeo” ao facer unha proposta oara uso do Forte de San Damián, sen aludir ao problema da denominación da ría.

4.- Podemos citar outravolta o ponte 97 onde se fala do “saneamento da ría” debendo suliñar que non se teñen en conta os verquidos que citamos anteriormente e outros que poidan existir.

En resumen, ésto foi o que atopamos nunha revisión dos programas electorais difundidos polos catro grupos que obtiveron representación nas eleccións municipais do pasado mes de maio.

Respecto do apartado 1: Nengún deles se prantexou a necesidade de conquerir un Plan de Protección, de axuntar información ou de concienciar á veciñanza e as administración sobre este tema.

Respecto do apartado 2: Hai algunas referencias, pero non parece que a ria por si mesma sexa un elemento de atención preferente dende o ponto de vista das actividades económicas e promocionais.

Respecto do apartado 3: So un grupo utiliza por unha soa vez a denominación Ria de Ribadeo. Nengún grupo se prantexa o problema do uso incorrecto e ilegal da denominación da ría por parte de moitos organismos da administración española.

Respecto do apartado 4: Nengún grupo menciona os verquidos que citamos mais arriba e a necesidade de establecer un rexistro de actividades de todo tipo que poidan afectar á ría.

Anque a sua ubicación física está no Rio de Vilaselán debemos suliñar que nengún grupo fai referencia á supervisón, funcionamento e impacto dos verquidos da depuradora nin ao saneamento do Rio de Vilaselán.

Do (noso) mar... contaminado

Sabido é que o mar estase a converter nun vertedoiro. Contaminación nun lugar onde todo vai parar ou acumulación de residuos de plástico, con illas inmensas no centro dos océanos súmanse á sobreexplotación de especies e o desequilibrio ecolóxico consecuente.
Esta semana, coa xunta de confrarías en Burela e a xuntanza desta tarde do Grupo de acción Costeira A Mariña-Ortegal, parece que a atención da zona se centra un pouco máis nese veciño imponente e imprescincible.

Así, enterámonos de algo que informe de augas de Galicia, pero que ten dificultade para abrirse paso ata as nosas cabezas: mesmo nunha zona tan pouco contaminada relativamente como a nosa, hai detectados 19 verquidos contaminantes.
A pregunta xurde de xeito inmediato: por que non se frean? A resposta non a teño, aínda que despois de seguir un verquido continuado no CAVI (ou aquí, ou aquí...) ou outros tipos de contaminación como electromagnética ou acústica, ocórreseme algunha hipótese.

Mentres, tamén se expón que a acuicultura, tal e como se está a practicar, perxudica o marisqueo e a pesca. Non é novidade, e lémbrome a loita contra a planta que se pretendía implantar en Meirengos, e que deixou como restos a lagoa Cascos.
Para completar o panorama, esta tarde tentará decidirse a inversión / subvención de varios millóns de euros por parte do grupo de Acción Costeira. Xuntanza aberta en Celeiro, pero coido que non moita profundidade de estudo para ver o seu rendemento.
E mentres, en Ribadeo parece que miramos ó mar máis para bañarnos que para outra cousa... e é un lugar grande, extenso, poboado de vida como para mirar para el como se dunha bañeira xigante se tratara.
Deixo algún complemento interesante para investigar sobre a nosa costa:

