Hoxe, pola paz

    Hoxe, domingo 18 de agosto de 2024, 12:30 horas, Cantón dos Moreno, Ribadeo, trinta persoas nos congregamos pola paz, incluídos forasteiros e ocasionais, que hoxe os había. Fotos de Suso dan testemuña, e o audio do final lembra algo do que alí se dixo (neste caso, verbas de Jesús Irigoyen e José Ángel Salvatierra, que seguiron ás de Nana, as miñas -das que deixo unha referencia- e de Evaristo Lombardero)

    As miñas verbas foron máis ou menos as seguintes:

    "Hai poucos días atopei un vídeo de só dez segundos no que aparece Noam Chomsky falando e dando unha explicación de como é posible que pase o que está a pasar en Palestina, pero tamén noutros lugares. Di Chomsky:

    'Parte da traxedia dos palestinos é que esencialmente non teñen apoio internacional. por unha boa razón: non teñen riqueza, non teñen poder, así que non teñen dereitos.'

    A raíz diso, estimo que as preguntas non son onde imos así, ou que é o que está a pasar, senón como deixamos que eles leven o timón ou por que o levan así."

    A gravación:

ante a montaña de desinformación, adotrinamento, tonterías e demáis, moito máis alta que a de información ...

No taboeiro do facebook dun amigo, iste colgou:

Imaxe collida de http://unitedunknown.com/wp-content/uploads/2012/06/10-estrategias-de-manipulacion-mediatica-noam-chomsky.jpg e que representa un esquema dunha curta pero completa publicación de N. Chomsky (aquí en castelán).

A propaganda é á democracia o que a violencia á ditadura

Hai tempo que coñezo a cita de Noam Chomsky, pero lendo 'Copia este libro' (a ligazón é só unha das posibles) veume á cabeza outra vez.
Por certo, de ónde sairía a idea dun gabinete de prensa para Ribadeo? (ver)

"Comparado co totalitarismo, é un grande progreso: é moito máis agradable soportar a publicidade que estar nunha sá de torturas"

..."Agora ben, ,neste mundo exsiten institucións tiránicas, as grandes empresas.son o máis parello que hai a institucións totalitarias. Non teñen que render contas ó público, á sociedade. Actúan como depredadores "..." Para defenderse, a poboación só dispón dun instrumento: o estado. Pero iste non é un escudo moi eficaz, pois en xeral está estreitamente vinculado ós depredadores"...
Tanto o título como a cita anterior corresponden a citas dun artigo de Noam Chomsky, 'La América rebelde'.
Onte fixen un pequeno reconto ó pasar por Barreiros: 24 grúas, 16 mal recollidas, sen contar cunhas cantas 'amnistiadas' no reconto. As mal recollidas, unhas por ter cousas colgando, outras por non ter o gancho achegado o máximo á torre, outras por ambas, incluso unha non estaba 'en estación', é dicir, con xiro libre para ofrecer a menor resistencia posible ó vento (facilmente observable por estar marcando unha dirección diferente ás outras todas (faltan as fotos, a ver se mañá). Por certo, que me chamou a atención que unha das mal dispostas tivera unha bandeira portuguesa no cúmio (algo que leva alí xa uns cantos días, que eu saiba). As 'amnistiadas' foron varias cunha cadea colgando, que non debera estar alí, pero que que é algo desprezable fronte a un carro con cousas metidas nel colgando e dando voltas co vento. Fixen o reconto despois de ver o outro día a nova na que alguén que lembraba á poboación que as grúas resistían o vento (a conto das ventoleiras dos días pasados) e que xiraban para ofrecer a menor resistencia a iste, algo que conectei co feito que puiden comprobar de que os mesmos gruístas en xeral teñen medo ó xefe e saltan as normas por ese medo.
E hoxe, pleno, o primeiro do 2008, no que se tentará a regularización (coido mellor que 'legalización') de edificios en Ribadeo. Para ir (e para lembar a derradeira parte da segunda entrada de onte).

Máis aló da liberdade de expresión

Cita de Noam Chomsky: 'Se non cremos na liberdade de expresión para a xente que desprezamos, non cremos en absoluto nela.'

 

   Hoxe foi presentada unha ferramenta de apoio á liberdade de expresión. LibEx, realizada polo Grupo de Traballo sobre a liberdade de expresión. É curioso, 'só' é unha páxina web con referencias xurídicas para axudar no momento no que alguén se ve atacado así, de xeito xurídico, por ter usado a liberdade de expresión.

   A cousa é a súa necesidade: coincide xusto despois do ditame do Tribunal Constitucional que apoia ó Tribunal Superior de Xustiza nunha sentenza na que se condena por queimar a bandeira. A de España, claro. Faigo esta aclaración porque xa saíu hoxe en eldiario.es unha viñeta de Bernardo Vergara na que aparecen dous togados queimando unha pseudobandeira do Tribunal Europeo dos Dereitos Humanos onde un dos togados aclara: 'Pero no cualquier bandera, ¿eh?'

   E é que ás veces (en España, nin unha nin dúas) úsase dunha xustiza da que se domina o poder de aplicación, para máis aló da sentenza, a intimidación doutras persoas ou entidades que poden ser molestas por ser libres, de xeito independente de que haxa ou non un abuso da liberdade.

