A agulla no palleiro

Atopar unha nova que non sexa de política é, senón misión imposible, si alomenos moi dificultosa. A xeración de novas por parte de partidos e candidatos non deixa espazo, pero máis aínda, contamina o resto das novas. Polo momento, aparece sen contaminar en Ribadeo a celebración do concerto das letras galegas hoxe, coa lembranza de Hernán no fondo. Pero dende a acusación e réplica do enlace A8-N634 en Lourenzá ás idas e vidas, uso e abuso da Mancomunidade, pasando xa en Ribadeo da subestación eléctica (con planificación que se expoñerá despois das eleccións) á torre dos Moreno (máis pilastras, máis cartos...pero nada máis), todo está dirixido á próxima cita. E, en calquera dos casos anteriores, coido que falta información pública, tanto de acusadores como de acusados, porque as cousas plantéxanse así de cara ás eleccións: os bós, os malos. É dicir, a cidadanía, ó fondo, de espectadora, sen participación, esperando a mínima ventá do voto para ser, por un momento, cidadán.

Unha lembranza para hoxe, recollido do Facebook

Chenchu López

*
Inauguración da exposición
E chegou o día. Hoxe ás sete da tarde abrirase as portas da exposición cunha pequena inauguración a base de petiscos e bebida. Estades todos convidados.

Brrrr... que nervios.

--- por certo, ,é na oficina vella de turismo á sete (en 10 minutos...)

De novo, unha vez recuperado o servizo, unha reflexión rápida (e bruta)

Parece que isto se manén estable alomenos uns minutos...vai logo

Onte non houbo debate. Cabe preguntarse pola influenza que tería en caso de terse celebrado. Hai poucos días deixei reflectida nunha entrada nova de que a campaña pode influír nun 15%. E un debate? En canto pode influír? Non é unha influenza asemade o acordo de suspensión do debate?, como apunta o blog municipais Ribadeo 2001? A quen beneficia máis unha suspensión de actividades? (por exemplo, ós partidos grandes ou ós pequenos, a quenes teñen máis votos nunha circunscrición ou a quen ten menos, a quen ten máis recursos ou a quen ten menos, ...) Mesmo, cabe plantexarse a pregunta anterior nun momento dunha catástrofe con nove mortos a 1000 km ou non? (un dato: cada día morren en España máis de 1000 persoas) Ou quizáis a catástrofe sirva para persoarse políticos principais na zona e facer outro tipo de propaganda diferente (só en certo xeito) á dos días anteriores?

O dito, algo curto e quizáis pouco político, a pesares de levar a etiqueta de 'política'.

A bola entrou!

Aproveito, despois de máis de 24 horas de caída de blogger, un momentiño para indicar que o blog segue vivio. Se isto se mantén, en 2 minutos publicarei unha mini entrada... e irei preparando un blog alternativo para casos coma iste de que se quede sen servizo a 'casa matriz'

Un susto

Hoxe estivo totalmente caído o blog un bo rato, sen poder editalo nin velo: desaparecera do mapa por un problema do aloxamento, como outros moitos blogs do mesmo lugar. Unha vez recuperado, tentarei editar unha entrada como tiña previsto hoxe.

O poder da palabra e da imaxe

Un vídeo. 6 minutos. Non un programa. Xogando á contra, pero tamén afirmándose. É a novidade introducida pola UPRi. Suso López fai un estudo dende o punto de vista da comunicación. Pero o mesmo blog, en comentario anterior, (ou hai un pa de días neste blog) xa deixaba caer que non é cousa duns poucos días, e o BNG (mellor dito, o alcalde) leva colgado na rede xa unha cantidade respetable de vídeos sobre realizacións; é posible que un a un se vexan moito menos, pero en total seguro que foron máis vistos, e dende o pensamento de hoxe, menos oportunistas (o que non quere dicir que no seu momento non foran oportunistas, como propaganda que son).
En relación ás outras forzas, onte unha furgoneta patrullaba as rúas de Ribadeo avisando dun mítin do PP, ó mesmo tempo que outra de UPRi desgranaba a súa propaganda. a estética e impresión visual, semellantes me levou a confundir un momento entre ambas, ó ir falando e polo tanto, sen caer na mensaxe. Respecto ós carteis danse curiosidades, como o enrugamento dalgún candidato que fai imaxes a modo de caricaturas, ou o viraento dalgún outro que emparella candidatos
Por outra banda, en facebook xurdiu 'ereccións municipais', cuns carteis de comparación entre diversos persoeiros televisivos e os candidatos ribadenses. Quizáis sexa para compensar o escaso movemento do blog de UPRi (que comezou a moverse de novo ó comezo da campaña despois un par de anos de inactividade), blog do candidato do PSOE ou o nulo da páxina do BNG. Sobre os perfís e taboeros dos candidatos en Facebook, é ilustrativo o que di Suso López na entrada 'radiografía ciberpolítica de Ribadeo'.
Mentras, lembrar que o filtro do que se di (dos candidatos) debe ser correspondido por un filtro do que se escoita (nos cidadáns).

Desmelenándose ou recolléndose a melena?

Aínda que a mona se vista de seda, mona se queda: hai tempo que se coñece (ou se debera coñecer á mona polo seu aspecto e os seus actos; non convence un poñerse guapa de última hora. Pero intentar, inténtase.
O Ribadeo en Rexional Preferente? Foto de conxunto. A ver quen falta!
Incumprimentos do equipo de goberno (os dos outros sempre serán máis devaluados)? Vídeo para resaltarlos (con exposición nas catro calles).
Como no caso do alonxamento dos presos vascos, os presos non quedan en Ribadeo e as competencias son doutros, pregunta no momento oportuno.
O centrarse na construcción favoreceu a destrucción? Máis construcción, como proclaman en Barreiros: 'Co desbloqueo do urbanismo volverá o emprego... e o resto'
... A campaña xa ten mítines parroquia por parroquia, ata completar en Ribadeo (houbo quen o fixo ó revés, comezando por Ribadeo), e quedan nas novas outras cousas relegadas entre tanta palabra, como a mostra arredor de Hernán que se inaugurará venres (por certo, cunha boa foto na Voz), pero tamén un auténtico debate sobre cousas factibles con poucos cartos, ou a facilitación dunha vez de 'pequenas cousas' como que as bicis sexan unha alternativa en Ribadeo: segundo unha recente infografía de 'Público', para estar á altura de Pamplona corresponderíannos uns 3 km de carrís bici...
Mentras, artigos como o de José María de onte seguirán aparecendo. Ou, noutro enfoque moi diferente, como o de Ángel de Olavide de hai uns días.

Candido Pazó

Actuou anoite no cine teatro e convenceu ante unha entrada da metade de público. Tratábase do colofón das xornadas de tapeo desta tempada. Pola mañá houbo marcha a favor da Asociación Española contra o Cancro, e tamén a segunda sesión de iniciación ó atletismo. Por agora non se move moito, despois do mítin do venres, a campaña electoral, aínda que o pobo está de exposición carteleira. Comparación de programas non se fai moito, tanto porque aínda non se coñecen (repito que PP e BNG teñen os seus programas xa en Publicado en Ribadeo) como por outras cousas, como que non se creen. Un día destes, unha comparativa dalgunha cousa dos programas.
E a parte da campaña e outras acividades que dinamizan Ribadeo, o polígono industrial comeza a marchar cunha primeira licenza de obra. Parece que despois da inauguración do polígono as cousas deberan ir máis rápido, pero é o que hai. Na foto da nova na Voz vese claramente a vocación de ampliación cara á esquerda, que parece que polo momento non vai ter lugar, pero no futuro, calquera sabe.