Ribadeo diverso

Comezo a escribir xa ó mediodía baixo unha música amplificada na rúa, moi concurrida, polo que entendo permitida polo concello, despois dunha noite típica de sábado, tamén con música amplificada de fondo, quizáis con máis boureo que outras noites semellantes, a conta de locais tamén permitidos polo concello, neste caso en particular destacando La Noche despois das cinco da mañá.
Onte pola tarde, por casualidade, vin parte do percorrido en caiac de mar, saíndo dende os Bloques. Déume unha impresión positiva que non sei transmitir moi ben nunha entrada coma esta.
Esta mañá atopeime xa coas motos dunha concentración aparcadas á beira do parque, diante dun dos locais típicos dos moteiros, o Breogán.
E, no medio, onte tivo lugar a xuntanza da Mesa de asociacións. 6 asociacións achegáronse ó Parador para falar en primeiro lugar dos apagóns de Begasa. Ó final non haberá, alomenos de momento, manifestación, senón protesta escrita diante de diversos organismos e institucións. Se se repite, está previsto que a resposta sexa outra. E, respecto ó PXOM, artellouse algunha idea como a constitución dun grupo de traballo e a realización dunha mesa redonda. Espérase ter unha xuntanza co alcalde próximamente, previa petición escrita. En resume, lento pero seguro.
E, para rematar, fotos da ría, hoxe, en marea baixa, cos tesóns estendéndose e concectando uns cos outros. Este conxunto de fotos están tomadas dendo o parque do mineral.

De O Tesón e máis

Dende o Tesón estamos a impulsar algún tipo de protesta polos cortes de luz, e ise é o motivo primeiro de convocar a xuntanza da Mesa de Asociacións que terá lugar ista tarde. Como outro tema que a bo seguro se tocará, está o PXOM, xa en prazo de alegación.
Ó que a case seguro non se aludirá será ós comentarios de Balbino P.Vacas sobre a parálise, ó su ver, do goberno municipal. Algo que segundo as súas verbas aprece contrastar coa descabezada actividade do goberno anterior, que el presidía.
Non embargantes, parece que algo si se move: no pouco conflitivo lixo, depositado por algúns fóra do contedor adecuado, aplicáronse as primeiras multas das moitas que habería que poñer. Pola prensa, parece que os culpables ós que se lle puxeron multas son veciños e non locais comerciais/hostaleiros. Se foi así, non debería de verse compensado o tema con multas asemade a algúns locais, ós que mesmo ten aludido o concelleiro de Medio Ambiente nos xornais. E compensado tamén noutros temas denunciados ata a saciedade e que parece dispostos a alimentar a corrupción municipal.
Estase a preparar pola concellería de Cultura unha homenaxe a Ana Ferradás, algo que tamén se comentou no Tesón e ó que se une a asociación.
... por certo, alguén ve rastros do pretendido paseo pola beira litoral dende Bloques ás Aceas? Aí está o plano para consultar...

Programación cultural do concello de Ribadeo para o segundo semestre do ano

Un pouco de cultura

Está avisada para esta fin de semana a Exposición Terras do Miño, reserva da Biosfera, na OMIC. O paseo da Paco Lanza en Fazouro dende o Castro de Fazouro ata o Castro dos Condes de Fontao. Ubú Rei, representado o domingo ás 20:30 no Hernán Naval. E o traslado da proxección de curtos en Tattoo de venres a sábado (probablemente signifique un trasvase de jaleo dun día no que se nota a outro no que quedará difuminado)
Hoxe remata tamén a XIV Feira da Ciencia e Tecnoloxía, exponente doutro tipo de cultura, a científica, despois de que pasen por ela do orden de 1000 persoas. A galería de fotos correspondente calculo que estará disposta na súa totalidade despois da fin de semana.
E cultura doutra natureza de historia, ou máis local, tamén é o resultado do interese por cousas como a xénese do nome da ría, cun documento da Comisión de Nomes Xeográficos que esperemos que as autoridades subministren (ou direitamente a Comisión).
Cultura tamén chamaría eu ó coñecemento do plantexamento da nave que se di a facer sobre Mirasol para facilitar a carga de papel. Algo que despois de ser comentado, segue a parecer secreto. Vamos, que ¿existe a pretensión pero non existe un proxecto? Coido que é cousa de falar claro ó pobo de Ribadeo. Os ribadenses xa temos experiencia de que Portos non clarifica as cousas ata que ten todo ben atado. E, non noso caso, iso significa invariablemente un ataque á ría perpetrado coa excusa logo incumprida de novos postos de traballo. Non fai falta bucear moito nos arquivos de hemeroteca para comprobalo.
E, afectando ó concello, tamén significa cultura ver o desenvolvemento do plan, botarlle unha ollada e poder descubrir en que se repite cos anteriores plantexados, cousas que parece indicar que a empresa, sempre a mesma, cobra unha e outra volta por modificacións insuficientes nun plantexamento sen visión de conxunto. Difícil va ser a aprobación final, o que redundaría nunha nova merma para Ribadeo. Unha pregunta: alguén me podería indicar de que serviría a ampliación do peirao comercial cara ós Bloques que está plantexada na folla 1014 do PXOM e que se inclúe como gráfico aquí?