http://visorgis.cmati.xunta.es/dhgc/

Normativa do plan hidrolóxico Galicia-Costa

Controlo os meus cartos, controlo a miña vida

O título corresponde a un traballo premiado. Fíxoo a xente que recibe educación no Colexio Sagrado Corazón de Ribadeo, e o premio foi do Banco de España. Parabéns ós nosos veciños!
Tentando enterarme de algo máis, chego ó discurso do Gobernador, pero non ós traballos. E faigo algún comentario antes de deixalo reflectido a continuación:
-Os premiados son saudados como colectivo a quen vai dirixido un programa de educación financieira, non importando tanto que sexan uns ou outros os ganadores.
-Do propio contido dos traballos, todo se ignora, pois o importante é a mensaxe que queren transmitir os círculos financieiros.
-De xeito semellante, a recepción de posibles ideas non se menciona: xa teñen abondas ideas, á vista de como vai isto.
-A construción da 'política de ensino das finanzas' é cousa dos estamentos financieiros, claro.
-A aprendizaxe financieira colma unha serie de obxectivos de mellora vital que fai esquecer que a educación é algo máis que finanzas; quizáis de aí que estea traspasándose ó sector privado despois de descoidar a educación pública.
En fin, seguiría... e seguirá, ao que parece.
O discurso do Gobernador, Linde:
"
5.10.2015
Discurso de apertura
I Día de la Educación Financiera
Luis M. Linde
Gobernador
Sr. secretario de Estado de Economía, Sra. vicepresidenta de la Comisión Nacional del Mercado de Valores, colaboradores del Plan de Educación Financiera, señoras y señores, muchas gracias por su presencia hoy, aquí, para celebrar este Primer Día de la Educación Financiera.
Quisiera empezar trasmitiendo un saludo muy cordial a los profesores y alumnos del Instituto de Enseñanza Secundaria Hermanos Argensola, de Barbastro, y del Colegio Sagrado Corazón de Jesús, de Ribadeo: representan a un colectivo protagonista de nuestras iniciativas de educación financiera como acreedores de los premios que en un momento les vamos a entregar.
Mejorar nuestra cultura económica y financiera es una necesidad y un objetivo de gran importancia y, por ello, un reto de primera magnitud. Su logro supone mejoras en los niveles de bienestar de los ciudadanos -quienes estarán en mejores condiciones para tomar las decisiones más adecuadas en el ámbito económico-financiero-, contribuye a una mejor asignación de los recursos, favorece una mayor estabilidad económica y financiera y, por ello, mayor estabilidad y prosperidad para toda la sociedad.
En mayo de 2008, la Comisión Nacional del Mercado de Valores y el Banco de España asumieron, conjuntamente, el compromiso de tomar iniciat ivas e implementar programas orientados a mejorar la cultura financiera de nuestra sociedad. Este acuerdo se plasmó en la firma de un convenio de colaboración y en la publicación del Plan de Educación Financiera para el período 2008-2012. Este convenio se renovó en junio de 2013, elaborándose el Plan de Actividades para el período 2013-2017. Hoy, siete años después de la firma de nuestro primer convenio, el compromiso y el interés de la CNMV y del Banco de España en esta tarea es aún más fuerte y su cooperación, intensa y fructífera. El Convenio contempla la participación de otros organismos e instituciones, entre los que destaca, desde luego, el Ministerio de Economía y Competitividad a través de la Secretaría General del Tesoro y Política Financiera y de la Dirección General de Seguros y Fondos de Pensiones, cuyo papel quiero destacar y agradecer.
Durante estos años se han llevado a cabo diversas iniciativas en el marco del Plan y se han concretado numerosas acciones y proyectos. De estos, me gustaría destacar el diseño y lanzamiento en mayo de 2010 de un portal de referencia en materia de educación financiera. El portal “finanzasparatodos.es” es el primer hito del Plan de Educación Financiera y fue concebido para convertirse en una herramienta básica para los ciudadanos en materia financiera, ofreciendo contenidos formativos relacionados con el ámbito bancario, de valores, de seguros y de fondos de pensiones.
El Plan de Educación Financiera también tiene una faceta analítica con una doble vertiente, de evaluación e investigación. Para ello, se contempla, entre otros aspectos, el uso de herramientas demoscópicas que ayuden a identificar las áreas de conocimiento que hay que reforzar y, también, a establecer la base sobre la que medir, por un lado, la efectividad de los programas de educación financiera y, por otro, la mejora, con el paso del tiempo, de los conocimientos y habilidades en esta materia de la sociedad española.
La estrategia de educación financiera no puede ser efectiva sin la colaboración de todos los actores potencialmente implicados: administraciones públicas, industria financiera, empresas, asociaciones de consumidores y usuarios, sistema educativo, agentes sociales y, en general, el conjunto de la ciudadanía. En este sentido, en el marco del Plan, la Comisión Nacional del Mercado de Valores y el Banco de España han firmado convenios de colaboración con diversas entidades e instituciones que se han implicado en las tareas y objetivos del Plan. Su participación es fundamental para promover y difundir una mejor educación financiera y para la implementación de las estrategias a seguir para conseguirlo. En el seno del Plan se está ultimando la adopción de principios o códigos de conducta que minimicen los posibles conflictos de intereses en este ámbito y cuyas recomendaciones deberán ser, en su momento, asumidas por todos los colaboradores.
La entrega, hoy, de dos premios escolares me da la oportunidad de referirme a una de las prioridades de nuestro Plan, la educación financiera de los jóvenes. En septiembre de 2009, la Comisión Nacional del Mercado de Valores y el Banco de España firmaron un Convenio, que consideramos muy importante, de colaboración con el Ministerio de Educación, Cultura y Deporte, con el objeto de promover la educación financiera en la enseñanza reglada. La mejora en la formación y comprensión en estas materias de nuestros jóvenes ha sido, desde el primer momento, un objetivo central del Plan diseñado y, por supuesto, lo seguirá siendo.
Y termino. Las inquietudes e iniciativas a las que me he referido confluyen en esta jornada y en este acto, en el que celebramos el primer Día de la Educación Financiera. Nuestra pretensión, y la de los promotores y colaboradores del Plan, es celebrar, con carácter anual, una Jornada cuyo objetivo sea difundir el Plan y concienciar a la ciudadanía acerca de la importancia de mejorar y ampliar, en nuestra sociedad, los conocimientos financieros y, en general, los conocimientos económicos, para facilitar la toma de decisiones responsables y lograr una mejor comprensión del significado, las restricciones y los riesgos asociados a las decisiones económicas, tanto individuales, como colectivas.
Muchas gracias por su atención y paso ahora la palabra al D. Íñigo Fernández de Mesa, secretario de Estado de Economía y Apoyo a la Empresa."