   Nota curiosa: nos EEUU, onde as bandeiras ondean ata nos inodoros, pódese queimar unha bandeira e a lei -aplicada- compŕendeo e autorízao. Aquí debe ser por seren as bandeiras máis escasas e confrontadas ás autonómicas, que hai que resgardalas abondo mellor que as persoas -nalgúns casos, claro- e a nivel da liberdade dos eméritos para facer da nosa capa o seu saio. Evidentemente, a xustiza non se imparte a gusto de todos. Sirvan como exemplo o algunhas viñetas para facer rir -sobre o rei- que serviron para facer chorar -a quen se riu con elas-.

Fresco ós oitenta anos.

Despois de tanta campaña, pode producir unha sensación ben diferente o ler unha entrevista como esta que lle fixeron a Noam Chomsky.

A piques de rematar o día

Temas posibles, a antropoloxía da xira (de novo), o atardecer coa luz marabillosa sobre a ría de Ribadeo, ... ou a lembranza de que ata o momento este 6 de agosto, vaian 67 anos dende a morte da humanidade en Hiroshima. Desto último só vexo en toda a rede que frecuento unha entrada de Noam Chomsky.

Escapes

A prensa ás veces non trae nas súas novas determinadas cousas. Está comprobado e dito por moitos estudosos do tema, a parte de ser evidente en pequenas comunidades como Ribadeo, que os medios de comunicación tan pronto magnifican determinadas actividades ou sucesos como minimizan ou sinxelamente ningunean outros aínda máis importantes. Onte entereime na rúa que o mércores 27 tivera lugar a primeira voda gai en Ribadeo. Non é para tirar foguetes, pero as primeiras veces soen considerarse novas. Asemade, segundo parece o mesmo día, na rúa Ramón González houbo un cheire a gas que chegou a preocupar a algún veciño. Posiblemente unha limpeza dun depósito ou cousa polo estilo que non chegou a máis. Onte tamén, a última hora, apareceu a auga clorada. Cousas equivalentes, outras veces foron tema de prensa, pero polo que sexa (por exemplo, por falta de coñecemento do suceso), esta volta non se viron na prensa.
O que si se viu foi a nova do pleno reproducida en tódolos medios. Cando me chegou (tarde) o comunicado de prensa do concello, púxeno no blog correspondente, que non ten opinións, senón só comunicados, e tentei facerme unha idea entre os medios de comunicación e algún comentario. Foi entón cando me decatei da semellanza do que se podía por exemplo ler nos xornais e a nota de prensa 'en bruto' do concello.
É evidente que a cantiade de literatura que se produce a diaro sobre Ribadeo nos medios leva (alomenos debera levar) moito tempo escribila, e as plantillas dos medios de comunicación están en chasis por diminución de persoal conectada co aumento de rendibilidade económica. Co que a proliferación de blogs (ver o lateral) e unha auténtica ameaza para a prensa en canto Ribadeo esteña conectado, é dicir, en cantgo se considere internet de uso e non só de disfrute (é dicir, se pase de maioría de aplicacións para xogos, chat e descargas a procura de información, formación e utilidade xeral).
Mentras, de calquera xeito, sempre se pode ler entre liñas a prensa para tentar chegar un pouco máis aló na noticia, tentar sacar consecuencias de que as campañas antitabaco sexan rendibles (nova de onte da prensa, que viña a dicir que por cada euro usado en prevención a sociedade aforraba 50) ou as multas de tráfico un aspecto recaudatorio máis do estado (nova desta semana, 1 euro de inversión en prevención por cada 10 euros recaudados) ... Por certo, tamén pode chamar a atención os diferentes razoamentos tio usados en diferentes noticias segundo as fontes: na nova da rendibilidade da campaña de tabaco, se non fora pola victoria neste caso da sensibilidade médico-social, a nova podería ser máis ben deste xeito: "a inversión de 1€ en prevención antitabaco impide un movemento económico de 50€, mermando o PIB da economía española e empobrecendo á sociedade nesa medida". Parece mentira, pero hai moitas noticias que son interpretadas dese tenor. E así poderemos interpretar mellor frases de Noam Chomsky, tomadas dun artigo/entrevista de Cuadernos de Pedagogía xa vello (nº 364), nas que di cousas como que unha grande parte da economía adícase a crear consumidores (e polo tanto a suposta riqueza que crea ese movemento é absurda dende o punto de vista da mellora da vida, sendo non obnstante a base da industria da publicidade), ou que as cuestións fundamentais seguen ocultas ó longo dunha campaña eleitoral porque non saen na prensa e polo tano, escamotéase o debate sobre elas, quedando a campaña reducida á elección entre aspectos irrelevantes de programas semellantes.
Saúdos.

Algo máis para hoxe...

De novo, algo chama a miña atención; aí vai sen traducción: "si las injusticias se repiten, ¿cómo no vamos a repetirnos nosotros denunciándolas?" (Rosa Montero, El País, hoxe)
Hai un ano saía 'Imaxe Típica', e hoxe é nova que Noam Chomsky (para algo curto, mellor aquí)sexa supervendas gracias á ponderación dun dos seus libros por Chavez (Hugo, o de Venezuela) na ONU.