Curiosidades ribadenses 2008 (II)

Na loita contra o ruído, Ribadeo ten moito que dicir. Non só os sres. alcaldes dende hai uns cantos mandatos, senón a xente da rúa. Un caso: hai xa preto de dous anos, pedíronme axuda para tentar que un local non se puxera nun determinado lugar que molestaría ós veciños. Despois dun café para enterarme da situación, axudei, facendo un escrito, repasándoo, ... e logo fun entregalo ó 'usario'. O alcalde de turno convenceuno cando o ía a usar de que non o entregara, que xa se encargaba el. Resulta que quen ía poñer o local voltouse atrás, e o alcalde oportunamente veu a oportunidade de facer un favor de balde. Remato de enterarme hai poucos días que o local volve estar na picota para un local de copas. O veciño afectado volve tomar a iniciativa pedindo que lle escriban un escrito, e esta vez preséntao, case igual ó que eu lle fixera pero máis suave, esquećendeso de esixencias xerais (eso din as 'malas lenguas') pero feito por ... si, o ex alcalde. Claro que esta vez non vai só: outros veciños fixeron outro escrito diferente que asinaron e presentaron, redactado por unha persoa competente en termos legais.

Curiosidades ribadenses 2008

Comecemos por unha adiviña. Que é o que se pode atopar de xeito máis probable diante dun contedor de cartón? (a resposta, como primeiro comentario)

Achéganse os reis

Pasei polo nacemento da 'Orden Tercera', este ano a cargo de Choupín (Victor Manuel Sanjurjo Láncara) e vin achegarse ós reis ó portal, polo tanto, xa vai sendo hora de colgar o díptico da cabalgata...

Ano novo: paro crecente, inflación crecente, problemas crecentes

As primeiras novas do ano, xunto cun intento de potenciación nalgúns medios da figura do Rei, xa comezada o pasado ano, poñen de manifesto a continuidade noutro tipo de novas, como as económicas, onde o aumento inflacionario e o repunte do paro que se apuntaban cara a fin de ano son confirmados, mentras os comerciantes ribadenses din que a campaña navideña foi un éxito (moderado) e que hai que repetir eso do adianto da campaña a comezos de mes. Ó fin, tamén en Ribadeo, o Nadal hai tempo que deixou de ser motivo relixoso para ser más cuestión de mercadotecnia e consumo.
Mnetras, é previsible que teñamos máis novas deste estilo, pois o petróleo xa pasou a mítaca barreira dos 100$/barril (o que entendo que non é moito, dado o tamañodo barril...)

Pero, que é isto?

É máis doado vir de Burela a Ribadeo (ou viceversa), máis barato, hai que esperar menos, está máis subvencionado, ... de noite á movida que de día ó hospital. Ou non é asi?

Unha terceira para un día de comezo de ano

Adxunto as estatísticas do blog en relación ó pasado ano. Un aumento de visitas do 43% non está nada mal, aínda que en novembro por primeira vez na historia do blog o número de visitas foi inferior ó igual período do ano anterior. O numero de visitas cada vez será máis difícil de superar, conto con elo, e tamén con que os meses correspondentes en 2008 en relación cos que tocaron eleccións no 2007 implicarán diminución de visitas.

Máis 'avisos a navegantes'

Ruidos? Queda un longo camiño en Ribadeo, non só para acadar algo de paz, senón en relación a outros lugares. A ligazón para ver
Aconsello en particular botar unha ollada ó comentario nº 15

Imos facer un rato de Cantón?

Como primeira entrada do ano 2008 tiña unhas cantas posibilidades. Irán saíndo, pero a primeira entrada ten a súa orixe nunha expresión que escoitei o outro día nas catro calles a unha descoñecida (supónse, güiri), "vamos a hacer un rato de Cantón", dito así, con displicencia, entre 'non temos nada mellor que facer' e 'é un traballo que nos impuxemos'. De feito, nada máis dicilo, aceleraron (ían dúas) un pouco o paso para dirixirse cara alí.
Unha curiosidade máis de Ribadeo.