Complemento: Asemblea e viaxe

Cortopego dende o blog de O Tesón as actividades promovidas para este próximo fin de semana. A viaxe, como todas as que organiza a asociación, terá un fin social e tamén divulgativo:

Nota de prensa

20150929

A AVV O Tesón de Ribadeo ten establecida como actividade anual unha viaxe social aberta. Iso significa que a viaxe está pensada para fortalecer a unión entre os socios desenvolvendo os obxectivos sociais, e tamén pretende achegar a asociación e o conxunto da sociedade que na que está inmersa.
No presente ano 2015, está previsto que a viaxe se desenvolva polas terras próximas de Burela e San Cibrao, o próximo sábado 10 de outubro. A saída será ás 10 da mañá da praza do mercado de Ribadeo, e ten previsto artellar o día arredor de dúas visitas principais, en Burela e en S. Cibrao, o barco-museo e o Museo Provincial do Mar.
As dúas visitas complementaranse con outras, como a subida ó Monte Castelo para abranguer o arco de costa entre a balsa de lodos de Alcoa e Tapia. Asemade, está previsto comer de xeito conxunto, falando de temas diversos como preparación da asemblea da asociación, que terá lugar o mes próximo.
O custe da viaxe será de 8€ para socios e 12€ para non socios, en ambos casos comida aparte. Para máis información e inscricións, nos tf. 629806592, 617597062, 663749442 ou 696200678 ou con calquera membro da directiva.
O mesmo 10 de outubro de 2015, sábado, ás 20:00 horas en segunda convocatoria (ás 19:30 en primeira convocatoria, que previsiblemente non se fará por falta de quorum) tódolos socios de O Tesón están convocados á asemblea xeral ordinaria que terá lugar no local do lavadoiro (rua dos Fornos). Os puntos previstos na orde do día son:
1.Lectura e aprobación se procede, da acta anterior
2.Memoria de actividades e balance económico do ano ata o presente
3.Próximas actividades e previsións de ingresos e gastos
4.Rogos e preguntas
Ademais, os socios terán unha participación da lotería de Nadal da asociación (nº 69936).Ademais, hai participacións para a súa compra nos lugares habituais, Mercería Torviso, Foto Miguel, Estanco Pepita da Carrilla e Sargadelos/Xeito.