Pistoletazo de saída para o PXOM

Xa, xa dende onte se poden presentar alegacións en prazo para o PXOM despois da publicación nos medios oficiais. Tamén xa está prevista a distribución de charlas polas parroquias. E funcionando a atención na oficina vella de turismo (previa cita). E as asociacións citadas para sumarse á participación a traverso da Mesa de asociacións. O movemento está en marcha. O resultado final depende del, da participación dos veciños. Evidentemente, non só, pero polo demáis, o plan xa está aí.
E enterámonos de que Barras voltou facer das súas, esta volta en Vilalba, con outra avaría grave, pero de abondo menos tempo que a da semana pasada en Ribadeo. aínda así, naquel caso, o alcalde aludiu na prensa a que estaba disposto a canalizar queixas dos veciños, algo que aquí pode chocar despois dos múltiples cortes desta tempada.
Pero aquí os veciños vemos en troques como os aprtidos adícanse a rifirrafes como os do xulgado (onte, outra volta de rosca, que xa non comento)
E, despois de escoitalo na radio, agora aarece na prensa que se disporá dun sistema de recollida de vidro para os hostalerios. Non comprendo moi ben por que se os veciños levamos separando vidro uns cantos anos os hostaleiros, con producción moito maior e menos variada non o fan tamén, aínda que comprendo en parte: tampouco todos os veciños o fan. En fin, o caso é que o sistema inclúe depósitos provisionais con rodas nos locais, cando hai madrugadas que nalgúns locais non creo que chegue un depósito. E precisamente para iso está unha enquisa previa, para o cálculo de vidro xerado. Ben, despois deste sistema, a cousa está en que se falla, pensarase en recoller porta a porta dos locais, o que é unha tentación pois supón menos traballo para os hostaleiros (creo), aínda que haxa que estar co lixo disposto á hora especificada: pódese deixar á porta.
A foto, dunha árbore en flor co cine teatro ó fondo.

Esforzo persoal

Ana Ferradás volta a ser nova: outra vez, campeona de España de 100 km non me fixo tanto no título renovado, senón na vontade manifesta ano tras ano para unha traballadora que día a día ten que estar no super atendendo á xente antes de poñerse aentrenar a un ritmo que lle permita aguatar os 100 km e non só, senón tamen gañar. Coido que se pode establecer unha épica detrás desta persoa, adicada ó deporte como outra xente pode estar adicada a outras cousas.
De esforzo persoal se pode calificar asemade a XIV Feira da Ciencia e Tecnoloxía que se inaugurou no IES Porta da Auga onte. Esforzo de moitas persoas (coma sempre, unhas máis, outras menos)
Nada que ver co do tristemente célebre parque de bombeiros comarcal, que agora, anos despois de comezada a polémica sobre quen ten a culpa da súa non posta en marcha, enterámonos de que non ten licenza municipal nin potencia de subministro de auga. É dicir, un despropósito como obxectivo. Despropósito que se debe vixiar, pois non parece ser o único dos nosos gobernantes. As célebres cooperación goberno-empresarios que cando se asinan se cacarea tanto, se non se vixía pasa como en Barreiros: cous empresarios da construcción que deben axudar ó pago da rede de auga de Barreiros están ilocalizables. Venderían xa os seus pisos?
E, mentras, parece que se pode repetir o enfrontamento político en Ribadeo, dista a conta do xulgado. Esperemos que sexa só o típico de 'xeneremos unha nova para saír na prensa, que últimamente non temos publicidade'.
A foto, unha vista aprcial da Feira da Ciencia e Tecnoloxía, aínda sen encher, só a preparación inicial do espazo.

11,9%

Unha pequena subida en relación ó mes de marzo do ano pasado...

Partido xudicial partido

Remato de enterarme que onte foi rexeitada unha iniciativa para variar a planta dos partidos xudiciais, é dicir, para crear un partido xudicial para Ribadeo. Non o entendo. Mellor dito, si entendo que se votara en contra, pero non que hai menos dunha semana se dixera o contrario. Non vou insistir máis no tema. Mentras a sociedade ribadense non nos mobilicemos ó unísono, Ribadeo seguirá sen ser sé dun Partido Xudicial porque os nosos representantes a certos niveis non nos farán caso. Por certo, iso mesmo pasará con moitas máis cousas (cortes de luz? (o outro corte), naves mesmo na ría?).
Hoxe pola tarde comeza a XIV Feira da Ciencia e Tecnoloxía.
Hoxe tamén se poderán contemplar aínda as árbores tronzadas no Xardín de Sela, resultado hai coido que 5 ou 6 anos dunha sega máis que dunha poda.
E, senón hoxe, pronto, veremos o Cine Colón con algunha entrada tapiada.
A foto... coido que merece un comentario, pero agora non o farei.